ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ສານສະແດງຄວາມເຫັນໃຈ ຕໍ່ເຫດແຜ່ນດິນໄຫວຢ່າງຮຸນແຮງ ທີ່ເກີດຂຶ້ນຢູ່ທາງພາກຕາເວັນຕົກສຽງເໜືອ ຂອງຊາຍແດນ ອີຣ່ານ-ອີຣັກ

                                                                    ນະຄອນຫລວງວຽງຈັນ, ວັນທີ 14 ພະຈິກ 2017

ພະນະທ່ານ,

   ຂ້າພະເຈົ້າໄດ້ຊາບຂ່າວ ກ່ຽວກັບເຫດແຜ່ນດິນໄຫວຢ່າງຮຸນແຮງ ທີ່ເກີດຂຶ້ນຢູ່ທາງພາກຕາເວັນຕົກສຽງເໜືອຂອງຊາຍແດນ ອີຣ່ານ-ອີຣັກ ໃນວັນທີ 13 ພະຈິກ 2017, ອັນໄດ້ເຮັດໃຫ້ມີຜູ້ເສຍຊີວິດ ແລະ ໄດ້ຮັບບາດເຈັບເປັນຈຳນວນຫລວງຫລາຍ.

 ໃນນາມລັດຖະບານ, ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າຂໍສະແດງຄວາມເຫັນໃຈໂດຍຜ່ານພະນະທ່ານ ໄປຍັງລັດຖະບານ ແລະ ປະຊາຊົນ ແຫ່ງ ສາທາລະນະລັດ ອິດສະລາມ ອີຣ່ານ, ໂດຍສະເພາະຕໍ່ຄອບຄົວຂອງຜູ້ທີ່ໄດ້ຮັບເຄາະຮ້າຍໃນຄັ້ງນີ້.

  ຂ້າພະເຈົ້າເຊື່ອໝັ້ນວ່າ ດ້ວຍຄວາມເອົາໃຈໃສ່ຂອງລັດຖະບານບວກກັບການຊ່ວຍເຫຼືອຈາກວົງຄະນາຍາດສາກົນ, ລັດຖະບານ ແລະ ປະຊາຊົນ ອີຣ່ານ ຈະສາມາດຜ່ານຜ່າຄວາມຫຍຸ້ງຍາກຈາກໄພພິບັດໃນຄັ້ງນີ້ ແລະ ສາມາດຟື້ນຟູເຂດທີ່ໄດ້ຮັບຜົນກະທົບໃຫ້ກັບຄືນສູ່ສະພາບປົກກະຕິໂດຍໄວ.

          ດ້ວຍຄວາມນັບຖືຢ່າງສູງ.

                                                                          ສະເຫລີມໄຊ ກົມມະສິດ                                                                            

                                                                     ລັດຖະມົນຕີກະຊວງການຕ່າງປະເທດ

                                                          ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ ໂມຮຳມັດ ຈາວາດ ຊາຣີຟ

ລັດຖະມົນຕີກະຊວງການຕ່າງປະເທດ

ແຫ່ງ ສາທາລະນະລັດ ອິດສະລາມ ອີຣ່ານ

ທີ່ເຕຣານ


 

                                                                     ນະຄອນຫລວງວຽງຈັນ, ວັນທີ 14 ພະຈິກ 2017

ພະນະທ່ານ,

     ຂ້າພະເຈົ້າໄດ້ຊາບຂ່າວ ກ່ຽວກັບເຫດແຜ່ນດິນໄຫວຢ່າງຮຸນແຮງ ທີ່ເກີດຂຶ້ນຢູ່ທາງພາກຕາເວັນຕົກສຽງເໜືອຂອງຊາຍແດນ ອີຣ່ານ-ອີຣັກໃນວັນທີ 13 ພະຈິກ 2017, ອັນໄດ້ເຮັດໃຫ້ມີຜູ້ເສຍຊີວິດ ແລະ ໄດ້ຮັບບາດເຈັບເປັນຈຳນວນຫລວງຫລາຍ.

  ໃນນາມລັດຖະບານ, ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າຂໍສະແດງຄວາມເຫັນໃຈໂດຍຜ່ານພະນະທ່ານໄປຍັງລັດຖະບານ ແລະ ປະຊາຊົນແຫ່ງ ສາທາລະນະລັດ ອີຣັກ, ໂດຍສະເພາະຕໍ່ຄອບຄົວຂອງຜູ້ທີ່ໄດ້ຮັບເຄາະຮ້າຍໃນຄັ້ງນີ້.

   ຂ້າພະເຈົ້າເຊື່ອໝັ້ນວ່າ ດ້ວຍຄວາມເອົາໃຈໃສ່ຂອງລັດຖະບານບວກກັບການຊ່ວຍເຫຼືອຈາກວົງຄະນາຍາດສາກົນ, ລັດຖະບານ ແລະ ປະຊາຊົນ ອີຣັກ ຈະສາມາດຜ່ານຜ່າຄວາມຫຍຸ້ງຍາກຈາກໄພພິບັດໃນຄັ້ງນີ້ ແລະ ສາມາດຟື້ນຟູເຂດທີ່ໄດ້ຮັບຜົນກະທົບໃຫ້ກັບຄືນສູ່ສະພາບປົກກະຕິໂດຍໄວ.

          ດ້ວຍຄວາມນັບຖືຢ່າງສູງ.

                                                                        

                                                                         ສະເຫລີມໄຊກົມມະສິດ

                                                                   ລັດຖະມົນຕີກະຊວງການຕ່າງປະເທດ

                                                           ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ ດຣ.ອີບຣາຮີມ ອາລ-ຈາຟາຣີ

ລັດຖະມົນຕີ ແຫ່ງ ສາທາລະນະລັດ ອີຣັກ

ທີ່ແບກແດດ