ນະຄອນຫລວງ​ວຽງ​ຈັນ, ວັນ​ທີ  ມິຖຸນາ 2018

ພະນະ​ທ່ານ ວະລາ​ດີ​ເມຍ ປູ​ຕິນ,

ປະທານ​າທິບໍດີ ​ແຫ່ງ ສະຫະພັນ ຣັດ​ເຊຍ

ທີ່ ນະ​ຄອນ​ຫລວງ ມົດ​ສະ​ກູ

ພະນະທ່ານ,

ເນື່ອງໃນໂອກາດວັນຊາດ ແຫ່ງ ສະຫະພັນ ຣັດເຊຍ, ຂ້າພະເຈົ້າ ຕາງໜ້າໃຫ້ ປະຊາຊົນລາວ ແລະ ໃນນາມສ່ວນຕົວ ຂໍສົ່ງຄໍາຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງພະນະທ່ານ ແລະ ຜ່ານພະນະທ່ານ ໄປຍັງປະຊາຊົນ ຣັດເຊຍ ເພື່ອນມິດທຸກຖ້ວນໜ້າ.

ຂ້າພະເຈົ້າ ມີຄວາມພາກພູມໃຈເປັນຢ່າງຍິ່ງ ທີ່ເຫັນວ່າ ຜົນ​ສໍາ​ເລັດ​ອັນ​ຈົບງາມ​ທີ່​ຍາດ​ມາ​ໄດ້​ໃນ​ການ​ພັດທະນາສາຍ​ພົວພັນ ​ແລ​ະ ການ​ຮ່ວມ​ມື​ ລະ​ຫວ່າງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ​ແລະ ສະຫະພັນ ຣັດ​ເຊຍ​ແມ່ນ​ໝາກ​ຜົນ​ຂອງ​ຄວາມ​ພະຍາຍາມ​ຮ່ວມ​ກັນ, ຄວາມ​ໄວ້​ເນື້ອ​ເຊື່ອ​ໃຈ​ເຊິ່ງກັນແລະກັນ ລວມທັງການ​ສະ​ໜັບ​ສະ​ໜູນຊ່ວຍ​ເຫຼືອທີ່​ມີ​ປະສິດທິພາບ ບົນ​ພື້ນຖານ​ແຫ່ງ​ການ​ເປັນ​ຄູ່​ຮ່ວມ​ຍຸດ​ທະ​ສາດນໍາກັນ.

ຂ້າພະ​ເຈົ້າ​ ເຊື່ອ​ໝັ້ນ​ວ່າ ສາຍ​ພົວພັນ​ມິດຕະພາບ ທີ່​ມີ​ມູນ​ເຊື້ອອັນ​ດີງາມ ​ແລະ ການ​ຮ່ວມ​ມື​ ມີມາແຕ່ຍາວນານ ທີ່​ຕ່າງ​ຝ່າຍຕ່າງ​​ໄດ້​ຮັບ​ຜົນ​ປະ​ໂຫຍດ ລະຫວ່າງ​ ສອງ​ປະ​ເທດ​ພວກ​ເຮົາ ຈະ​ໄດ້​ຮັບ​ການ​ເສີມ​ຂະຫຍາຍ​ຍິ່ງໆຂຶ້ນ ​ເພື່ອ​ຜົນ​ປະ​ໂຫຍດຂອງ​ປະຊາຊົນ​ສອງ​ຊາດ​ພວກ​ເຮົາ, ​ເພື່ອ​ສັນຕິ​ພາບ, ສະຖຽນ​ລະ​ພາບ ​ແລະ ການ​ຮ່ວມ​ມື ​​ເພື່ອ​ການ​ພັດທະນາຢູ່​​ໃນ​ພາກ​ພື້ນ ​ແລະ ​ໃນ​ໂລກ.

ຂ້າພະ​ເຈົ້າ ​ຂໍ​ອວຍພ​ອນ​​ໃຫ້​ພະນະ​ທ່ານ ຈົ່ງ​ມີ​ສຸຂະພາບ​ເຂັ້ມ​ແຂງ, ມີ​ຄວາມ​ຜາ​ສຸກ ແລະ ປະສົບຜົນ​ສໍາ​ເລັດອັນ​ໃຫຍ່​ຫລວງ​ໃນ​ການ​ນໍາພາ​ປະ​ເທດ​ຊາດ​ຂອງ​ພະນະ​ທ່ານ ​ໄປ​ສູ່​ ຄວາມ​ວັດທະນາ​ຖາວອນ ​ແລະ ປະຊາຊົນຣັດ​ເຊຍ​ ມີ​ຄວາມ​ສົມບູນ​ພູນ​ສຸກ​ ຢ່າງ​ບໍ່​ຢຸດ​ຢັ້ງ.

                                                                   ດ້ວຍ​ຄວາມ​ນັບຖື​ຢ່າງ​ສູງ,

                                                                      ບຸນຍັງ ວໍລະຈິດ

                                                                ປະທານ​ປະ​ເທດ ​ແຫ່ງ

                                                  ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ

ພ​ະ​ນະ​ທ່ານ ເດີມີຕຼີ ເມັດເວເດັບ,

ນາ​ຍົກ​ລັດ​ຖະ​ມົນ​ຕີ ແຫ່ງ ສະ​ຫະ​ພັນ ຣັດ​ເຊຍ

ທີ່ ນະ​ຄອນ​ຫລວງ ມົດ​ສະ​ກູ

ພະ​ນະ​ທ່ານ,

          ເນື່ອງ​ໃນ​ໂອ​ກາດ​ວັນ​ຊາດ ແຫ່ງ ສະ​ຫະ​ພັນ ຣັດ​ເຊຍ, ຂ້າພະ​ເຈົ້າຕາງໜ້າ​ໃຫ້​ລັດຖະບານແຫ່ງ ສປປ ລາວ ​ແລະ ​ໃນ​ນາມ​ສ່ວນ​ຕົວ ​ສົ່ງ​ຄຳ​ຊົມ​ເຊີຍ​​ຢ່າງ​ຈິງ​ໃຈແລະ ພອນໄຊອັນປະເສີດ​ ມາ​ຍັງ​ພະ​ນະ​ທ່ານ ຈົ່ງ​ມີ​ສຸຂະພາບ​ເຂັ້ມ​ແຂງ, ມີ​ຄວາມ​ຜາ​ສຸກ ​ແລະ ປະສົບ​ຜົນ​ສຳ​ເລັດອັນ​ໃຫ່ຍຫລວງໃນ​ໜ້າ​ທີ່​ອັນ​ສົມ​ກຽດ​ຂອງ​ພະນະ​ທ່ານ.

ຂ້າພະເຈົ້າ ຕີລາຄາສູງຕໍ່ການພົວພັນຮ່ວມມືທີ່ມີມາຫຼາຍທົດສະວັດ ລະຫວ່າງ ລາວ-ຣັດເຊຍ ທີ່ເຕັມໄປດ້ວຍຄວາມເຂົ້າອົກເຂົ້າໃຈ, ຊ່ວຍເຫລືອ ແລະ ການສະໜັບສະໜູນຊຶ່ງກັນແລະກັນ. ຂ້າພະ​ເຈົ້າ ​ເຊື່ອ​ໝັ້ນ​ວ່າ ການພົວພັນຮ່ວມມືທີ່ເປັນມູນເຊື້ອດັ່ງກ່າວ ຈະໄດ້ຮັບການສືບຕໍ່ເສີມຂະຫຍາຍຢ່າງບໍ່ຢຸດຢັ້ງ​ໃນອະນາຄົດ.

ຂ້າ​ພ​ະ​ເຈົ້າ ເຊື່ອຫມັ້ນ​ວ່າ, ດ້ວຍຄວາມພະຍາຍາມຮ່ວມກັນ, ຄວາມ​ໄວ້​ເນື້ອ​ເຊື່ອ​ໃຈ​ເຊິ່ງກັນ​ແລະກັນ ​ແລະການ​ສະ​ໜັບ​ສະ​ໜູນຊ່ວຍ​ເຫຼືອທີ່​ມີ​ປະສິດທິພາບ ຈະ​​ເປັນ​ພື້ນຖານ​ອັນ​ສໍາຄັນ​ໃຫ້​​ແກ່​ການ​ຮັດ​ແໜ້ນ ​ແລະ ເສີມ​ຂະຫຍາຍສາຍພົວພັນມິດຕະພາບ ​ແລະ ການ​ຮ່ວມ​ມື ລະຫວ່າງ ສອງລັດຖະບານພວກເຮົາ ເພື່ອ​ຜົນ​ປະ​ໂຫຍດ​ຂອງປະ​ຊາ​ຊົນ​ລາວ ແລະ ປະຊາຊົນຣັດ​ເຊຍ, ເພື່ອສັນ​ຕິ​ພາບ​​ ແລະ ການ​ຮ່ວມ​ມື​ສາ​ກົນ.

ດ້ວຍ​ຄວາ​ມ​ນັບ​ຖື​ຢ່າງ​ສູງ,

                                                                        ທອງ​ລຸນສີສຸລິດ,

         ນາ​ຍົກ​ລັດ​ຖະ​ມົນ​ຕີ

                                                      ແຫ່ງ ສາ​ທາ​ລະ​ນະ​ລັດປະ​ຊາ​ທິ​ປະ​ໄຕປະ​ຊາ​ຊົນ​ລາວ

ພະນະ​ທ່ານ ​ເຊຣ​ເກ ລາ​ວະຣົບ,

ລັດຖະມົນຕີ​​ກະຊວງ​ການຕ່າງປະ​ເທດ ​ແຫ່ງ ສະຫະພັນ ຣັດ​ເຊຍ

ທີ່ນະ​ຄອນ​ຫລວງມົດ​ສະ​ກູ

ພະນະທ່ານ,

        ຂ້າພະເຈົ້າ ຂໍສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດມາຍັງ ພະນະທ່ານ ເນື່ອງໃນໂອກາດວັນຊາດ ແຫ່ງ ສະຫະພັນ ຣັດເຊຍ.

ຂ້າພະ​ເຈົ້າ ຢືນຢັນເຖິງຄວາມກຽມພ້ອມທີ່ຈະສືບຕໍ່ເຮັດວຽກຮ່ວມກັບ ພະນະທ່ານ ຢ່າງໃກ້ຊິດ ໃນການຜັນຂະຫຍາຍຜົນການຢ້ຽມຢາມ ຣັດເຊຍ ຢ່າງເປັນທາງການຂອງ ທ່ານນາຍົກລັດຖະມົນຕີ ແຫ່ງ ສປປ ລາວ ໃນທ້າຍປີ 2017 ທີ່ຜ່ານມາ ເພື່ອເພີ່ມທະວີປະກອບສ່ວນເຂົ້າໃນການເສີມສ້າງສາຍ​ພົວພັນ​ມິດຕະພາບທີ່​ເປັນ​ມູນ​ເຊື້ອ ແລະ ການຮ່ວມມືມາແຕ່ຍາວນານ ລະຫວ່າງ ລາວ-ຣັດເຊຍ ກໍຄື ສອງກະຊວງການຕ່າງປະເທດພວກເຮົາ ທັງໃນຂອບສອງຝ່າຍ ແລະ ຫລາຍຝ່າຍ ໃຫ້ແຕກດອກອອກຜົນຍິ່ງຂຶ້ນ ​ເພື່ອ​ຜົນ​ປະ​ໂຫຍດຂອງ​ປະຊາຊົນ​ສອງ​ຊາດ​ພວກ​ເຮົາ, ​ເພື່ອ​ສັນຕິພາບ ​ແລະ ການ​ຮ່ວມ​ມື​ສາກົນ.

ຂ້າພະເຈົ້າຂໍຖືໂອກາດນີ້ອວຍພອນໃຫ້ ພະນະທ່ານຈົ່ງມີ​ສຸຂະພາບ​ເຂັ້ມ​ແຂງ, ມີ​ຄວາມ​ຜາ​ສຸກ ​ແລະປະສົບ​ຜົນ​ສຳ​ເລັດ​ໃນ​ໜ້າ​ທີ່​ອັນ​ມີ​ກຽດ​ຂອງ​ພະນະ​ທ່ານ.

​

       ດ້ວຍ​ຄວາມ​ນັບຖື​ຢ່າງ​ສູງ,

     ສະເຫລີມໄຊ ກົມມະສິດ

       ລັດຖະມົນຕີ​​ກະຊວງ​ການ​ຕ່າງປະ​ເທດ

        ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ