ນະຄອນຫລວງວຽງຈັນ, ວັນທີ 18 ສິງຫາ 2016

ພະນະທ່ານ ຈາໂນສ ອາເດີ,

ປະທານາທິບໍດີ ແຫ່ງ ສາທາລະນະລັດ ຮົງກາຣີ

ທີ່ ບູດາແປສ໌

ພະນະທ່ານ,

ເນື່ອງໃນໂອກາດວັນຊາດ ຮົງກາຣີ, ຕາງໜ້າໃຫ້ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າຂໍສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດມາຍັງ ພະນະທ່ານ ແລະ ປະຊາຊົນ ຮົງກາຣີ ທຸກຖ້ວນໜ້າ.

ຂ້າພະເຈົ້າ ຫວັງວ່າຈະໄດ້ຮ່ວມເຮັດວຽກກັບພະນະທ່ານ ເພື່ອຮັດແໜ້ນການຮ່ວມມືທີ່ມີຜົນປະໂຫຍດຮ່ວມກັນ ແລະ ເຮັດໃຫ້ສາຍພົວພັນມິດຕະພາບ ລະຫວ່າງ ສອງປະເທດພວກເຮົາ ມີຄວາມເລິກເຊິ່ງຍິ່ງໆຂຶ້ນ.

ດ້ວຍຄວາມນັບຖືຢ່າງສູງ,

ບຸນຍັງ ວໍລະຈິດ,

ປະທານປະເທດ ແຫ່ງ ສາທາລະນະລັດປະຊາທິປະໄຕ ປະຊາຊົນລາວ

---------------------------------------------------------------------------------------------------------------------------

ນະຄອນຫລວງວຽງຈັນ, ວັນທີ 18 ສິງຫາ 2016

ພະນະທ່ານ ວິກເຕີ ອໍບານ,

ນາຍົກລັດຖະມົນຕີ ຮົງກາຣີ                                                                                     

ທີ່ ບູດາແປສ໌

ພະນະທ່ານ,

ເນື່ອງໃນໂອກາດວັນຊາດ ຮົງກາຣີ, ຂ້າພະເຈົ້າ ຂໍສົ່ງຄວາມຊົມເຊີຍຢ່າງຈິງໃຈ ແລະ ອວຍພອນ​ໄຊ​ອັນ​ປະ​ເສີດ​ມາຍັງພະນະທ່ານ ຈົ່ງມີສຸຂະພາບເຂັ້ມແຂງ ແລະ ປະສົບຜົນສຳເລັດໃນໜ້າທີ່ອັນສູງສົ່ງຂອງພະນະທ່ານ.

ຂ້າພະເຈົ້າ ເຊື່ອໝັ້ນວ່າ, ສາຍພົວພັນມິດຕະພາບ ລະຫວ່າງສອງປະເທດ ກໍ່ຄື ສອງລັດຖະບານຂອງ  ພວກເຮົາ ຈະໄດ້ຮັບການເສີມຂະຫຍາຍຢ່າງບໍ່ຢຸດຢັ້ງ ເພື່ອຜົນປະໂຫຍດຂອງສອງປະເທດຂອງພວກເຮົາ.

ດ້ວຍຄວາມນັບຖືຢ່າງສູງ,

ທອງລຸນ ສີສຸລິດ,

ນາຍົກລັດຖະມົນຕີ ແຫ່ງ ສາທາລະນະລັດປະຊາທິປະໄຕ ປະຊາຊົນລາວ

---------------------------------------------------------------------------------------------------------------------------

ນະຄອນຫລວງວຽງຈັນ, ວັນທີ 18 ສິງຫາ 2016

ພະນະທ່ານ ປີເຕີ ຊີຈາໂຕ,

ລັດຖະມົນຕີກະຊວງການຕ່າງປະເທດ ແລະ ການຄ້າ ຮົງກາຣີ

ທີ່ ບູດາແປສ໌

ພະນະທ່ານ,

ເນື່ອງໃນໂອກາດວັນຊາດ ຮົງກາຣີ, ຂ້າພະເຈົ້າຂໍສົ່ງຄຳຊົມເຊີຍຢ່າງຈິງໃຈ ແລະ ພອນໄຊອັນປະເສີດມາຍັງພະນະທ່ານ ຈົ່ງ​ມີ​ສຸຂະ​ພາບ​ເຂັ້ມ​ແຂງ ແລະມີ​ຄວາມ​ຜາ​ສຸກ.

ຂ້າພະເຈົ້າເຊື່ອໝັ້ນວ່າ ດ້ວຍຄວາມພະຍາຍາມຮ່ວມກັນ ສາຍພົວພັນ ແລະ ການຮ່ວມມື ລະຫວ່າງ ສອງປະເທດ ກໍ່ຄື ສອງກະຊວງການຕ່າງປະເທດຂອງພວກເຮົາ ຈະໄດ້ຮັບການຮັດແໜ້ນ ແລະ ຂະຫຍາຍຕົວຍິ່ງຂື້ນໃນຊຸມປີຕໍ່ໜ້າ.

ດ້ວຍຄວາມນັບຖືຢ່າງສູງ,

ສະເຫລີມໄຊ ກົມມະສິດ,

ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ