ເຮັກ, ພຶດສະພາ 2016

ພະນະ​ທ່ານ ສະ​ເຫຼີ​ມ​ໄຊ ກົມມະ​ສິດ

ລັດຖະມົນຕີ​ກະຊວງ​ການຕ່າງປະ​ເທດ

ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ

ທີ່ ນະຄອນຫຼວງ​ວຽງ​ຈັນ

ພະນະ​ທ່ານ,

ຂ້າພະ​ເຈົ້າ​ຂໍ​ສະ​ແດງ​ຄວາມ​ຊົມ​ເຊີຍ​ຢ່າງຈິງ​ໃຈ ​ທີ່​ທ່ານ​ໄດ້ຖືກ​ແຕ່ງ​ຕັ້ງ​ໃຫ້​ລົງ​ຕຳ​ແໜ່ງ​​ເປັນ ​ລັດຖະມົນຕີ​ກະຊວງການ​ຕ່າງປະ​ເທດ ​ແຫ່ງ​ ສປປ ລາວ.

ສປປ ລາວ ​ແລະ ​ໂຮ​ນລັງ ສືບ​ຕໍ່​​ເສີມ​ຂະຫຍາຍສາ​ຍພົວພັນທີ່​ມີ​ລັກສະນະເປັນ​ໜຶ່ງ​ດຽວ​ມາ​ແຕ່​ປີ 1641​.

ຂ້າພະ​ເຈົ້າມີ​ຄວາມ​ເຊື່ອ​ໝັ້ນ​ຢ່າງ​ຍິ່ງວ່າ ສາຍ​ພົວພັນ​ດັ່ງກ່າວ ຈະ​ສືບ​ຕໍ່​​​ເສີມ​ຂະຫຍາຍ​ຂຶ້ນ​ໄປ​ເລື້​ອຍໆ​ ທັງ​ໃນ​ຂອບ ສອງຝ່າຍ ​ແລະ ຫຼາຍ​ຝ່າຍ ​ໃນ​ຕໍ່ໜ້າ, ​ແລະ ຂ້າພະ​ເຈົ້າ​ຫວັງ​ວ່າ​ ຈະສືບ​ຕໍ່​ຮັດ​ແໜ້ນ​ການ​ເປັນ​ຄູ່​ຮ່ວມ​ມືທີ່​ໃກ້ຊິດ​ຂອງ​ພວກ​ເຮົາ​.

ຂ້າພະ​ເຈົ້າ​ຂໍ​ຖື​ໂອກາດ​ນີ້ ສະ​ແດງ​ຄວາມ​ຮູ້​ບຸນຄຸນ​ຕໍ່​ການ​ສະໜັບສະໜຸນ​ຂອງປະ​ເທດ​ຂອງ​ທ່ານ ​ແລະ ຂອງພະນະທ່ານ​ເອງ ທີ່​ມີ​ຕໍ່​ໂຮ​ນລັງ ​ໃນ​ການ​ລົງ​ສະໝັກ​ເຂົ້າ​ເປັນ​ສະມາຊິກ​ບໍ່ຖາວອນສະພາ​ຄວາມໝັ້ນຄົງຂອງ ສປຊ. ພວກ​ເຮົາ​ຮູ້ສຶກ​ເປັນ​ກຽດທີ່​ຈະ​ເຮັດ​ໜ້າ​ທີ່ຮັບ​ໃຊ້​ສະພາຄວາມ​ໝັ້ນຄົງດັ່ງກ່າວ​ ໃນຖານະຄູ່​ຮ່ວມມື​ຂອງ​ທ່ານ ​ເພື່ອ​ສັນຕິພາບ, ຄວາມ​ຍຸຕິ​ທຳ ​ແລະ​ ການ​ພັດທະນາ.

ຂ້າພະ​ເຈົ້າ​ໝັ້ນ​ໃຈ​ວ່າ​ ສາຍ​ພົວພັນ​ມິດຕະພາບ​​ລະຫວ່າງສອງ​ປະ​ເທດ​ເຮົາ ​ຈະ​ສືບ​ຕໍ່​ພັດທະນາ ​ເພື່ອ​ຜົນ​ປະ​ໂຫຍ​ດ ​ແລະ ຄວາມ​ວັດທະນາ​ຖາວອນ​ຂອງປະຊາຊົນ​ສອງ​ຊາດ​ພວກ​ເຮົາ.

ຂ້າພະ​ເຈົ້າ​ຂໍ​ອວຍພອນ​​​ໄຊ​ໃຫ້​ທ່ານ ປະສົບ​ຜົນສຳ​ເລັດ​ໃນ​ໜ້າ​ທີ່ອັນ​ສຳຄັນ​ໃນ​ອະນາຄົດ​ຂ້າງ​ໜ້າ.

ດ້ວຍ​ຄວາມ​ນັບຖື​ຢ່າງ​ສູງ,

​ເບີດ ​ໂຄ​ເອັນ​ເດີສ໌

ລັດຖະມົນຕີ​ກະຊວງ​ການ​ຕ່າງປະ​ເທດ​ ແຫ່ງ ຣາຊະ​ອານາ​ຈັກ ​ໂຮ​ນລັງ