ໜ່ວຍຊາວໜຸ່ມຫ້ອງການກະຊວງການຕ່າງປະເທດ ໄດ້ຈັດການເຜີຍແຜ່ລະບຽບການນຳໃຊ້ຄອມພິວເຕີແລະ ການນຳໃຊ້ຂໍ້ມູນຂ່າວສານ ໂດຍຜ່ານລະບົບອິນເຕີເນັດ ຂຶ້ນໃນວັນພຸດ, ທີ 15 ກໍລະກົດ 2015, ທີ່ຫ້ອງປະຊຸມຂອງກະຊວງການຕ່າງປະເທດ ເພື່ອສ້າງຄວາມເຂັ້ມແຂງໃຫ້ແກ່ສະມາຊິກຊາວໜຸ່ມຫ້ອງການກະຊວງ ໃຫ້ເຂົ້າເຖິງຖານຂໍ້ມູນ ແລະ ນິຕິກຳ ກ່ຽວກັບ ວຽກງານຄຸ້ມຄອງ ແລະ ນຳໃຊ້ສື່ສັງຄົມອອນລາຍ ແລະ ເພື່ອເສີມສ້າງຄວາມເຂົ້າໃຈ ແລະ ຄວາມຮັບຮູ້ອີກຂັ້ນໜຶ່ງ ໃຫ້ແກ່ສະມາຊິກຊາວໜຸ່ມຫ້ອງການ, ແນໃສ່ຫຼີກລ້ຽງໃຫ້ຊາວໜຸ່ມນຳໃຊ້ອິນເຕີເນັດໃນທາງທີ່ບໍ່ເກີດຜົນປະໂຫຍດ, ແຕ່ໃນທາງກົງກັນຂ້າມ ແມ່ນເຮັດໃຫ້ຊາວໜຸ່ມຫ້ອງການກະຊວງ ສາມາດນຳໃຊ້ອິນເຕີເນັດໃຫ້ເກີດປະໂຫຍດສູງສຸດ ເພື່ອຮັບໃຊ້ໜ້າທີ່ການເມືອງຂອງຕົນໃນໄລຍະໃໝ່.
ໃນລະຫວ່າງວັນທີ 15-16 ພຶດສະພາ 2015, ຢູ່ທີ່ ສູນກາງຊາວຫນຸ່ມປະຊາຊົນ ປະຕິວັດລາວ, ຊາວຫນຸ່ມກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງພັກ ໄດ້ເຂົ້າຮ່ວມ ງານແຂ່ງຂັນກິລາດອກປີກໄກ່ຊິງຂັນ ທ່ານຫົວຫນ້າ ຄະນະໂຄສະນາອົບຮົມສູນກາງພັກ ແລະ ທ່ານເລຂາ ຄະນະບໍລິຫານງານສູນກາງ ຊປປລ ເພື່ອສະເຫລີມສະຫລອງວັນສ້າງຕັ້ງຄະນະ ຊປປລ ຄົບຮອບ 60 ປີ ແລະ ຂໍ່ານັບຮັບຕ້ອນ ກອງປະຊຸມໃຫຍ່ ຄະນະຜູ້ແທນຊາວຫນຸ່ມທົ່ວປະເທດ ຄັ້ງທີ VII, ເຊິ່ງຈັດໂດຍ ສູນກາງ ຊປປລ ຮ່ວມກັບ ສະຫະພັນກິລາດອກປີກໄກ່ແຫ່ງຊາດລາວ.
ໃນຕອນແລງວັນທີ 15 ພຶດສະພາ 2015, ຄະນະຊາວຫນຸ່ມກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງພັກ ຮ່ວມກັບ ຄະນະຊາວຫນຸ່ມກະຊວງແຜນການ ແລະ ການລົງທຶນ ໄດ້ຈັດກິຈະກຳການແຂ່ງຂັນກິລາບານເຕະມິດຕະພາບ ປະເພດທີມຍິງ ແລະ ຊາຍ ຂຶ້ນ ເພື່ອເປັນການຂໍ່ານັບຮັບຕ້ອນກອງປະຊຸມໃຫ່ຍຂອງອົງຄະນະພັກກະຊວງການຕ່າງປະ ເທດ ແລະ ຄະນະພົວພັນຕ່າງປະເທດສູນກາງພັກຄັ້ງທີ່ III, ກອງປະຊຸມໃຫຍ່ຂອງອົງຄະນະພັກກະຊວງແຜນ ການ ແລະ ການລົງທຶນ ຄັ້ງທີ III ແລະ ກອງປະຊຸມໃຫຍ່ຜູ້ແທນຊາວຫນຸ່ມທົ່ວປະເທດ ຄັ້ງທີ VII ທີ່ຈະໄດ້ຈັດຂຶ້ນໃນມໍ່ໆນີ້.