Ministry of Foreign Affairs of Laos - ສານຊົມເຊີຍຈາກ ບັນດາການນຳ ແຫ່ງ ສາທາລະນະລັດ ສະຫະພັນ ເຢຍລະມັນ ເຖິງ ບັນດາການນຳ ແຫ່ງ ສປປ ລາວ

ສານຊົມເຊີຍຈາກ ບັນດາການນຳ ແຫ່ງ ສາທາລະນະລັດ ສະຫະພັນ ເຢຍລະມັນ ເຖິງ ບັນດາການນຳ ແຫ່ງ ສປປ ລາວ

ພະນະທ່ານ ບຸນຍັງ ວໍລະຈິດ

ປະທານປະເທດ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ທີ່ ນະຄອນຫຼວງວຽງຈັນ

ພະນະທ່ານ ປະທານປະເທດ,

ໃນນາມປະຊາຊົນເຢຍລະມັນ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມຊົມເຊີຍຢ່າງຈິງໃຈ ມາຍັງພະນະທ່ານ ເນື່ອງໃນໂອກາດທີ່ພະນະທ່ານຖືກເລືອກຕັ້ງໃຫ້ດຳລົງຕຳແໜ່ງເປັນປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ເຢຍລະມັນ ແລະ ລາວ ມີສາຍພົວພັນຖານເພື່ອນມິດມາໄດ້ຫຼາຍສິບປີແລ້ວ. ຂ້າພະເຈົ້າ ເຊື່ອໝັ້ນ ວ່າ ໃນໄລຍະທີ່ພະນະທ່ານດຳລົງຕຳແໜ່ງເປັນປະທານປະເທດ, ຈະເຮັດໃຫ້ການຮ່ວມມືທີ່ດີລະຫວ່າງສອງປະເທດຂອງພວກເຮົາໄດ້ຮັບການເສີມສ້າງຍິ່ງໆຂຶ້ນ. ກັບການເສີມສ້າງດັ່ງກ່າວ, ພະນະທ່ານສາມາດນັບໄດ້ເຖິງການສະໜັບສະໜູນຊ່ວຍເຫຼືອຂອງເຢຍລະມັນ ໃຫ້ແກ່ປະເທດຂອງພະນະທ່ານ ໃນການພັດທະນາທີ່ເຕັມສ່ວນ ແລະ ທັນສະໄໝ ເພື່ອຄວາມສົມບູນພູນສຸກຂອງປະຊາຊົນລາວ ໃນອະນາຄົດ.

ສຸດທ້າຍນີ້, ຂ້າພະເຈົ້າຂໍອວຍພອນໃຫ້ພະນະທ່ານຈົ່ງມີສຸຂະພາບແຂງແຮງ ແລະ ປະສົບຜົນສຳເລັດໃນການປະຕິບັດໜ້າທີ່ວຽກງານຂອງພະນະທ່ານ.

ໂຈອາຄິມ ເກົາ

ປະທານາທິບໍດີ ແຫ່ງ ສາທາລະນະລັດ ສະຫະພັນ ເຢຍລະມັນ

ພະນະທ່ານ ທອງລຸນ ສີສຸລິດ

ນາຍົກລັດຖະມົນຕີ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ທີ່ ນະຄອນຫຼວງວຽງຈັນ

ພະນະທ່ານ ປະທານປະເທດ,

ຂ້າພະເຈົ້າ ຂໍສົ່ງຄວາມຊົມເຊີຍຢ່າງຈິງໃຈ ມາຍັງພະນະທ່ານ ເນື່ອງໃນໂອກາດທີ່ຖືກແຕ່ງຕັ້ງໃຫ້ດຳລົງຕຳແໜ່ງເປັນປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ສອງປະເທດຂອງພວກເຮົາມີຄວາມໄວ້ວາງໃຈເຊິ່ງກັນ ແລະ ກັນຢ່າງເຕັມສ່ວນໃນການພົວພັນຮ່ວມມື. ຂ້າພະເຈົ້າຂໍອວຍພອນໄຊໃຫ້ພະນະທ່ານຈົ່ງມີພະລານາໄມເຂັ້ມແຂງ ແລະ ປະສົບຜົນສຳເລັດອັນໃຫຍາຫຼວງ ໃນພາລະກິດຂອງພະນະທ່ານ.

ດ້ວຍຄວາມນັບຖືຢ່າງສູງ,

ອັງເກລາ ແມກແຄນ

ນາຍົກລັດຖະມົນຕີ

ແຫ່ງ ສາທາລະນະລັດ ສະຫະພັນ ເຢຍລະມັນ

ພະນະທ່ານ ສະເຫຼີມໄຊ ກົມມະສິດ

ລັດຖະມົນຕີຕ່າງປະເທດ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ທີ່ ນະຄອນຫຼວງວຽງຈັນ

ແບກແລັງ, ວັນທີ 28 ເມສາ 2016

ພະນະທ່ານ,

ຂ້າພະເຈົ້າ ຂໍສະແດງຄວາມຊົມເຊີຍຢ່າງຈິງໃຈ ມາຍັງພະນະທ່ານ ເນື່ອງໃນໂອກາດທີ່ຖືກແຕ່ງຕັ້ງໃຫ້ດຳລົງຕຳແໜ່ງເປັນລັດຖະມົນຕີຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ໃນປີນີ້ ປະເທດຂອງພະນະທ່ານໄດ້ຮັບກຽດເປັນປະທານອາຊຽນ ຊຶ່ງມີບົດບາດສຳຄັນທາງການເມືອງສາກົນ. ຂ້າພະເຈົ້າເຊື່ອໝັ້ນວ່າ ການປະຕິບັດພາລະກິດຂອງພະນະທ່ານ ບໍ່ພຽງແຕ່ຈະເຮັດໃຫ້ການພົວພັນລະຫວ່າງສອງປະເທດຂອງພວກເຮົາສືບຕໍ່ແຕກດອກອອກຜົນຍິ່ງໆຂຶ້ນເທົ່ານັ້ນ, ແຕ່ຍັງຈະໄດ້ ປະກອບສ່ວນຮັດແໜ້ນສາຍພົວພັນລະຫວ່າງ ສະຫະພາບເອີຣົບ ແລະ ອາຊຽນ ໃຫ້ແໜ້ນແຟ້ນຍິ່ງຂຶ້ນ.

ຂ້າພະເຈົ້າຂໍອວຍພອນໄຊໃຫ້ພະນະທ່ານຈົ່ງມີພະລານາໄມເຂັ້ມແຂງ, ມີຄວາມເຊື່ອໝັ້ນແລະໂຊກດີ ທຸກປະການໃນພາລະກິດອັນສູງສົ່ງຂອງພະນະທ່ານ.

ດ້ວຍຄວາມນັບຖືຢ່າງສູງ,

ຟຣັງ-ວານເຕີ້ ສະຕາຍມາຍເຍີ້

ລັດຖະມົນຕີຕ່າງປະເທດ

ແຫ່ງສາທາລະນະລັດ ສະຫະພັນ ເຢຍລະມັນ

ມື້ນີ້	193
ມື້ວານ	227
ອາທິດນີ້	528
ເດືອນນີ້	4797

-

ເຊື່ອມຕໍ່ເວັບໄຊພາຍໃນລາວ

ທູດລາວທີ່ປະຈຳຢູ່ຕ່າງປະເທດ

ສານຊົມເຊີຍຈາກ ບັນດາການນຳ ແຫ່ງ ສາທາລະນະລັດ ສະຫະພັນ ເຢຍລະມັນ ເຖິງ ບັນດາການນຳ ແຫ່ງ ສປປ ລາວ

ຂ່າວອື່ນໆທີ່ກ່ຽວຂ້ອງ

ແຈ້ງການ

ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ