ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ໂທລະເລກສະແດງຄວາມເຫັນໃຈ ຈາກນາຍົກລັດຖະມົນຕີ ແຫ່ງ ສປປ ລາວ ເຖິງ ນາຍົກລັດຖະມົນຕີ ແຫ່ງ ຫວຽດນາມ

ໂທລະເລກສະແດງຄວາມເຫັນໃຈ

ເຖິງ:     ສະຫາຍ ຫງວຽນ ຊວັນ ຟຸກ, ນາຍົກລັດຖະມົນຕີ ແຫ່ງ ສາທາລະນະລັດ ສັງຄົມນິ​ຍົມ ຫວຽດນາມ.

                                                                             ທີ່ນະຄອນຫຼວງຮ່າໂນ້ຍ

ສະຫາຍທີ່ນັບຖື,

ຂ້າພະເຈົ້າໄດ້ຮັບຂ່າວດ້ວຍຄວາມເສົ້າສະຫຼົດໃຈ ແລະເປັນຫ່ວງເປັນໄຍກ່ຽວກັບເຫດການຝົນ​ຕົກ​ໜັກ​ຢ່າງ​ລຽນ​ຕິດ ເຮັດ​ໃຫ້​ເກີດ​ມີ​ນໍ້າ​ຖ້ວມ, ນໍ້າຊຸ, ດິນ​ເຊາະ​ເຈື່ອນ ຢູ່​ບັນ​ດາ​ແຂວງພາກເໜືອຂອງຫວຽດນາມໃນຊ່ວງເດືອນທີ່ຜ່ານມາ, ຊຶ່ງໄດ້ສ້າງຄວາມເສຫາຍ ໃຫ້​ແກ່​ຊີ​ວິດ ແລະ ຊັບ​ສິນ​ຂອງ​ປະ​ຊາ​ຊົນ​ ຫວຽດນາມອ້າຍນ້ອງກໍ່ຄືພື້ນຖານໂຄງລ່າງຢູ່ບັນດາແຂວງພາກເໜືອຂອງ . ຫວຽດນາມ ໂດຍ​ສະ​ເພາະ​ແມ່ນ​ແຂວງ​ດ້ຽນ​ບຽນ, ເຊີນ​ລາ, ອ່ຽນ​ບາຍ. ເຖິງວ່າຝົນຈະເຊົາຕົກແລ້ວແຕ່ຜົນກະທົບ ແລະ ເຫດການນ້ຳຖ້ວມ, ນໍ້ຊຸ, ດິນເຊາະເຈື່ອນຍັງຂະຫຍາຍກວ້າງອອກ.

ໃນນາມພັກ, ລັດຖະບານ ແລະ ປະຊາຊົນລາວກໍ່ຄືໃນນາມສ່ວນຕົວ, ຂ້າພະເຈົ້າຂໍສົ່ງຄວາມເຫັນອົກເຫັນໃຈ ແລະ ເສົ້າສະຫຼົດໃຈຢ່າງຈິງໃຈມາຍັງສະຫາຍ ແລະ ຜ່ານສະຫາຍໄປຍັງພັກ, ລັດຖະບານ ແລະ ປະຊາຊົນຫວຽດນາມອ້າຍນ້ອງ ໂດຍສະເພາະແມ່ນອຳນາດການປົກຄອງ ແລະຄອບຄົວຜູ້ປະສົບເຄາະຮ້າຍໃນຄັ້ງນີ້ດ້ວຍ.

ຂ້າພະເຈົ້າເຊື່ອໝັ້ນວ່າພາຍໃຕ້ການນຳພາ ແລະ ດ້ວຍຄວາມເອົາໃຈໃສ່ຢ່າງໃກ້ຊິດຂອງພັກ, ລັດຖະບານຫວຽດນາມທັງຂັ້ນສູນກາງ ແລະ ທ້ອງຖິ່ນ, ​ປະຊາຊົນຫວຽດນາມອ້າຍນ້ອງຈະສາມາດຜ່ານຜ່າຄວາມຍຸ້ງຍາກແລະ ຟື້ນຟູຊີວິດການເປັນຢູ່ຂອງປະຊາຊົນໃນເຂດທີ່ໄດ້ຮັບຜົນກະທົບຈາກໄພທຳມະຊາດຄັ້ງນີ້ໃຫ້ກັບຄືນສູ່ສະພາບປົກກະຕິໂດຍໄວ.

ດ້ວຍຄວາມນັບຖືຢ່າງສູງ,

                              ນະຄອນຫຼວງວຽງຈັນ, ວັນທີ11 ສິງຫາ 2017

                                   ທອ​ງ​ລຸນ ສີ​ສຸ​ລິດ

                                           ນາຍົກລັດຖະມົນຕີ

                                                                           ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ