ສະຫາຍ ຣາອູນ ກາດສໂຕຼ ຣູດສ,
ເລຂາທິການທິໜຶ່ງຄະນະບໍລິຫານງານສູນກາງພັກຄອມມູນິດກູບາ
ປະທານສະພາແຫ່ງລັດແລະສະພາລັດຖະມົນຕີແຫ່ງສາທາລະນະລັດກູບາ
ສະຫາຍທີ່ຮັກແພງ,
ພວກຂ້າພະເຈົ້າມີຄວາມໂສກເສົ້າ ແລະ ເສຍໃຈເປັນຢ່າງຍິ່ງທີ່ຮັບຂ່າວວ່າລົມພະຍຸ ອຽກມາໄດ້ພັດເຂົ້າສູ່ປະເທດສະຫາຍເມື່ອບໍ່ດົນຜ່ານມານີ້ ແລະ ໄດ້ສ້າງຄວາມເສຍຫາຍໃຫ້ແກ່ຊີວິດຈຳນວນໜຶ່ງ ແລະ ຊັບສິນໃຫ້ລັດ ແລະ ປະຊາຊົນ ຢ່າງໝັກໜ່ວງ.
ໃນນາມພັກປະຊາປະຕິວັດລາວ, ລັດຖະບານແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ປະຊາຊົນລາວ ແລະ ໃນນາມສ່ວນຕົວ, ພວກຂ້າພະເຈົ້າຂໍສົ່ງຄວາມເຫັນໃຈມາຍັງສະຫາຍ ແລະ ຜ່ານສະຫາຍໄປຍັງພັກຄອມມູນິດກູບາ, ລັດຖະບານ, ປະຊາຊົນກູບາອ້າຍນ້ອງ ແລະ ຄອບຄົບຜູ້ທີ່ປະສົບເຄາະຮ້າຍຈາກໄພທຳມະຊາດ ຄັ້ງນີ້ດ້ວຍ.
ພວກຂ້າພະເຈົ້າມີຄວາມເຊື່ອໜັ້ນວ່າ ພາຍໃຕ້ການນຳພາອັນປິຊາສາມາດ ແລະ ເດັດດ່ຽວໜຽວແໜ້ນ ຂອງ ພັກກອມມູນິດກູບາ ຊຶ່ງມີສະຫາຍເປັນຜູ້ນໍາໜ້ານັ້ນສາມາດແກ້ໄຂ້ ແລະ ປົວແປງສະພາບອັນຫຍຸ້ງຍາກ ດັ່ງກ່າວໃຫ້ສູ່ ສະພາບປົກກະຕິໄດ້ເປັນຢ່າງດີ.
ດ້ວຍຄວາມຮັກແພງຖານສະຫາຍອ້າຍນ້ອງ
ບຸນຍັງ ວໍລະຈິດ
ເລຂາທິການໃຫຍ່ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ,
ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ທອງລຸນ ສີສຸລິດ
ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ນະຄອນຫຼວງວຽງຈັນ, ວັນທີ 12 ກັນຍາ 2017