ໃນວັນທີ 12 ພະຈິກທີ່ຜ່ານມານີ້, ຄະນະຊາວໜຸ່ມຂອງສະຖານທູດລາວ ແລະ ຊາວໜຸ່ມຂອງສະຖານທູດ ສສ ຫວຽດນາມ ປະຈຳປະເທດໄທ ໄດ້ຮ່ວມກັນຈັດການແຂ່ງຂັນກິລາເຕາະບານມິດຕະພາບຂື້ນຢູ່ສະໜາມແຕະບານ Super Kick ໃຈກາງນະຄອນຫຼວງບາງກອກ, ປະເທດໄທ.
ໃນວັນທີ 13 ພະຈິກ 2015, ທີ່ສູນຮ່ວມມື ແລະ ຝຶກອົບຮົມສາກົນ (ICTC), ສະຫະພັນແມ່ຍິງກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງພັກ ໄດ້ຈັດງານພົບປະສັງສັນ “ງານລ້ຽງນ້ຳຊາ” ລະຫວ່າງບັນດາພັນລະຍາການນຳຂອງກະຊວງການຕ່າງປະເທດ, ພັນລະຍານັກການທູດລາວ, ບັນດາທ່ານພັນລະຍາຂອງທູດຕານຸທູດຕ່າງປະເທດ ປະຈຳລາວ, ນັກການທູດຍິງ ແລະ ພັນລະຍາຂອງຜູ້ຕາງໜ້າອົງການຈັດຕັ້ງສາກົນ ປະຈຳຢູ່ ສປປ ລາວ ໂດຍການເປັນປະທານຂອງ ທ່ານ ນາງ ນາລີ ສີສຸລິດ, ພັນລະຍາທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ, ປະທານກິດຕິມະສັກ ສະຫະພັນແມ່ຍິງກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງພັກ (ຄຕພ), ໃນນັ້ນ, ມີຜູ້ຕາງຫນ້າຈາກສູນກາງສະຫະພັນແມ່ຍິງລາວ ແລະ ຕາງຫນ້າຈາກ ສະຫະພັນແມ່ຍິງແຕ່ລະກະຊວງ ກໍໄດ້ໃຫ້ກຽດເຂົ້າຮ່ວມ; ມີແຂກເຂົ້າຮ່ວມຫຼາຍກວ່າ 350 ທ່ານ.
ໃນວັນທີ 11 ກັນຍາ 2015, ທີ່ເດີ່ນເປຕັງສູນກາງຊາວໜຸ່ມ, ໄດ້ມີການຈັດການແຂ່ງຂັນກິລາເປຕັງ ຊາວຫນຸ່ມກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງພັກ ຊິງຂັນທ່ານຮອງ ນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ເພື່ອຂໍ່ານັບຮັບຕ້ອນກອງປະຊຸມ ໃຫຍ່ ຄັ້ງທີ III ຂອງອົງຄະນະພັກກະຊວງການຕ່າງປະເທດ, ແລະ ວັນການທູດລາວ ຄົບຮອບ 70 ປີ. ໂດຍການເຂົ້າຮ່ວມຂອງ ສະຫາຍ ອານຸພາບ ວົງໜໍ່ແກ້ວ, ເລຂາ ຄະນະບໍລິຫານງານຊາວໜຸ່ມ ກະຊວງການຕ່າງປະເທດ ແລະ ຄຕພ ແລະ ມີບັນດາສະຫາຍ ສະມາຊິກຊາວໜຸ່ມ ກະຊວງ ຕປທ ແລະ ຄຕພ ເຂົ້າຮ່ວມຢ່າງພ້ອມພຽງ.