ນະຄອນຫຼວງວຽງຈັນ, 02 ຕຸລາ 2018

ພະນະທ່ານ ດຣ. ຟຣັງ-ວານ​ເຕີ້ ສະ​ຕາຍ​ມາຍ​ເອີ
ປະທານາທິບໍດີ ແຫ່ງ ສາທາລະນະລັດ ສະຫະພັນ ເຢຍລະມັນ
ທີ່ ແບກແລັງ

ພະນະທ່ານ,
 
    ເນື່ອງ​ໃນ​ໂອ​ກາດວັນແຫ່ງການທ້ອນໂຮມ ປະເທດເຢຍລະມັນ, ຂ້າ​ພະ​ເຈົ້າ ຂໍຖືເປັນກຽດສົ່ງຄຳ​ຊົມ​ເຊີຍຢ່າງຈິງໃຈ ແລະ​ ພອນ​ໄຊອັນປະ​ເສີດມາ​ຍັງ​  ພະ​ນະທ່ານ ແລະ ປະຊາຊົນເຢຍລະມັນ ທຸກຖ້ວນໜ້າ.

ຂ້າ​ພະ​ເຈົ້າ ເຊື່ອໝັ້ນວ່າ ສາຍພົວພັນມິດຕະພາບອັນຍາວນານ ແລະ ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ ເຊິ່ງໄດ້ຮັບການຮັດແໜ້ນ ແລະ ເສີມຂະຫຍາຍຢ່າງບໍ່ຢຸດຢັ້ງ ບໍ່ພຽງແຕ່ຈະຮັບໃຊ້ຜົນປະໂຫຍດຂອງປະຊາຊົນສອງຊາດພວກເຮົາເທົ່ານັ້ນ, ຫາກຍັງຈະປະກອບສ່ວນເຂົ້າໃນການສົ່ງເສີ່ມສັນຕິພາບ, ສະຖຽນລະພາບ ແລະ ການຮ່ວມມືເພື່ອການພັດທະນາ ໃນພາກພື້ນ ແລະ ໃນໂລກອີກດ້ວຍ.

   ດ້ວຍຄວາມນັບຖືຢ່າງສູງ,
                    

                          ບຸນຍັງ ວໍລະຈິດ
                          ປະ​ທານ​ປະ​ເທດ
           ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປ​ະ​ໄຕ ປະ​ຊາ​ຊົນລາວ                                          

..........................................................................................................................

                                                                                                  ນະຄອນຫຼວງວຽງຈັນ, 02 ຕຸລາ 2018

ພະນະທ່ານ ດຣ. ນາງ ອັນ​ເຈ​ລາ ​ແມ​ກ​ແກນ,
ນາຍົກລັດຖະມົນຕີ ແຫ່ງ ສາທາລະນະລັດ ສະຫະພັນ ເຢຍລະມັນ
ທີ່ ແບກແລັງ

ພະນະທ່ານ,
 
ເນື່ອງ​ໃນ​ໂອ​ກາດ​ວັນແຫ່ງການທ້ອນໂຮມ ປະເທດເຢຍລະມັນ, ຕາງໜ້າໃຫ້ລັດຖະບານ ແຫ່ງ ສາທາ​  ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ແລະ ໃນ​ນາມ​ສ່ວນ​ຕົວ, ຂ້າ​ພະ​ເຈົ້າ ຂໍຖື​ເປັນກຽດສົ່ງຄຳ​ຊົມ​ເຊີຍ   ອັນອົບອຸ່ນ ແລະ​ ພອນໄຊອັນປະ​ເສີດມາ​ຍັງ​ ພະ​ນະ​ທ່ານ ແລະ ຜ່ານພະນະທ່ານ ໄປຍັງລັດຖະບານ  ແລະ ປະຊາຊົນ ແຫ່ງ ສາທາລະນະລັດ ສະຫະພັນ ເຢຍລະມັນ ທຸກຖ້ວນໜ້າ.
    
ຂ້າ​ພະ​ເຈົ້າ ເຊື່ອໝັ້ນວ່າ ໃນຄວາມພະຍາຍາມຮ່ວມກັນສາຍພົວພັນມິດຕະພາບ ແລະ ການຮ່ວມມືທີ່ດີ ລະຫວ່າງສອງປະເທດພວກເຮົາ ຈະ​ໄດ້​ຮັບ​ການ​ສືບຕໍ່ຮັດແໜ້ນ ແລະ ເສີມຂະຫຍາຍ​ໃຫ້ແຕກ​ດອກ​ອອກ​ຜົນຍິ່ງໆຂຶ້ນໃນຊຸມປີຕໍ່ໜ້າເພື່ອຜົນປະໂຫຍດຂອງປະຊາຊົນສອງຊາດພວກເຮົາ ກໍ່ຄື​ເພື່ອ​ສັນຕິພາບ, ສະຖຽນລະພາບ ແລະ ການຮ່ວມມືເພື່ອການພັດທະນາ ໃນພາກພື້ນຂອງພວກເຮົາ ແລະ ໃນທົ່ວໂລກ.
                
                    
                        ດ້ວຍຄວາມນັບຖືຢ່າງສູງ,

    
                                 ທອງລຸນ ສີສຸລິດ
                               ນາຍົກລັດຖະມົນຕີ ແຫ່ງ ສາທາລະນະລັດ                                                                                                                         ປະ​ຊາ​ທິ​ປ​ະ​ໄຕ ປະ​ຊາ​ຊົນລາວ

.................................................................................................................................................................

                                                                           ນະຄອນຫຼວງວຽງຈັນ, 02 ຕຸລາ 2018

ພະນະທ່ານ ໄຮໂກ ມາດ
ລັດຖະມົນຕີກະຊວງການຕ່າງປະເທດ
ແຫ່ງ ສາທາລະນະລັດ ສະຫະພັນ ເຢຍລະມັນ
ທີ່ ແບກແລັງ

ພະນະທ່ານ,
 
    ເນື່ອງ​ໃນ​ໂອ​ກາດວັນແຫ່ງການທ້ອນໂຮມ ປະເທດເຢຍລະມັນ, ຂ້າ​ພະ​ເຈົ້າ ຂໍຖື​ເປັນກຽດສົ່ງຄຳ​ຊົມ​ເຊີຍອັນອົບອຸ່ນ ມາ​ຍັງ​ພະ​ນະ​ທ່ານ ແລະ ອວຍພອນໃຫ້ພະນະທ່ານ ຈົ່ງມີສຸຂະພາບເຂັ້ມແຂງ, ພະລານາ​ໄມ​ສົມບູນ ​ແລະ ປະສົບຜົນສຳ​ເລັດ​​ທຸກປະການ ໃນໜ້າທີ່​ວຽກງານອັນ​ສູງ​ສົ່ງ​ຂອງ​ຕົນ.
    
ຂ້າ​ພະ​ເຈົ້າ ເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມືອັນດີ ລະຫວ່າງ ສອງປະເທດພວກເຮົາ ທັງໃນຂອບສອງຝ່າຍ ແລະ ຫຼາຍຝ່າຍ ຈະ​ໄດ້​ຮັບ​ການສືບຕໍ່​ເສີມ​ຂະຫຍາຍໃຫ້ເຂັ້ມແຂງ ​ແລະ ແຕກດອກອອກຜົນຍິ່ງໆຂຶ້ນ ໃນອະນາຄົດ ເພື່ອຜົນປະໂຫຍດຂອງປະຊາຊົນທັງສອງຊາດພວກເຮົາ, ​ເພື່ອ​ສັນຕິພາບໂລກ, ສະຖຽນລະພາບ ແລະ ການ​ຮ່ວມ​ມື​ເພື່ອການພັດທະນາແບບຍືນຍົງ.

ດ້ວຍຄວາມນັບຖືຢ່າງສູງ

                             ສະເຫຼີມໄຊ ກົມມະສິດ               
                   ລັດຖະມົນຕີກະຊວງການຕ່າງປະເທດ
             ແຫ່ງ ສາທາລະນະລັດ ປະ​ຊາ​ທິ​ປ​ະ​ໄຕ ປະ​ຊາ​ຊົນລາວ