ນະ​ຄອນຫຼວງວຽງ​ຈັນ, ວັນ​ທີ 25 ກຸມ​ພາ 2017

ສົ​ມ​ເດັດ,

ເນື່ອງ​ໃນ​ໂອ​ກາດອັນສະຫງ່າລາສີ ​​ວັນ​ຊາດ​ ແຫ່ງ ລັດ​ກູ​ເວດ ຄົບ​ຮອບ 56 ປີ, ໃນ​ນາມຕາງໜ້າລັດຖະບານ, ​ປະ​ຊາ​ຊົນ ແຫ່ງ​ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ແລະ ໃນ​ນາມ​ສ່ວນ​ຕົວ, ຂ້າ​ພະ​ເຈົ້າ​ ຂໍຖື​ເປັນ​ກຽດ​ສົ່ງ​ຄຳ​ຊົມ​ເຊີຍ​ອັນ​ອົບ​ອຸ່ນ ແລະ ພອນ​ໄຊ​ອັນ​ປະ​ເສີດ​ມາ​ຍັງ​ ສົມ​ເດັດ, ລັດຖະບານ ແລະ ປະ​ຊາ​ຊົນກູ​ເວດ ເພື່ອນ​ມິດ​ທຸກ​ຖ້ວນ​ໜ້າ.

ສາທາລະນະລັດ ປະຊາທິປະໄຕ ປະຊາຊົນລາວ ແລະ ລັດກູເວດ ມີສາຍພົວພັນມິດຕະພາບ ແລະ ການຮ່ວມມືອັນດີຮ່ວມກັນຕະຫລອດມາ. ຂ້າພະເຈົ້າ ເຊື່ອງໝັ້ນວ່າ ສາຍພົວພັນ ແລະ ການຮ່ວມມືອັນດີດັ່ງກ່າວ ຈະສືບຕໍ່ໄດ້ຮັບການເສີມຂະຫຍາຍຢ່າງຕໍ່ເນື່ອງ ເພື່ອ​ຜ​ົນ​ປະ​ໂຫຍດຂອງ​ປະ​ຊາ​ຊົນສອງ​ຊາດ​ພວກ​ເຮົາ.

ຂ້າ​ພະ​ເຈົ້າ ຂໍ​ຖື​ໂອ​ກາດນີ້ ອວຍ​ພອນໄຊ​ໃຫ້​ ສົມ​ເດັດ ຈົ່ງ​ມີ​ພະ​ລານາ​ໄມສົມ​ບູນ, ມີ​ຄວາມ​ຜາ​ສຸກ ແລະ ຂໍ​ໃຫ້​ປະ​ຊາ​ຊົນ ກູ​ເວດເພື່ອນ​ມິດ ຈົ່ງ​ສືບ​ຕໍ່​ມີ​ຄວາມ​ກ້າວ​ໜ້າ ແລະ ​ວັດ​ທະ​ນາ​ຖາ​ວອນ.

ດ້ວຍ​ຄວາມ​ນັບ​ຖື​ຢ່າງ​ສູງ.

                                                                    ບຸນຍັງ ວໍລະຈິດ

                                                                     ປະທານປະເທດ ແຫ່ງ ສປປ ລາວ

​ສົມ​ເດັດ ເຊກ​ຄ໌ ຊາ​ບາ ອາ​ລ-ອາ​ມັດ ອາ​ລ-ຈາ​ເບີ ອ​າ​ລ-ຊາ​ບາ

ກະ​ສັດ ແຫ່ງ ລັດ​ກູ​ເວດ

ທີ່ ກູ​ເວດ

------------------------------------------------------------------------------------------------------------------------------------------------

ສົມ​ເດັດ,

ໃນ​ນາມ​ລັດ​ຖ​ະ​ບານ ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ແລະ ​ໃນ​ນາມ​ສ່ວນ​ຕົວ, ຂ້າ​ພະ​ເຈົ້າ ຂໍ​ຖື​ເປັນ​ກຽດ​​ສົ່ງ​ຄຳ​ຊົມ​ເຊີຍອັນ​ອົບ​ອຸ່ນ ແລະ ພອນ​ໄຊ​ອັນ​ປະ​ເສີດມາ​ຍັງ​ ສົມ​ເດັດ, ລັດ​ຖະ​ບານ ແລະ ​ປະ​ຊາ​ຊົນ ກູ​ເວດ​ ເພື່ອນ​ມິດທຸກ​ຖ້ວນ​ໜ້າ ເນື່ອງ​ໃນ​ໂອ​ກາດ​ວັນ​ຊາດ ແຫ່ງ ​ລັດ​ກູ​ເວດ ຄົບ​ຮອບ 56 ປີ.

ສາຍພົວພັນການທູດ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ລັດກູເວດ ຈະກ້າວເຂົ້າສູ່ 1 ທົດສະວັດໃນປີໜ້ານີ້ ແລະ ເຫັນໄດ້ວ່າການພົວພັນລະຫວ່າງສອງປະເທດ ໄດ້ຮັບການພັດທະນາມາໂດຍຕະຫລອດ. ຂ້າພະເຈົ້າ ຫວັງຢ່າງຍິ່ງວ່າ ການພົວພັນ ແລະ ຮ່ວມມື ລະຫວ່າງສອງປະເທດພວກເຮົາ ຈະຂະຫຍາຍໄປໃນຫລາຍຂົງເຂດ ເພື່ອຜົນປະໂຫຍດຂອງສອງປະເທດ ກໍຄືປະຊາຊົນສອງຊາດພວກເຮົາ.

ຂ້າ​ພະ​ເຈົ້າ ຂໍ​ຖື​ໂອ​ກາດນີ້ ອວຍ​ພອນໄຊ​ໃຫ້​ ສົມ​ເດັດ ຈົ່ງ​ມີ​ພະ​ລານາ​ໄມສົມ​ບູນ, ມີ​ຄວາມ​ຜາ​ສຸກ ແລະ ປະ​ສົບ​ຜົນ​ສຳ​ເລັດ​ໃນ​ໜ້າ​ທີ່​ອັນ​ມີ​ກຽດ​ຂອງ​ສົມ​ເດັດ.

ດ້ວຍ​ຄວາມ​ນັບ​ຖື​ຢ່າງ​ສູງ​.

                                                                                                             ທອງລຸນ ສີສຸລິດ

                                                                                                  ນາຍົກລັດຖະມົນຕີ ແຫ່ງ ສປປ ລາວ

ສົມ​ເດັດ ເຊກຄ໌​ ຈາ​ເບີ ມູ​ບາ​ຣັກ ອາ​ລ-ຮາ​ມັດ ອາ​ລ-ຊາ​ບາ

ນາ​ຍົກ​ລັດ​ຖະ​ມົນ​ຕີ ແຫ່ງ ລັດ​ກູ​ເວດ

------------------------------------------------------------------------------------------------------------------------------------------------