ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ຄະນະຊາວໜຸ່ມກະຊວງການຕ່າງປະເທດ ໄດ້ຮັບທຸງໄຊນຳຫນ້າໃນຂະບວນການແຂ່ງຂັນ 4 ບຸກ

20200108-yout1

20200108-yout2

ໃນຕອນບ່າຍວັນ​ທີ 8 ມັງກອນ 2020, ກະຊວງ​ການ​ຕ່າງປະ​ເທດ ໄດ້ຈັດພິທີ​ ມ​ອບ-ຮັບ ​ທຸງໄຊນຳຫນ້າຂະບວນການຂໍ້ແຂ່ງຂັນ 4 ບຸກ ​ໃຫ້ແກ່ ຄະນະ​ຊາວ​ໜຸ່ມປະຊາຊົນ ປະຕິວັດ​ລາວ ກະຊວງ​ການ​ຕ່າງປະ​ເທດ ໂດຍການ​ເປັນປະທານຮ່ວມຂອງ ສະຫາຍ ທອງສະຫວັນ ພົມວິຫານ, ຄະນະປະຈຳພັກ, ຮອງລັດຖະມົນຕີ​ກະຊວງ​ການ​ຕ່າງປະ​ເທດ, ສະຫາຍ ນາງ ວິລະວອນ ພັນທະວົງ, ຮອງເລຂາຄະນະພັກ, ປະທານກວດກາພັກ-ລັດ, ຮອງເລຂາຄະນະບໍລິຫານງານສູນກາງຊາວຫນຸ່ມປະຊາຊົນປະຕິວັດລາວ ແລະ ສະຫາຍ ອານຸພາບ ວົງ​ໜໍ່​ແກ້ວ, ​ເລຂາ​ຄະນະ​ບໍລິຫານ​ງານຊາວ​ໜຸ່ມ​ກະຊວງການ​ຕ່າງປະ​ເທດ ແລະ ມີບັນດາສະຫາຍຄະນະພັກກະຊວງ, ເລຂາຫນ່ວຍພັກ ແລະ ຕາງຫນ້າຫນ່ວຍພັກຈາກຫ້ອງການ ແລະ ບັນດາກົມຕ່າງໆຂອງກະຊວງການຕ່າງປະເທດ, ແຂກຖືກເຊີນຈາກສູນກາງຊາວໜຸ່ມ ແລະ ກະຊວງອ້ອມຂ້າງຈຳນວນຫນຶ່ງ, ພ້ອມ​ດ້ວຍສະມາຊິກຊາວໜຸ່ມ ກະຊວງການຕ່າງປະເທດ ເຂົ້າຮ່ວມຢ່າງພ້ອມພຽງ.

ໂອກາດດັ່ງກ່າວ, ສະຫາຍ ອານຸພາບ ວົງໜໍ່ແກ້ວເລຂາຄະນະບໍລິຫານງານຊາວໜຸ່ມ ກະຊວງການຕ່າງປະເທດ ໄດ້ຂຶ້ນກ່າວສະຫລຸບລາຍງານວຽກງານ 4 ບຸກ ຄັ້ງທີ 3 ແລະ ທິດທາງ ໃນຕໍ່ຫນ້າ, ໂດຍໄດ້ຍົກໃຫ້ເຫັນວ່າ: ຄະນະຊາວໜຸ່ມ ປປລ ກະຊວງການຕ່າງປະເທດ ເຄື່ອນໄຫວວຽກງານຊາວໜຸ່ມພາຍໃຕ້ການຊີ້ນຳ-ນຳພາຂອງອົງຄະນະພັກກະຊວງການຕ່າງປະເທດ ແລະ ທັງເປັນກໍາລັງແຮງທີ່ສໍາຄັນໃນການດໍາເນີນພາລະກິດວຽກງານການຕ່າງປະ ເທດ. ປະຈຸບັນ, ຄະນະ​ບໍລິຫານງານຊາວ​ໜຸ່ມ​ກະຊວງ​ການ​ຕ່າງປະ​ເທດ ໄດ້ຄຸ້ມຄອງສະມາຊິກຊາວໜຸ່ມພາຍໃນກະ ຊວງການຕ່າງປະເທດທັງໝົດມີ ​17 ໜ່ວຍ, ມີສະມາຊິກທັງໝົດ 462 ສະຫາຍ, ຍິງ 203 ສະຫາຍ ແລະ ໜ່ວຍຊາວໜຸ່ມຂອງບັນດາສຳນັກງານການທູດ ຂອງ ສປປ ລາວ ທີ່ຕ່າງປະເທດ ຈຳນວນ 173 ໜ່ວຍ ແລະ 8 ຮາກຖານ; ໃນນີ້, ຈໍານວນ​ສະມາຊິກຊາວໜຸ່ມທັງໝົດ 4.728 ສະຫາຍ, ຍິງ 1.924 ສະຫາຍ, ແຕ່ຈໍານວນດັ່ງກ່າວມີການເພີ່ມຂຶ້ນ ຫລື ຫລຸດລົງເປັນປະຈຳ, ເນື່ອງຈາກຊາວໜຸ່ມທີ່ເປັນນັກສຶກສາຢູ່ຕ່າງປະເທດ ທີ່ຂຶ້ນກັບໜ່ວຍ ແລະ ຮາກຖານຂອງພວກເຮົາ ແມ່ນຈະຍົກຍ້າຍກັບຄືນປະເທດ ຫລື ກົມກອງທີ່ຕົນເອງສັງກັດ ພາຍຫລັງສໍາເລັດການສຶກສາ.

ໃນໄລຍະຜ່ານມາ, ຄະນະຊາວໜຸ່ມ ປປລ ກະຊວງການຕ່າງປະເທດ ໄດ້ປະຕິບັດຂໍ້ແຂ່ງຂັນ 4 ບຸກ ທີ່ສູນກາງຊາວໜຸ່ມ ປປລ ວາງອອກໂດຍພາຍໃຕ້ການຊີ້ນຳ-ນຳພາ ຢ່າງໄກ້ຊິດ ຂອງຄະນະພັກກະຊວງການຕ່າງປະເທດ ແລະ ຄະນະນໍາຂອງສູນກາງຊາວໜຸ່ມ ປປລ, ພ້ອມທັງປະກອບສ່ວນໃນການຈັດຕັ້ງຜັນຂະຫຍາຍເນື້ອໃນມະຕິກອງປະຊຸມຜູ້ແທນຊາວໜຸ່ມທົ່ວປະເທດສະໄໝທີ VII. ຄຽງຄູ່ກັບວຽກງານວິຊາສະເພາະ, ຄະນະຊາວໜຸ່ມ ປປລ ກະຊວງການຕ່າງປະເທດ ແມ່ນຍັງໄດ້ໃຫ້ຄວາມສໍາຄັນການເຄື່ອນໄຫວຂອງວຽກງານຊາວໜຸ່ມ, ເປັນຕົ້ນແມ່ນການປະຕິບັດຂໍ້ແຂ່ງຂັນ 4 ບຸກ ຂອງຊາວໜຸ່ມປະຊາຊົນປະຕິວັດລາວ. ໃນໄລຍະໃນການປະຕິບັດຂໍ້ແຂ່ງຂັນດັ່ງກ່າວ ຄະນະຊາວໜຸ່ມ ປປລ ກະຊວງການຕ່າງປະເທດ ແມ່ນມີຄວາມເອົາໃຈໃສ່ ແລະ ໜັກແໜ້ນໃນການແຂ່ງຂັນຈົນໄດ້ຮັບນາມມະຍົດຊາວໜຸ່ມ ປປລ 4 ບຸກ ເຖິງ 3 ສະໄຫມຕິດຕໍ່ກັນ ເຊິ່ງປະກອບມີ ບຸກດ້ານການເມືອງແນວຄິດ, ບຸກດ້ານການຝຶກຝົນຫຼໍ່ຫຼອມການຮຽນ, ບຸກດ້ານການຈັດຕັ້ງ ແລະ ບຸກດ້ານວິຊາສະເພາະ ຕາມມາດຕະຖານ ແລະ ເງື່ອນໄຂຂອງສູນກາງຊາວໜຸ່ມ ປປລ ວາງອອກ ແລະ ຜົນງານດັ່ງກ່າວນັ້ນ ລ້ວນແລ້ວແຕ່ແມ່ນການປະກອບສ່ວນຂອງຊາວໜຸ່ມແຕ່ລະໜ່ວຍພ້ອມດ້ວຍສະມາຊິກທຸກສະຫາຍ ທີ່ມີຄວາມສາມັກຄີເປັນເອກກະພາບກັນປະຕິບັດຂໍ້ແຂງຂັນ 4 ບຸກ ຢ່າງຕັ້ງໜ້າ.

ໃນໂອກາດດັ່ງກ່າວນີ້, ເພື່ອສືບຕໍ່ຮັກສາມູນເຊື້ອດັ່ງກ່າວ ຊາວຫນຸ່ມກະຊວງການຕ່າງປະເທດ ຍັງໄດ້ຮັບຟັງການໂອ້ລົມ ແລະ ໃຫ້ທິດຊີ້ນໍາຂອງ ສະຫາຍ ທອງສະຫວັນ ພົມວິຫານ, ຄະນະປະຈຳພັກ, ຮອງລັດຖະມົນຕີ​ກະຊວງ​ການ​ຕ່າງປະ​ເທດ ​ແລະ ສະຫາຍ ນາງ ວິລະວອນ ພັນທະວົງ, ຮອງເລຂາຄະນະພັກ, ປະທານກວດກາພັກ-ລັດ, ຮອງເລຂາຄະນະບໍລິຫານງານສູນກາງຊາວຫນຸ່ມ ປປລ, ເຊິ່ງທັງສອງສະຫາຍ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ພົ້ນເດັ່ນດັ່ງກ່າວ ທີ່ຊາວຫນຸ່ມກະຊວງການຕ່າງປະເທດຍາດມາໄດ້ ໃນການປະກອບສ່ວນດ້ວຍຄວາມຮັບຜິດຊອບສູງເຂົ້າໃນການຜັນຂະຫຍາຍແນວທາງ ແລະ ນະໂຍບາຍການຕ່າງປະເທດຂອງພັກ ເພື່ອສ້າງສາ ແລະ ພັດທະນາປະເທດຊາດ ແລະ ຮຽກຮ້ອງໃຫ້ຊາວຫນຸ່ມໃນຂະແຫນງການຕ່າງປະເທດ ເອົາໃຈໃສ່ເຮັດວຽກງານການເມືອງ-ແນວຄິດໃຫ້ເຂັ້ມແຂງຂຶ້ນ ເພື່ອສຶກສາອົບຮົມໃຫ້ສະມາຊິກຊາວໜຸ່ມໃຫ້ກຳແຫນ້ນເຊື່ອມຊຶມແນວທາງປ່ຽນແປງໃຫ່ມອັນຖືກຕ້ອງ ແລະ ມີຫລັກການຂອງພັກ, ເສີມຂະຫຍາຍນໍ້າໃຈຮັກຊາດ, ເປັນເຈົ້າຕົນເອງ ບົນພື້ຖານຢຶດຫມັ້ນເສັ້ນທາງກ້າວຂຶ້ນສັງຄົມນິຍົມ, ເພີ່ທະວີຄວາມສາມັກຄີເປັນເອກະພາບພາຍໃນພັກ ແລະ ການຈັດຕັ້ງທຸກຂັ້ນ, ຮັບປະກັນຄວາມສະຫົງບ ແລະ ມີສະຖຽນລະພາບໃນທຸກດ້ານ; ສືບຕໍ່ສ້າງບາດກ້າວບຸກທະລຸຢ່າງແຂງແຮງກວ່າເກົ່າດ້ານການສ້າງຊັບພະຍາກອນມະນຸດ ໂດຍເອົາໃຈໃສ່ກໍ່ສ້າງຖັນແຖວພະນັກງານການທູດ ກໍຄືພະນັກງານຮຸ້ນໜຸ່ມທີ່ເຮັດວຽກໃນຂະແໜງການຕ່າງປະເທດ ໃຫ້ມີຄວາມເຂັ້ມແຂງດ້ານວິຊາ​ການ-ວິຊາ​ສະ​ເພາະ​​ ​ເພື່ອ​ຕອບ​ສະໜອງກັບ​ຄວາມ​ຮຽກຮ້ອງ​ຕ້ອງການ​ຂອງໜ້າທີ່​ວຽກງານ​ໃນ​ແຕ່ລະ​ໄລຍະຕາມທິດຫັນເປັນຫນຸ່ມ; ສືບຕໍ່ປັບປຸງກົງຈັກການຈັດຕັ້ງ, ແບບແຜນການຊີ້ນຳ-ນຳພາຂອງຄະນະບໍລິຫານງານຊາວໜຸ່ມກະຊວງ​ການ​ຕ່າງປະ​ເທດ ໂດຍເຮັດໃຫ້ເປັນລະບົບ, ເຂັ້ມແຂງ ແລະ ສາມາດຊີ້ນຳການເຄື່ອນໄຫວວຽກງານຊາວໜຸ່ມໄດ້ຢ່າງເໝາະສົມ, ມີປະສິດທິພາບ ແລະ ຕອບສະໜອງໄດ້ຄວາມຮຽກຮ້ອງຕ້ອງການຕົວຈິງຂອງໜ້າທີ່ການເມືອງຂະແໜງການຕ່າງ ປະເທດ; ຄຽງຄູ່ກັນນັ້ນ, ກໍ່ໃຫ້ສືບຕໍ່ແກ້ໄຂຂໍ້ຄົງຄ້າງ ໂດຍຊອກຫາມາດຕະການ ແລະ ວິທີການແກ້ໄຂບັນຫາໃຫ້ທັນກັບສະພາບການຕົວຈິງ ບົນພື້ນຖານການປຶກສາຫາລື ແລະ ມີຄວາມເປັນເອກະພາບສູງພາຍໃນຄະນະ ເພື່ອເຮັດໃຫ້ຊາວໜຸ່ມຂະແຫນງການຕ່າງປະເທດ ມີຄວາມຫນັກແຫນ້ນເຂັ້ມແຂງ ໃຫ້ສົມກັບ ປະທານ ໄກສອນ ພົມວິຫານ ໄດ້ໃຫ້ສົມຍານາມຊາວໜຸ່ມໄວ້ວ່າ: ຊາວໜຸ່ມ ຈົ່ງເປັນດັ່ງນົກອິນຊີ ທີ່ບໍ່ຫວັ່ນກົວຕໍ່ ພາຍຸລົມແດງ ຈົ່ງກາຍເປັນສິນ ໄຊແຫ່ງຍຸກສະໄໝຂອງພວກເຮົາ.

          ໃນ​ພິທີດັ່ງກ່າວນີ້, ສະຫາຍ ນາງ ວິລະວອນ ພັນທະວົງ ໄດ້ຕາງຫນ້າໃຫ້ຄະນະບໍລິຫານງານສູນກາງຊາວຫນຸ່ມ ປປລ​ ມອບທຸງໄຊນໍາຫນ້າຂະບວນການແຂ່ງຂັນ 4 ບຸກ ໃຫ້ແກ່ ສະຫາຍເລຂາຄະນະນບໍລິຫານງານຊາວຫນຸ່ມກະຊວງການຕ່າງປະເທດ ຕາງຫນ້າຊາວຫນຸ່ມຂະແຫນງການຕ່າງປະເທດທັງຫມົດ ຂຶ້ນຮັບທຸງໄຊໃນຄັ້ງນີ້.

a
ແຈ້ງການ

*ຖະແຫຼງການຂອງກະຊວງການຕ່າງປະເທດ ກ່ຽວກັບ ສປປ ລາວ ສະແດງຄວາມຊົມເຊີຍ ແລະ ສະໜັບສະໜູນ ສປ ຈີນ ຕໍ່່ການຮັບຮອງເອົາກົດໝາຍ ວ່າດ້ວຍ ການຮັກສາຄວາມຫມັ້ນຄົງແຫ່ງ ຊາດຂອງເຂດປົກຄອງພິເສດຮົງກົງ.

*ສະຖານເອກອັກຄະລັດຖະທູດ ແຫ່ງ ສະຫະລັດ ອາເມຣິກາ ປະຈຳ ສປປ ລາວ ງົດການອອກວີຊາບາງປະເພດ ໃຫ້ແກ່ພົນລະເມືອງລາວ.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ວັນທີ 01 ມິຖຸນາ 2020

*ສືບຕໍ່ປະຕິບັດບັນດາມາດຕະການຜ້ອນຜັນ, ມາດຕະການໃນການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດ ຂອງພະຍາດ COVID-19 ໃນໄລຍະແຕ່ວວັນທີ 02-30 ມິຖຸນາ 2020

*ຖະແຫຼງການຂອງກະຊວງການຕ່າງປະເທດ ແຫ່ງ ສປປ ລາວ ກ່ຽວກັບ ຮ່າງກົດໝາຍ ວ່າດ້ວຍ ການສ້າງ ແລະ ປັບປຸງລະບຽບກົດໝາຍ ແລະ ກົນໄກປະຕິບັດກົດໝາຍຕ່າງໆ ຂອງເຂດປົກຄອງພິເສດຮົງກົງ ເພື່ອຮັກສາຄວາມໝັ້ນຄົງແຫ່ງຊາດ.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19

ຄຳແນະນຳສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 (COVID-19)

* ປະກາດໂຄສະນາ ກ່ຽວກັບ ການຄັດເລືອກບຸກຄົນ ຫຼື ອົການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2020

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການສືບຕໍ່ໂຈະການອອກວີຊາທຸກປະເພດ ເຖິງວັນທີ 3 ພຶດສະພາ 2020

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ

* ມາດຕະການປ້ອງກັນ ແລະ ສະກັດກັ້ນການລະບາດຂອງພະຍາດ ໂຄວິດ-19 ຂອງ ສປປ ລາວ ໃນປະຈຸບັນ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການໂຈະຊົ່ວຄາວການຮັບຄໍາຮ້ອງຂໍໜັງສືຜ່ານແດນທໍາມະດາ

* ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດໄວຣັດ Covid-19

* ໂຄສົກກະຊວງການຕ່າງປະເທດ ແຫ່ງ ສປປ ລາວ ຖະແຫຼງຂ່າວ ກ່ຽວກັບ ມາດຕະການຄຸ້ມຄອງ ແລະ ຊ່ວຍເຫຼືອນັກສຶກສາ ແລະ ພົນລະເມືອງລາວ ທີ່ອາໄສຢູ່ ສປ ຈີນ

* ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ

* ການຈັດຕັ້ງປະຕິບັດ ສັນຍາຍົກເວັ້ນວິຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ-ຮົງກາລີ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
223608
ມື້ນີ້95
ມື້ວານ104
ອາທິດນີ້782
ເດືອນນີ້2293
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710