ນະຄອນຫຼວງວຽງຈັນ, ວັນທີ 21 ກັນຍາ 2018
ພະນະທ່ານ ນາງ ມາຣີ-ລຸຍສ ໂຄເລໂຣ ພຣີກາ
ປະທານາທິບໍດີ ແຫ່ງ ສາທາລະນະລັດ ມານຕາ
ທີ່ ວາແລດຕາ
ພະນະທ່ານ,
ເນື່ອງໃນໂອກາດວັນຊາດ ແຫ່ງ ສາທາລະນະລັດ ມານຕາ, ໃນນາມປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າຂໍສົ່ງຄຳຊົມເຊີຍອັນຈິງໃຈ ແລະ ພອນໄຊອັນປະເສີດມາຍັງພະນະທ່ານ ແລະ ຜ່ານພະນະທ່ານໄປຍັງປະຊາຊົນມານຕາ ທຸກຖ້ວນໜ້າ.
ຂ້າພະເຈົ້າ ເຊື້ອໝັ້ນວ່າ ສາຍພົວພັນຖານເພື່ອນມິດ ແລະ ການຮ່ວມມືອັນດີທີ່ມີຢູ່ໃນປະຈຸບັນ ລະຫວ່າງສອງປະເທດພວກເຮົາ, ຈະໄດ້ຮັບການສືບຕໍ່ເສີມຂະຫຍາຍໃຫ້ເຂັ້ມແຂງ ແລະ ແຕກດອກອອກຜົນຍິ່ງໆຂື້ນໃນອະນາຄົດ ເພື່ອຜົນປະໂຫຍດຂອງປະຊາຊົນທັງສອງຊາດພວກເຮົາ ກໍຄືເພື່ອສັນພາບ, ສະຖຽນລະພາບ ແລະ ການຮ່ວມມືເພື່ອການພັດທະນາ ໃນພາກພື້ນ ແລະ ໃນໂລກ.
ດ້ວຍຄວາມນັບຖືຢ່າງສູງ,
ບຸນຍັງ ວໍລະຈິດ
ປະທານປະເທດ
ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ