ໃນວັນທີ 23 ທັນວາ 2021, ທີ່ ກະຊວງການຕ່າງປະເທດ, ໄດ້ມີພິທີມອບ-ຮັບເຄື່ອງຊ່ວຍເຫຼືອ ຈາກ ໂຄງການຈິດອາສາຮັກສາໂຄວິດ-19, ປະເທດໄທ ໃຫ້ແກ່ ສະຫະພັນ ແມ່ຍິງກະຊວງການຕ່າງປະເທດ ເພື່ອນຳໄປມອບຕໍ່ໃຫ້ບັນດາຄອບຄົວຜູ້ທຸກຍາກຂາດເຂີນ ຫຼື ຄອບຄົວທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19, ໃຫ້ກຽດຕາງຫນ້າຮັບໂດຍ ທ່ານ ນາງ ອາລຸນີ ກົມມະສິດ, ປະທານກິດຕິມະສັກ ສະຫະພັນແມ່ຍິງກະຊວງການຕ່າງປະເທດ, ພັນລະຍາ ທ່ານລັດຖະມົນຕີກະຊວງການຕ່າງປະເທດ ພ້ອມດ້ວຍຜູ້ຕາງຫນ້າຈາກ ຄະນະບໍລິຫານງານສະຫະພັນແມ່ຍິງກະຊວງການຕ່າງປະເທດ, ເຊິ່ງຕາງຫນ້າມອບໂດຍ ທ່ານ ພິພັດພົນ ສາຣະໂຍທະຍານ, ຜູ້ກໍ່ຕັ້ງ ແລະ ຜູ້ສະຫນັບສະຫນູນໂຄງການຈິດອາສາຮັກສາໂຄວິດ-19 ເພື່ອມິດຕະພາບ ລາວ-ໄທ 70 ປີ.