ໃນວັນທີ 21 ສິງຫາ 2015, ທີ່ເດີ່ນຕີດອກປີກໄກ່ສູນກາງຊາວໜຸ່ມ, ໄດ້ມີການຈັດການແຂ່ງຂັນ ກິລາຕີດອກປີກໄກ່ ຊາວຫນຸ່ມກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງ ພັກ ຊິງຂັນທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ເພື່ອຂໍ່າ ນັບຮັບຕ້ອນກອງປະຊຸມໃຫຍ່ ຄັ້ງທີ III ຂອງອົງຄະນະພັກກະຊວງການຕ່າງປະເທດ, ແລະ ວັນ ການທູດລາວ ຄົບຮອບ 70 ປີ. ໂດຍການເຂົ້າຮ່ວມຂອງ ສະຫາຍ ອານຸພາບ ວົງໜໍ່ແກ້ວ, ເລຂາ ຄະນະບໍລິຫານງານຊາວໜຸ່ມ ກະຊວງການຕ່າງປະເທດ ແລະ ຄຕພ ແລະ ມີບັນດາສະຫາຍ ສະມາຊິກຊາວໜຸ່ມ ກະຊວງ ຕປທ ແລະ ຄຕພ ເຂົ້າຮ່ວມຢ່າງພ້ອມພຽງ.

ໃນ​ວັນ​ທີ 20 ສິງຫາ 2015, ທີ່ເດີ່ນເຕະບານສະຕາ, ໄດ້​ມີການ​ຈັດກິດຈະ​ກໍາ​ບານ​ເຕະມິດຕະພາບຂຶ້ນ ລະຫວ່າງ ຫ້ອງການ​ກະຊວງ​ການ​ຕ່າງປະ​ເທດ ​ແລະ ບໍລິສັດລັດ​ວິ​ສາ​ຫະກິດ​ລາວ​ໂທລະ​ຄົມ ​ ​ເພື່ອ​ເປັນ​ການສ້າງ​ຂະ​ບວນການ​ຂໍ່ານັບ​ຮັບ​ຕ້ອນ​ ກອງ​ປະຊຸມ​ໃຫຍ່​ຜູ້​ແທນ​ອົງຄະ​ນະ​ພັກ​ກະຊວງ​ການ​ຕ່າງ ປະ​ເທດ ຄັ້ງ​ທີ III ​ແລະ ສະ​ເຫຼີ​ມສະຫຼອງວັນ​ການ​ທູດ​ລາວ ​ຄົບຮອບ 70 ປີ. ​ໃນ​ໂອກາດ​ດັ່ງກ່າວ ​ບໍລິສັດລັດ​ວິ​ສາ​ຫະກິດ​ລາວ​ໂທລະ​ຄົມ ​ໄດ້​ມອບ​ເຄື່ອງ​ກິລາ​ ຈໍານວນ 40 ຊຸດ ໃຫ້​ແກ່​ຊາວ​ໜຸ່ມ​ຫ້ອງ ການ​ກະຊວງ​ການ​ຕ່າງປະ​ເທດ, ​ໃຫ້​ກຽດກ່າວມອບ​ໂດຍ ທ່ານ ຄໍາ​ຫຼ້າ ສະໜຸກ​ຜົນ, ຫົວໜ້າ​ຝ່າຍ​ນະຄອນຫຼວງ​ວຽງ​ຈັນ ຂອງ​ບໍລິສັດ​ລັດ​ວິ​ສາ​ຫະກິດ​ລາວ​ໂທລະ​ຄົມ ​ແລະ ກ່າວ​ຮັບ​ໂດຍ ທ່ານ ​ເຮືອງ​ແສງ ຄໍາ​ດາລາ​ວົງ, ຮອງ​ຫົວໜ້າ​ຫ້ອງການ​ກະຊວງ​ການ​ຕ່າງປະ​ເທດ ພ້ອມດ້ວຍ​ພະນັກງານ​ທັງ​ສອງ​ພາກສ່ວນ​ ກໍ​ໄດ້​ເຂົ້າຮ່ວມ​​ຢ່າງ​ພ້ອມພຽງ.

ໃນວັນທີ 25 ກໍລະກົດ 2015, ສາມອົງການຈັດຕັ້ງມະຫາຊົນຂອງ ກະຊວງການຕ່າງປະເທດ ໄດ້ຈັດຂະບວນການອອກແຮງງານອານາໄມພາຍໃນກະຊວງ ແລະ ບໍລິເວນອ້ອມກະຊວງການຕ່າງ ປະເທດ ເພື່ອຄຳນັບຮັບຕອນກອງປະຊຸມໃຫຍ່ ຄັ້ງທີ III ຂອງອົງຄະນະພັກກະຊວງການຕ່າງ ປະເທດ, ວັນການທູດລາວ ຄົບຮອບ 70 ປີ ແລະ ວັນສະຖາປານາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ.