ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ສານສະແດງຄວາມເຫັນໃຈ ຕໍ່ເຫດການລົມພະຍຸ ໝາຍເລກ 12 (ລົມພາຍຸດຳເຣ) ພັດເຂົ້າບັນດາ ແຂວງພາກກາງ ແລະ ພາກໃຕ້ ຂອງ ສສ. ຫວຽດນາມ

ເຖິງ: ສະຫາຍ ເຈີ່ນ ດ໋າຍ ກວາງ, ປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ.

ທີ່ ນະຄອນຫຼວງຮ່າໂນ້ຍ

ສະຫາຍທີ່ນັບຖື,

ຂ້າພະເຈົ້າ ໄດ້ຮັບຂ່າວດ້ວຍຄວາມເສົ້າສະລົດໃຈຢ່າງຍິ່ງ ແລະ ເປັນຫ່ວງເປັນໄຍຢ່າງທີ່ສຸດ ກ່ຽວກັບ ເຫດການລົມພະຍຸໝາຍເລກ 12 (ດຳເຣ) ພັດເຂົ້າ ສສ. ຫວຽດນາມ ໃນຕົ້ນເດືອນພະຈິກ 2017 ທີ່ຜ່ານມາ ເຊິ່ງໄດ້ສ້າງຄວາມເສຍຫາຍຢ່າງໜັກໜ່ວງທາງດ້ານຊີວິດ ແລະ ຊັບສິນຂອງປະຊາຊົນຫວຽດນາມອ້າຍນ້ອງ ກໍ່ຄືບັນດາພື້ນຖານໂຄງລ່າງຕ່າງໆ ຢູ່ ບັນດາແຂວງພາກກາງ ແລະ ພາກໃຕ້ ຂອງ ສສ. ຫວຽດນາມ ໂດຍສະເພາະແມ່ນ ນະຄອນດານັງ, ແຂວງກວາງຈິ, ເທື່ອທຽນເຫວ້, ກວາງຫງາຍ, ກວາງນາມ, ບິງດິງ, ຟູອຽນ, ແລະ ແຄ້ງຮວ່າ, ບິງຖ້ວນ.

ໃນນາມພັກ, ລັດຖະບານ ແລະ ປະຊາຊົນລາວບັນດາເຜົ່າ ກໍ່ຄືໃນນາມສ່ວນຕົວ, ຂ້າພະເຈົ້າ ຂໍສົ່ງຄວາມເຫັນອົກເຫັນໃຈອັນສຸດຊຶ້ງ ແລະ ຄວາມເສົ້າສະຫຼົດໃຈເປັນຢ່າງຍິ່ງ ມາຍັງສະຫາຍ ແລະ ຜ່ານສະຫາຍໄປຍັງພັກ, ລັດຖະບານ ແລະ ປະຊາຊົນຫວຽດນາມອ້າຍນ້ອງ ໂດຍສະເພາະແມ່ນ ອຳນາດການປົກຄອງທ້ອງຖິ່ນ ແລະ ຄອບຄົວຜູ້ປະສົບເຄາະຮ້າຍໃນຄັ້ງນີ້​.

ຂ້າພະເຈົ້າ ເຊື່ອໝັ້ນວ່າພາຍໃຕ້ການຊີ້ນໍາ ແລະ ດ້ວຍຄວາມເອົາໃຈໃສ່ຢ່າງໃກ້ຊິດຂອງພັກ, ລັດຖະບານຫວຽດນາມ ທັງຂັ້ນສູນກາງ ແລະ ທ້ອງຖິ່ນ, ​ປະຊາຊົນຫວຽດນາມອ້າຍນ້ອງ ຈະສາມາດຜ່ານຜ່າຄວາມຍຸ້ງຍາກແລະ ຟື້ນຟູຊີວິດການເປັນຢູ່ຂອງປະຊາຊົນໃນເຂດທີ່ໄດ້ຮັບຜົນກະທົບຈາກໄພທຳມະຊາດຄັ້ງນີ້ໃຫ້ກັບຄືນສູ່ສະພາບປົກກະຕິໂດຍໄວ.

ດ້ວຍຄວາມນັບຖືຢ່າງສູງ,

ນະຄອນຫຼວງວຽງຈັນ, ວັນທີ 08 ພະຈິກ 2017

                                                                                                                   ບຸນຍັງ ວໍລະຈິດ

                                                                                                                   ປະທານປະເທດ

                                                                                               ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ