ພະນະທ່ານ ເດວິດ ຈອນສະຕັນ,

ຜູ້ສຳເລັດລາດຊະການ ແຫ່ງ ການາດາ

ທີ່ ໂອຕາວາ

ພະນະທ່ານ,

          ເນື່ອງໃນໂອກາດວັນຊາດ ການາດາ ຄົບຮອບ 149 ປີ, ໃນນາມລັດຖະບານ ແຫ່ງ ສປປ ລາວ, ປະຊາຊົນ ແລະ ໃນນາມສ່ວນຕົວ ຂໍສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດມາຍັງພະນະທ່ານ ແລະ ຜ່ານພະນະທ່ານໄປຍັງປະຊາຊົນການາດາເພື່ອນມິດທຸກທົ່ວໜ້າ.

          ຂ້າ​ພະ​ເຈົ້າເຊື່ອ​ຫມັ້ນ​ວ່າ ສາຍ​ພົວພັນ​ມິດຕະພາບ ລະຫວ່າງ​ ສອງ​ປະ​ເທດພວກ​ເຮົາ ​ຈະສືບຕໍ່​ໄດ້​ຮັບ​ການ​ເສີມຂະຫຍາຍ ແລະ ຮັດແໜ້ນຍິ່ງ​ໆຂຶ້ນໃນຊຸມປີຕໍ່ໜ້າ.

          ຂ້າພະ​ເຈົ້າ​ຂໍ​ຖືໂອກາດ​ນີ້ອວຍພອນ​​ໃຫ້​ພະນະ​ທ່ານຈົ່ງ​ມີ​ພະລານາ​ໄມ​ສົມບູນ, ມີ​ຄວາມ​ຜາ​ສຸກ ​ແລະ ​ປະສົບ​ຜົນສຳ​ເລັດ​ໃນ​ໜ້າ​ທີ່​ອັນ​ສູງ​ສົ່ງ​ຂອງ​ພະນະ​ທ່ານ.

                                                                             ດ້ວຍຄວາມນັບຖືຢ່າງສູງ,

ບຸນຍັງ ວໍລະຈິດ

                                               ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

-----------------------------------------------------------------------------------------------------------------------------

ພະນະທ່ານ ຈັສຕິນ ທຣູໂດ,

ນາຍົກລັດຖະມົນຕີ ແຫ່ງ ການາດາ

ທີ່ ໂອຕາວາ

ພະນະທ່ານ,

          ເນື່ອງໃນໂອກາດວັນຊາດ ການາດາ ຄົບຮອບ 149 ປີ, ຂ້າພະເຈົ້າໃນນາມຕາງໜ້າໃຫ້ແກ່ລັດຖະບານແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂໍສົ່ງຄຳຊົມເຊີຍອັນຈິງໃຈ ແລະ ພອນໄຊອັນປະເສີດ ມາຍັງພະນະທ່ານ ຈົ່ງມີສຸຂະພາບເຂັ້້ມແຂງ, ມີຄວາມຜາສຸກ ແລະ ປະສົບຜົນສຳເລັດໃນໜ້າທີ່ອັນມີກຽດຂອງພະນະທ່ານ.

          ສາທາລະນະລັດ ປະຊາທິປະໄຕ ປະຊາຊົນລາວ ຕີລາຄາສູງຕໍ່ສາຍພົວພັນມິດຕະພາບທີ່ມີມາແຕ່ດົນ ແລະ ການຊ່ວຍເຫຼືອອັນລ້ຳຄ່າຂອງການາດາທີ່ມີຕໍ່ ສປປ ລາວ ທັງໃນກອບສອງຝ່າຍ ແລະ ຫຼາຍຝ່າຍ ໃນໄລຍະຜ່ານມາ ຂ້າພະເຈົ້າເຊື່ອໝັ້ນວ່າ ດ້ວຍຄວາມພະຍາຍາມຮ່ວມກັນ ແລະ ການສະໜັບສະໜູນຊ່ວຍເຫຼືອຊື່ງກັນແລະກັນ, ສາຍພົວພັນອັນຍາວນານລະຫວ່າງສອງປະເທດ ຈະໄດ້ຮັບການສືບຕໍ່ຮັດແໜ້ນ ແລະ ເສີມຂະຫຍາຍຍິ່ງໆຂຶ້ນ ເພື່ອຜົນປະໂຫຍດຂອງປະຊາຊົນທັງສອງຊາດພວກເຮົາ, ເພື່ອສັນຕິພາບໂລກ ແລະການຮ່ວມມືສາກົນ.

                                                                               ດ້ວຍຄວາມນັບຖືຢ່າງສູງ,

ທອງລຸນ ສີສຸລິດ

                                                                                                                                     ນາຍົກລັດຖະມົນຕີ

                                                                         ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

-----------------------------------------------------------------------------------------------------------------------------

ພະນະທ່ານ ສະຕີເຟັນ ດີອອນ,

ລັດຖະມົນຕີກະຊວງການຕ່າງປະເທດ ແຫ່ງ ການາດາ

ທີ່ ໂອຕາວາ

ພະນະທ່ານ,

ຂ້າພະ​ເຈົ້າ ຂໍສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດມາຍັງພະນະທ່ານ ເນື່ອງໃນໂອກາດວັນຊາດ ການາດາ ຄົບຮອບ 149 ປີ.

      ໃນປີຜ່ານມາ ສາຍພົວພັນມິດຕະພາບ ແລະ ການຮ່ວມມື ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ການາດາ ກໍ່ຄືສອງກະຊວງການຕ່າງປະເທດພວກເຮົາ ແມ່ນໄດ້ຮັບການພັດທະນາ​ເປັນ​ກ້າວ​ໆ​ມາ ຂ້າພະເຈົ້າຫວັງວ່າຈະໄດ້ຮ່ວມເຮັດວຽກກັບພະນະທ່ານ ເພື່ອສືບ​ຕໍ່ເສີມຂະຫຍາຍສາຍພົວພັນມິດຕະພາບ ລາວ - ການາດາ ໃຫ້ນັບມື້ຂະຫຍາຍຕົວຍິ່ງໆຂຶ້ນ ເພື່ອຜົນປະໂຫຍດຂອງສອງປະເທດເຮົາ.

ດ້ວຍຄວາມເຄົາລົບຢ່າງສູງ,

ສະເຫຼີມໄຊ ກົມມະສິດ

                                                                          ລັດຖະມົນຕີກະຊວງການຕ່າງປະເທດ