ໃນວັນທີ 01 ມີນາ 2017, ທີ່ ກະຊວງການຕ່າງປະເທດ, ບໍລິສັດ ສະຕາຣ ໂທລະຄົມມະນາຄົມ ຕາງໜ້າໂດຍທ່ານ ນາງ ລັດສະໝີ ທຳມະວົງ, ຫົວໜ້າພະແນກການເງິນ, ໄດ້ມອບເງິນສົມທົບບູລະນະຖ້ຳຂະແໜງການຕ່າງປະເທດ ທີ່ ເມືອງວຽງໄຊ, ແຂວງຫົວພັນ, ເປັນຈຳນວນເງິນ 14.000.000 ກີບ, ໂດຍການກ່າວຮັບຂອງ ທ່ານ ອານຸພາບ ວົງໜໍ່ແກ້ວ, ຫົວໜ້າກົມອົງການຈັດຕັ້ງສາກົນ, ເລຂາຄະນະບໍລິຫານງານຊ່າວໜຸ່ມ, ກະຊວງການຕ່າງປະເທດ.

ໃນວັນ​ທີ 18 ມັງກອນ 2017, ທີ່​ ກະຊວງ​ປ້ອງ​ກັນ​ປະ​ເທດ, ຄະນະ​ສະຫະພັນ​ແມ່ຍິງ ກະຊວງ​ການ​ຕ່າງປະ​ເທດ ​​ໄດ້​ນຳ​ເອົາ​ປັດໃຈ ລວມມີເຄື່ອງ​ຊ່ວຍ​ເຫຼືອ, ​ເຄື່ອງ​ບໍລິ​ໂພ​ກຈຳນວນ​ໜຶ່ງ​ ແລະ ເງິນສົດ ລວມມູນ​ຄ່າ​ທັງ​ໝົດ 5 ລ້ານກວ່າກີບ ມອບໃຫ້​ແກ່ສະຫະພັນ​ແມ່ຍິງ​ກະຊວງ​ປ້ອງ​ກັນ​ປະ​ເທດ ເພື່ອ​​ນຳ​ໄປ​ມອບໃຫ້​ອ້າຍ​ນ້ອງ, ນາຍ ​ແລະ ພົນທະຫານ ກະຊວງ​ປ້ອງ​ກັນ​ປະ​ເທດ ທີ່​ກຳລັງ​ປະຕິບັດ​ໜ້າ​ທີ່ຢູ່​ຊົນນະບົດ, ເຂດທຸລະກັນດານ ​ແລະ ຫ່າງ​ໄກສອກຫຼີກ ​ໃນ​​ໂອກາດວັນ​ສ້າງຕັ້ງກອງທັບ​ປະຊາຊ​ົນ​ລາວ ຄົບຮອບ 68 ປີ ໃນວັນ​ທີ 20 ມັງກອນ ທີ່​ຈະ​ມາ​ເຖິງ​ນີ້.

ໃນວັນທີ 20 ທັນວາ 2016, ທີ່ ກະຊວງການຕ່າງປະເທດ, ບັນດາພັນລະຍາທູດ ແລະ ກົງສູນໃຫຍ່ ແຫ່ງ ສປປ ລາວ ປະຈຳຢູ່ຕ່າງປະເທດ ແລະ ຮ້ານອາຫານລາວເດີມ ສົມທົບບູລະນະຖ້ຳຂະແໜງການຕ່າງປະເທດ ທີ່ ເມືອງວຽງໄຊ, ແຂວງຫົວພັນ ຈຳນວນ 10.000.000 ກີບ ໂດຍການກ່າວຮັບຂອງ ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ.