ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ຊາວໜຸ່ມກະຊວງການຕ່າງປະເທດ ມອບເຄື່ອງຊ່ວຍເຫຼືອໃຫ້ແຂວງເຊກອງ ແລະ ແຂວງຫຼວງນຳ້ທາ

mopxl1

mopxl2

   ໃນວັນທີ 28 ມິຖຸນາ 2018, ທີ່ ສູນການຮ່ວມມືສາກົນ ແລະ ການຝຶກອົບຮົມ, ນະຄອນຫຼວງວຽງຈັນ, ຊາວໜຸ່ມກະຊວງການຕ່າງປະເທດ ໄດ້ຈັດພິທີມອບເຄື່ອງຊ່ວຍເຫຼືອໃຫ້ແກ່ ແຂວງເຊກອງ ແລະ ແຂວງຫຼວງນຳ້ທາ, ຊຶ່ງຕາງໜ້າຊາວໜຸ່ມກະຊວງການຕ່າງປະເທດ ເປັນກຽດມອບເຄື່ອງໃນຄັ້ງນີ້ແມ່ນ ທ່ານ ອານຸພາບ ວົງໜໍ່ແກ້ວ, ກຳມະການຄະນະບໍລິຫານງານສູນກາງຊາວໜຸ່ມ ປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມກະຊວງການຕ່າງປະເທດ, ຫົວໜ້າກົມອົງການຈັດຕັ້ງສາກົນ, ກະຊວງການຕ່າງປະເທດ; ແລະ ຕາງໜ້າໃຫ້ແຂວງເຊກອງ ຂຶ້ນຮັບໂດຍ ທ່ານ ພອນເພັດ ຄິວລະວົງ, ປະທານສະພາປະຊາຊົນແຂວງເຊກອງ, ຮອງເລຂາຄະນະພັກແຂວງ; ແລະ ຕາງໜ້າໃຫ້ແຂວງຫຼວງນຳ້ທາ ຂຶ້ນຮັບໂດຍ ທ່ານ ນາງ ເກສອນ ແສງຍະວົງ, ສະມາຊິກສະພາແຫ່ງຊາດ ປະຈຳເຂດເລືອກຕັ້ງ 3, ແຂວງຫຼວງນຳ້ທາ; ໂດຍມີສະມາຊິກຊາວໜຸ່ມກະຊວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ອ່ານເພີ່ມເຕີມ... 

ສະຫະພັນແມ່ຍິງ ກະຊວງການຕ່າງປະເທດ ສປປ ລາວ ແລະ ສສ ຫວຽດນາມ ພົບປະແລກປ່ຽນປະຈຳປີ ທີ່ ນະຄອນຫຼວງພະບາງ, ແຂວງຫຼວງພະບາງ

 

Mofawomen8june2018PLB2

Mofawomen8june2018PLB3

ລະຫວ່າງວັນທີ 7-10 ມິຖຸນາ 2018, ຄະນະ​​ສະຫະພັນແມ່ຍິງ (ສຍລ) ຊວງການຕ່າງປະເທດ ນຳໂດຍ ສະຫາຍ ນາງ ອາລຸນີ ກົມມະສິດ, ພັນລະຍາລັດຖະມົນຕີ​, ປະທານກິດຕິມະສັກສະຫະພັນແມ່ຍິງກະຊວງການຕ່າງປະເທດ ສປປ ລາວ ໄດ້ຕ້ອນຮັບຄະນະແມ່ຍິງ ກະຊວງການຕ່າງປະເທດຫວຽດນາມ ນຳໂດຍ ສະຫາຍ ນາງ ຫງວຽນ ທິ ຫງວຽດ ຫງ່າ, ພັນລະຍາຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມທີ່ເດີນທາງມາຢ້ຽມຢາມ ແລະ ພົບປະແລກບົດຮຽນກັບ​​ ສຍລ ກະຊວງການຕ່າງປະເທດ ລາວ ທີ່ ນະຄອນຫວງພະບາງ, ແຂວງຫຼວງພະບາງ. ໃນການຢ້ຽມຢາມຄັ້ງນີ້, ຄະນະໄດ້ຮັບກຽດ​ໃຫ້ການຕ້ອນຮັບຢ່າງອົບອຸ່ນຈາກ ສະຫາຍ ບົວທອງ ແພງສະຫວັນ, ຮອງເລຂາພັກແຂວງ, ປະທານອົງການກວດກາແຂວງຫຼວງພະບາງ, ສະຫາຍ ນາງ ບົວສອນ ໄຊຍະໄຊ, ຮອງປະທານສະຫະພັນແມ່ຍິງແຂວງຫຼວງພະບາງແລະ ທ່ານ ຫວຽນບາຮຸ່ງ, ​ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສສ ຫວຽດນາມປະຈຳ ສປປ ລາວ.

​​​ໃນການພົບປະສອງຝ່າຍລະຫວ່າງສະຫະພັນແມ່ຍິງຂອງສອງກະຊວງການຕ່າງປະເທດ ລາວ ແລະ ຫວຽດາມ ທີ່ໄດ້ຈັດຂຶ້ນ ໃນວັນທີ 8 ມິຖຸນາ 2018, ຕາງໜ້າຝ່າຍລາວສະຫາຍນາງພິມພາແກ້ວມີໄຊ, ຄະນະ​​ບໍລິຫານງານສູນກາງສະຫະພັນແມ່ຍິງລາວ (ສຍ), ປະທານສຍລກະຊວງການຕ່າງປະເທດ, ຮອງ​ປະທານ​ຄະນະກຳມາ​ທິການ​ ສົ່ງ​ເສີມ​ຄວາມ​ກ້າວໜ້າ​ຂອງ​ແມ່ຍິງ ​ແລະ ​ແມ່-​ເດັກ ກະຊວງ​ການ​ຕ່າງປະ​ເທດ ແລະ ຕາງໜ້າຝ່າຍ ຫວຽດນາມ ສະຫາຍ ນາງ ເລ່ທິ ຕວຽດ ມ່າຍ, ຄະນະບໍລິຫານງານສູນກາງແມ່ຍິງຫວຽດນາມ, ຮອງປະທານຄະນະກຳມະການເພື່ອຄວາມກ້າວໜ້າຂອງແມ່ຍິງກະຊວງຕ່າງປະເທດ ໄດ້ຜັດປ່ຽນກັນແຈ້ງໂດຍຍໍ້ ກ່ຽວກັບ ສະພາບ ແລະ ການເຄື່ອນໄຫວຂອງສະຫະພັນ​ແມ່ຍິງກະຊວງການຕ່າງປະເທດຂອງລາວ ແລະ ຫວຽດນາມ ໃຫ້ກັນຊາບ. ພ້ອມນັ້ນ, ທັງສອງຝ່າຍຍັງ ໄດ້ແລກປ່ຽນບົດຮຽນ ກ່ຽວກັບ ກິດຈະກຳການເຄື່ອນໄຫວຂອງຕົນ ແລະ ວຽກງານສົ່ງເສີມຄວາມກ້າວໜ້າຂອງແມ່ຍິງ, ຊຶ່ງເປັນວຽກງານທີ່ມີຄວາມສຳຄັນເພື່ອຍົກສູງບົດບາດຂອງແມ່ຍິງໃນຂົງເຂດວຽກງານຄວາມສະເໝີພາບລະຫວ່າງຍິງ-ຊາຍແລະ ສະກັດກັ້ນການໃຊ້ຄວາມຮຸແຮງຕໍ່ແມ່ແລະເດັກເວົ້າລວມ, ເວົ້າສະເພາະໃນຂົງເຂດວຽກງານການຕ່າງປະເທດ. ນອກນັ້ນ, ຍັງໄດ້ຊົມເຊີຍຕໍ່ຜົນສຳເລັດ​​ການຮ່ວມມື ຂອງແມ່ຍິງສອງກະຊວງການຕ່າງປະເທດໃນໄລຍະທີ່ຜ່ານມາ, ຊຶ່ງມີບາດກ້າວຂະຍາຍຕົວເປັນທີ່ໜ້າເພິ່ງພໍໃຈ.

ສອງ​ຝ່າຍ ຕີ​ລາຄາ​ສູງ​ຕໍ່ການຢ້ຽມຢາມພົບປະຄັ້ງນີ້, ສະ​ແດງ​ເຖິງ​ການ​ສືບ​ຕໍ່​ຜັນ​ຂະຫຍາຍ​ສາຍ​ພົວພັນ​ມິດຕະພາບອັນ​ຍິ່ງ​ໃຫຍ່, ຄວາມ​ສາມັກຄີ​ພິ​ເສດ ​ແລະ ການ​ຮ່ວມ​ມື​ຮອບດ້ານ​ລະຫວ່າງ​ສອງ​ຊາດ ​ເວົ້າລວມ, ​ເວົ້າສະ​ເພາະ ​ແມ່ນ​ການ​ຮ່ວມ​ມື​ຂອງ​ແມ່ຍິງ​ສອງ​ກະຊວງ​ການ​ຕ່າງປະ​ເທດ ລາວ-ຫວຽດນາມ ​ໃຫ້​ສູ່​ລວງ​ເລິກ ​ແລະ ​ເປັນ​ຮູບ​ປະ​ທຳ ນັບ​ມື້​ໜັກ​ແໜ້ນຢ່າງ​ຕໍ່​ເນື່ອງ. ນອກນັ້ນ, ຄະນະຍັງໄດ້ຢ້ຽມຢາມສະຖານທີ່ຕ່າງໆເຊັ່ນ: ພະລາດຊະວັງ, ວັດຊຽງທອງ, ນ້ຳຕົກຕາດກວ້າງຊີ ແລະ ສູນຫັດຖະກຳແຜ່ນແພບ້ານຜານົມ, ຊຶ່ງເປັນເມືອງມໍລະດົກໂລກ, ສະຖານທີ່ທ່ອງທ່ຽວປະຫວັດສາດ, ວັດທະນະທຳແລະ ທຳມະຊາດທີ່ມີຊື່ສຽງຂອງສປປລາວກໍຄືຂອງໂລກ.

a
ແຈ້ງການ

* ການປັບປຸງຂໍມູນໃໝ່ ກ່ຽວກັບ ດ່ານສາກນໃນຂອບເຂດທົ່ວປະເທດລາວ

* ຖະແຫຼງການຂອງກະຊວງການຕ່າງປະເທດ ກ່ຽວກັບ ການເລືອກຕັ້ງ ທີ່ ໄຕ້ຫວັນ

*ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ຈະເດີນທາງໄປເຂົ້າຮ່ວມ ກອງປະຊຸມລັດຖະມົນຕີຕ່າງປະເທດອາຊຽນ ວົງແຄບ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
192292
ມື້ນີ້24
ມື້ວານ95
ອາທິດນີ້669
ເດືອນນີ້1696
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710