ເຖິງ: ສະ​ຫາຍ ບຸນ​ຍັງ ວໍ​ລະ​ຈິດ,

       ເລ​ຂາ​ທິ​ການ​ໃຫຍ່ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ​ປະ​ຊາ​ຊົນປະ​ຕິ​ວັດ​ລາວ,

       ປະ​ທານ​ປະ​ເທດ ​ແຫ່ງ ສາ​ທາ​ລະ​ນະ​ລັດປະ​ຊາ​ທິ​ປະ​ໄຕປະ​ຊາ​ຊົນລາວ

      ສະ​ຫາຍ ທອງ​ລຸນ ສີ​ສຸ​ລິດ,

       ນາ​ຍົກ​ລັດ​ຖະ​ມົນ​ຕີ ​ແຫ່ງ ​ສາ​ທາ​ລະ​ນະ​ລັດປະ​ຊາ​ທິ​ປະ​ໄຕປະ​ຊາ​ຊົນ​ລາວ

      ສະ​ຫາຍ ນາງ ປາ​ນີ ຢາ​ທໍ່​ຕູ້,

       ປະ​ທານ​ສະ​ພາ​ແຫ່ງຊາດ ​ແຫ່ງ ​ສາ​ທາ​ລະ​ນະ​ລັດປະ​ຊາ​ທິ​ປະ​ໄຕປະ​ຊາ​ຊົນ​ລາວ

ທີ່​ນະ​ຄອນ​ຫຼວງວຽງ​ຈັນ

ເນື່ອງ​ໃນ​ໂອ​ກາດ​ສະ​ເຫຼີມ​ສະ​ຫຼອງວັນ​ຊາດ​ ແຫ່ງ​ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ​ຄົບ​ຮອບ 43 ປີ, ຕາງ​ໜ້າ​ໃຫ້​ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ​ກອມ​ມູ​ນິດຫວຽດ​ນາມ, ລັດ, ສະ​ພາ​ແຫ່ງ​ຊາດ, ລັດ​ຖະ​ບານແລະປະ​ຊາ​ຊົນຫວຽດ​ນາມ, ພວກ​ຂ້າ​ພະ​ເຈົ້າ​ ຂໍ​ສົ່ງ​ຄຳ​ອວຍ​ພອນ​ອັນ​ອົບ​ອຸ່ນ​ສະ​ໜິດ​ສະ​ໜົມ​ທີ່​ສຸດ​ມາ​ຍັງ​ຄະ​ນະ​ບໍ​ລິ​ຫານ​ງານ​ສູນ​ກາງ​ພັກປະ​ຊາ​ຊົນປະ​ຕິ​ວັດ​ລາວ, ລັດ, ສະ​ພາ​ແຫ່ງ​ຊາດ, ລັດ​ຖະ​ບານແລະ​ ປະ​ຊາ​ຊົນລາວ​ອ້າຍ​ນ້ອງ.

          ພວກ​ຂ້າ​ພະ​ເຈົ້າ​ ຮູ້​ສຶກ​ປິ​ຕິ​ຊົມ​ຊື່ນ​ເປັນ​ຢ່າງ​ຍິ່ງ ​ທີ່​ເຫັນ​ວ່າ​ຕະ​ຫຼອດ​ໄລ​ຍະ 43 ປີ​ທີ່​ຜ່ານ​ມາ, ພາຍ​ໃຕ້​ການ​ນຳ​ພາອັນ​ປີ​ຊາ​ສາ​ມາດ​ຂອງ​ພັກ​ປະ​ຊາ​ຊົນປະ​ຕິ​ວັດ​ລາວ​ທີ່​ມີ​ກຽດ​ສະ​ຫງ່າ, ດ້ວຍ​ນ້ຳ​ໃຈ​ຮັກ​ຊາດ​ອັນດູດດື່ມ ແລະມູນ​ເຊື້ອ​ການ​ປະ​ຕິ​ວັດ​ອັນ​ອົງ​ອາດ​ກ້​າ​ຫານ, ປະ​ຊາ​ຊົນ​ລາວ​ອ້າຍ​ນ້ອງ​ໄດ້​ເສີມ​ຂະ​ຫຍາຍ​ກຳລັງ​ແຮງ​​ສັງລວມທົ່ວປະເທດ​ຜ່ານ​ຜ່າ​ຄວາມ​ຫຍຸ້ງ​ຍາກ​, ສິ່ງ​ທ້າ​ທາຍຫຼາຍ​ປະ​ການແລະ​ ​ຍາດ​ມາ​ໄດ້​ຫຼາຍ​ຜົນ​ງານ​ອັນ​ໃຫຍ່​ຫຼວງໃນ​ພາ​ລະ​ກິດ​ແຫ່ງ​ການ​ສ້າງ​ສາແລະປົກ​ປັກ​ຮັກ​ສາ​ປະ​ເທດ​ຊາດ. ພິ​ເສດ, ພາຍ​ຫຼັງເວ​ລາເກືອບ 03 ປີ ​ຂອງ​ການປະ​ຕິ​ບັດ​ມະ​ຕິ​ກອງ​ປະ​ຊຸມ​ໃຫຍ່​ຄັ້ງ​ທີ X ຂອງ​ພັກ​ປະ​ຊາ​ຊົນ​ປະ​ຕິ​ວັດ​ລາວ, ສະ​ພາບ​ການ​ການ​ເມືອງ-ສັງ​ຄົມ​ລາວ​ມີ​ສະ​ຖຽນ​ລະ​ພາບ; ດ້ານປ້ອງ​ກັນ​ຊາດ-ປ້ອງ​ກັນ​ຄວາມ​ສະຫງົ​ບ​ໄດ້​ຮັກ​ສາ​ໄວ້​ຢ່າງ​ໜັກ​ແໜ້ນ; ເສດ​ຖະ​ກິດ​ມີ​ການ​ຂ​ະ​ຫຍາຍ​ຕົວ​​ໄວ; ​ຂະ​ແໜງການ​ສຶກ​ສາ, ວັດ​ທະ​ນະ​ທຳ, ສັງ​ຄົມ​ມີ​ຄວາມ​ກ້າວ​ໜ້າ; ຊີ​ວິດ​ການ​ເປັນ​ຢູ່​​ທັງ​ທາງດ້ານ​ວັດ​ຖຸແລະຈິດ​ໃຈ​ຂອງ​ປະ​ຊາ​ຊົນ​ໄດ້​ປັບ​ປຸງ​ຢ່າງ​ບໍ່​ຢຸດ​ຢັ້ງ; ອິດ​ທິ​ພົນຊື່​ສຽງແລະຖາ​ນະ​ບົດ​ບາດຂອງ ​ສາ​ທາລະ​ນະ​ລັດປະ​ຊາ​ທິ​ປະ​ໄຕປະ​ຊາ​ຊົນ​ລາວ ​ໄດ້​ສູງ​ເດັ່ນ​ຂຶ້ນທັງຢູ່​ໃນ​ພາກ​ພື້ນແລະເວ​ທີ​ສາກົນ.

          ພວກ​ຂ້າ​ພະ​ເຈົ້າ ​​ຊົມ​ເຊີຍບັນ​ດາ​ຜົນ​ສຳ​ເລັດ​ສຳ​ຄັນ​ດັ່ງ​ກ່າວ​ຂອງ​ບັນ​ດາ​ສະ​ຫາຍຢ່າງ​ສຸດ​ໃຈ ແລະ ຂໍ​ອວຍ​ພອນ​ຢ່າງ​ຈິງ​ໃຈ ​ປະ​ຊາ​ຊົນ​ລາວ​ອ້າຍ​ນ້ອງ, ພາຍ​ໃຕ້​ການ​ນຳ​ພາ​ອັນ​ສະ​ຫຼາດ​ສ່ອງ​ໃສ​ຂອງ​ພັກ​ປະ​ຊາ​ຊົນປະ​ຕິ​ວັດ​ລາວ ​ໂດຍມີ​ສະ​ຫາຍ​ເລ​ຂາ​ທິ​ການ​ໃຫຍ່, ປະ​ທານ​ປະ​ເທດ ບຸນ​ຍັງ ວໍ​ລະ​ຈິດ ເປັນຜູ້​ນຳ​ໜ້າຈະ​ສືບ​ຕໍ່​ຍາດ​ມາ​ໄດ້​ຫຼາຍ​ໄຊຊະ​ນະ​ອັນ​ໃໝ່, ໃຫຍ່ຫຼວງກວ່າ​ເກົ່າ​ໃນ​ຂະ​ບວນ​ວິ​ວັດ​ແຫ່ງ​ການ​ປະ​ຕິ​ບັດ​ມະ​ຕິ​ກອງ​ປະ​ຊຸມ​ໃຫຍ່​ຄັ້ງ​ທີ X ຂອງພັກ​ປະ​ຊາ​ຊົນປະ​ຕິ​ວັດ​ລາວ ແລະ ແຜນ​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ​ 05 ປີຄັ້ງ​ທີ VIII ໄລ​ຍະ 2016-2020; ກະ​ກຽມ​ໃຫ້​ແກ່​ກາ​ນ​ຈັດ​ຕັ້ງ​ກອງ​ປະ​ຊຸມ​ໃຫຍ່​ຂອງ​ພັກ​ຂັ້ນ​ຕ່າງໆ ເພື່ອກ້າວ​ໄປ​ເຖິງ​ການ​ດຳ​ເນີນກອງ​ປະ​ຊຸມ​ໃຫຍ່​ຄະ​ນະ​ຜູ້​ແທນ​ທົ່ວ​ປະ​ເທດ​ຄັ້ງ​ທີ XI ຂອງ​ພັ​ກ​ໃຫ້​ສຳ​ເລັດ​ຢ່າງ​ຈົບ​ງາມ; ສ້າງ​ສຳ​ເລັດ​​ປະ​ເທດລາວ ແຫ່ງ ສັນ​ຕິ​ພາບ, ​ເອ​ກະ​ລາດ, ປະ​ຊາ​ທິ​ປະ​ໄຕ, ເອ​ກະ​ພາບ ແລະ ວັດ​ທະ​ນາ​ຖາ​ວອນ.

          ພວກ​ຂ້າ​ພ​ະ​ເຈົ້າ ​ຮູ້​ສຶກ​ປິ​ຕິ​ຊົມ​ຊື່ນເປັນ​ຢ່າງ​ຍິ່ງ​ ທີ່​ເຫັນ​ວ່າ​ໃນ​ໄລ​ຍະ​ຜ່ານ​ມາ, ສາຍ​ພົວ​ພັນ​ມິດ​ຕະ​ພາບ​ອັນຍິ່ງ​ໃຫຍ່, ຄວາມ​ສາ​ມັກ​ຄີ​ພິ​ເສດ, ບໍ​ລິ​ສຸດຜຸດ​ຜ່ອງ ແລະ ການ​ຮ່ວມ​ມື​ຮອບ​ດ້ານ​ ລະ​ຫວ່າງ ​ສອງ​ພັກ, ສອງ​ລັດແລະປະ​ຊາ​ຊົນສອງ​ຊາດຫວຽດ​ນາມ-ລາວ​ ໂດຍ​ແມ່ນ​ ປະ​ທານ​ ໂຮ່ ຈິ ມິນ ຜູ້​ຍິ່ງ​ໃຫຍ່, ປະ​ທານ ໄກ​ສອນ ພົມ​ວິ​ຫານ ແລະ ປະ​ທານ​ ສຸ​ພາ​ນຸ​ວົງ ທີ່​ເຄົາ​ລົບ​ຮັກ ພ້ອມ​ກັບ​​ບັນ​ດາ​ສະ​ຫາຍການ​ນຳ​ລຸ້ນ​ຕ່າງໆ ແລະ ປະ​ຊາ​ຊົນ​ສອງ​ຊາດ​ໄດ້​ເພິ່ມ​ພູນ​ຄູນ​ສ້າງມາ​ນັ້ນ​ໄດ້​ຮັບການ​ປັບ​ປຸງ​​ ແລະ ພັດ​ທ​ະ​ນາ​ຂຶ້ນ​ນັບ​ມື້​ນັບເຂົ້າ​ສູ່​ລວງ​ເລິກ, ປະ​ກົດ​ຜົນ​ເປັນ​ຈິງແລະມີ​ປະ​ສິດ​ທິ​ຜົນ​ໃນ​ທຸກໆ​ຂົງ​ເຂດ, ຕອບ​ສະ​ໜອງ​ຄວາມ​ມຸ້ງ​ຫວັງ ແລະ ຜົນ​ປະ​ໂຫຍດ​ຂອງ​ປະ​ຊາ​ຊົນ​ສອງ​ຊາດ​ພວກ​ເຮົາ.

          ພັກ, ລັດ ແລະ ປະ​ຊາ​ຊົນຫວຽດ​ນາມ ຍາມໃດກໍສະ​ເໝີ​ຕົ້ນ​ສະ​ເໝີ​ປາຍເດັດດ່ຽວຮ່ວມ​ກັບ​ພັກ, ລັດ ແລະ ປະ​ຊາ​ຊົນລາວ​ອ້າຍ​ນ້ອງ​​ ປົກ​ປັກ​ຮັກ​ສາ ແລະ ເສີມຂະຫຍາຍ​ສາຍ​ພົວ​ພັນ​ມິດ​ຕະ​ພາບ​ອັນ​ເປັນ​ມູນ​ເຊື້ອ, ຄວາມ​ສາ​ມັກ​ຄີ​ພິ​ເສດ ແລະ ການ​ຮ່ວມ​ມື​ຮອບ​ດ້ານຫວຽດ​ນາມ - ລາວ​​​ເພື່ອ​ສັນ​ຕິ​ພາບ, ສະ​ຖຽນ​ລະ​ພາບ, ການ​ຮ່ວມ​ມື ແລະ ​ການພັດ​ທະ​ນາ​ຢູ່ໃນ​ພາກ​ພື້ນ ແລະ ໃນ​ໂລກ.

          ເນື່ອງ​ໃນ​ໂອ​ກາດ​ອັນ​ສະ​ຫງ່າ​ລາ​ສີ​ນີ້, ຕາງ​ໜ້າ​ໃຫ້​ພັກ, ລັດ, ສະ​ພາ​ແຫ່ງ​ຊາດ, ລັດ​ຖະ​ບານ ແລະ ປະ​ຊາ​ຊົນຫວຽດ​ນາມ, ພວກ​ຂ້າ​ພ​ະ​ເຈົ້າ ​ຂໍ​ສະ​ແດງ​ຄວາມ​ຂອບ​ອົບ​ຂອບ​ໃຈ​ຢ່າງ​ເລິກ​ເຊິ່ງຕໍ່ພັກ, ລັດ, ສະ​ພາ​ແຫ່ງ​ຊາດ, ລັດ​ຖະ​ບານ ແລະ ປະ​ຊາ​ຊົນ​ລາວ​ອ້າຍນ້ອງ​ທີ່ໄດ້​ໃຫ້ການ​ຊ່ວຍ​ເຫຼືອ​ອັນ​ໃຫຍ່​ຫຼວງ, ມີ​ປະ​ສິດ​ທິ​ຜົນ ແລະ ​ລ້ຳ​ຄ່າ​ແກ່​ປະ​ຊາ​ຊົນ​ ຫວຽດ​ນາມ ​ໃນ​ພາ​ລະ​ກິດ​ແຫ່ງ​ການ​ປົດ​ປ່ອຍຊາດ, ໂຮມ​ປະ​ເທດ​ຊາດ​ເປັນ​ອັນ​ໜຶ່ງ​ອັນ​ດຽວ​ໃນ​ເມື່ອ​ກ່ອນ​ກໍ​ຄື​ໃນ​ພາ​ລະ​ກິດ​ແຫ່ງ​ການ​ສ້າ​ງ​ສາ ແລະ ​ພັດ​ທະ​ນາ​ປະ​ເທດ​ຊາດ​ໃນ​ປັດ​ຈຸ​ບັນ.

          ຂໍ​ອວຍ​ພອນ​ບັນ​ດາ​ສະ​ຫາຍ​ ຈົ່ງ​ມີ​ຂຸ​ຂະ​ພາບ​ເຂັ້ມ​ແຂງ, ປະ​ສົ​ບ​ຜົນ​ສຳ​ເລັດ​​ໃນ​ໜ້າ​ທີ່ວຽກງານ​ອັນ​ສູງ​ສົ່ງ​ ແລະ ມີ​ກຽດ​ສະ​ຫງ່າ​ຂອງ​ບັນ​ດາ​ສະ​ຫາຍ.

          ຂໍ​ອວຍ​ພອນ​ສາຍ​ພົວ​ພັນ​ອັນ​ເປັນ​ມູນ​ເຊື້ອ, ຄວາມ​ສາ​ມັກ​ຄີ​ພິ​ເສດ ແລະ​ ການ​ຮ່ວມ​ມື​ຮອບ​ດ້ານ ຫວຽດ​ນາມ-ລາວ ໝັ້ນ​ຄົງ​ທະ​ນົງ​ແກ່ນ​ ແລະ ຂຽວ​ສົດ​ງົດ​ງາມຕະ​ຫຼອດ​ກາ​ລະ​ນານ.

ນະ​ຄອນ​ຫຼວງ​ຮ່າ​ໂນ້ຍ, ວັນ​ທີ 01 ທັນ​ວາ 2018

ຫງວ​ຽນ ຟູ ຈ້ອງ

ເລ​ຂາ​ທິ​ການ​ໃຫຍ່ຄະ​ນະ​ບໍ​ລິ​ຫານ​ງານ​ສູນ​ກາງ​ພັກກອມ​ມູ​ນິດຫວຽດ​ນາມ,

ປະ​ທານ​ປະ​ເທດ​ ແຫ່ງ ສາ​ທາ​ລະ​ນະ​ລັດສັງ​ຄົມ​ນິ​ຍົມຫວຽດ​ນາມ

ຫງວຽນ ຊວນ ຟຸກ,

ນາ​ຍົກ​ລັດ​ຖະ​ມົນ​ຕີ ​ແຫ່ງ ​ສາ​ທາ​ລະ​ນະ​ລັດສັງ​ຄົມ​ນິ​ຍົມຫວຽດ​ນາມ

ຫງວຽນ ທິ ກິມ ເງີນ,

ປະ​ທານ​ສະ​ພາ​ແຫ່ງ​ຊາດ ​ແຫ່ງ ສາ​ທາ​ລະ​ນະ​ລັດສັງ​ຄົມ​ນິ​ຍົມຫວຽດ​ນາມ

ເຖິງ: ສະຫາຍ ສະເຫຼີມໄຊ ກົມມະສິດ,

      ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດປະຊາທິປະໄຕ ປະຊາຊົນລາວ,

ທີ່ ນະຄອນຫຼວງວຽງຈັນ.

ເນື່ອງໃນໂອກາດ ສະເຫຼີມສະຫຼອງວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 43 ປີ (2/12/1975-2/12/2018), ຕາງໜ້າຄະນະນໍາ, ພະນັກງານ ແລະ ລັດຖະກອນກະຊວງການຕ່າງປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ, ຂ້າພະເຈົ້າ ຂໍສົ່ງຄໍາອວຍພອນໄຊອັນປະເສີດ ແລະ ນໍ້າໃຈອັນສະໜິດສະໜົມ ຖານສະຫາຍອ້າຍນ້ອງມາຍັງສະຫາຍ, ຄະນະນໍາ, ພະນັກງານ ແລະ ລັດຖະກອນ ກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ທຸກຖ້ວນໜ້າ.

ພວກຂ້າພະເຈົ້າ ມີຄວາມເອກອ້າງທະນົງໃຈເປັນຢ່າງຍິ່ງ ທີ່ເຫັນວ່າຕະຫລອດໄລຍະ 43 ປີ ທີ່ຜ່ານມາ ປະຊາຊົນລາວອ້າຍນ້ອງຍາດມາໄດ້ຜົນງານອັນໃຫຍ່ຫຼວງໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ພິເສດໃນຂະແໜງການຕ່າງປະເທດ ທີ່ໄດ້ປະກອບສ່ວນຢ່າງສຳຄັນເຂົ້້າໃນການເຊີດຊູບົດບາດ, ອິດທິພົນ ແລະ ຊື່ສຽງ ຂອງ ສປປ ລາວ ໃຫ້ສູງເດັ່ນຂື້ນຢ່າງບໍ່ຢຸດຢັ້ງ ໃນເວທີພາກພື້ນ ແລະ ສາກົນ. ພວກຂ້າພະເຈົ້າ ເຊື່ອໝັ້ນຢ່າງຍິ່ງວ່າ, ໃນການຜັນຂະຫຍາຍມະຕິຂອງກອງປະຊຸມໃຫຍ່ຄັ້ງທີ X ຂອງ ພັກປະຊາຊົນປະຕິວັດລາວ, ຂະແໜງການຕ່າງປະເທດຂອງລາວ ຈະສືບຕໍ່ຍາດມາໄດ້ຜົນສຳເລັດອັນໃຫມ່ ໃຫຍ່ຫຼວງເກົ່າກວ່າ, ປະກອບສ່ວນເຂົ້າໃນການສ້າງສາປະເທດຊາດໃຫ້ນັບມື້ນັບສີວິໄລ ແລະ ວັດທະນະຖາວອນ.

ພວກຂ້າພະເຈົ້້າ ມີຄວາມປິຕິຊົມຊື່ນເປັນຢ່າງຍິ່ງ ຕໍ່ໝາກຜົນສຳເລັດຢ່າງຈົບງາມໃນການພົວພັນຮ່ວມມື ລະຫວ່າງ ກະຊວງການຕ່າງປະເທດ ຂອງສອງປະເທດພວກເຮົາ ໃນໄລຍະຜ່ານມາ ບໍ່ວ່າໃນກອບການຮ່ວມມືສອງຝ່າຍ ກໍຄືໃນເວທິຕ່າງໆຢູ່ພາກພື້ນ ແລະ ສາກົນ. ຂ້າພະເຈົ້າ ຂໍສະແດງຄວາມຂອບໃຈມາຍັງສະຫາຍ ທີ່ໄດ້ເຊື້ອເຊີນຂ້າພະເຈົ້າ ເດີນທາງຢ້ຽມຢາມ ສປປ ລາວ ຢ່າງເປັນທາງການ ພ້ອມທັງເຂົ້າຮ່ວມ ກອງປະຊຸມປຶກສາຫາລື ດ້ານການເມືອງ ຂັ້ນລັດຖະມົນຕີຕ່າງປະເທດ ຫວຽດນາມ-ລາວ ຄັ້ງທີ 5 ແຕ່ວັນທີ 18-19 ທັນວາ 2018. ຂ້າພະເຈົ້າຫວັງວ່າ ຮ່ວມກັບສະຫາຍ, ພວກເຮົາຈະແລກປ່ຽນມາດຕາການຕ່າງໆ ທີ່ແທດເໝາະກັບສະພາບການຕົວຈິງ ເພື່ອຊຸກຍູ້ໃນການພົວພັນຮ່ວມມື ລະຫວ່າງ ສອງປະເທດ ເວົ້າລວມ ເວົ້າສະເພາະແມ່ນ ສອງກະຊວງການຕ່າງປະເທດພວກເຮົາໃນດີເກົ່າກວ່າ.

ເນື່ອງໃນໂອກາດນີ້, ຂໍອວຍພອນໄຊໃຫ້ສາຍພົວພັນມິດຕະພາບອັນເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ-ລາວ ຈົ່ງໝັ້ນຄົງຂະນົງແກ່ນ ແລະ ສວຍສົດງົດງາມຕະຫຼອດໄປ. ອວຍພອນໄຊໃຫ້ການພົວພັນຮ່ວມມື ລະຫວ່າງ ສອງກະຊວງການຕ່າງປະເທດພວກເຮົາ ໃນຕໍ່ໜ້າໃຫ້ນັບມື້ນັບແໜ້ນແຟ້ນ, ເຊື່ອໃຈເຊິ່ງກັນ ແລະ ກັນ ແລະ ມີປະສິດທິພາບ.

          ອວຍພອນໃຫ້ ສະຫາຍ ຈົ່ງມີສຸຂະພາບພາລະນາໄມເຂັ້ມແຂງ, ມີຄວາມຜາສຸກ ແລະ ປະສົບຜົນສໍາເລັດ.

ນະຄອນຫຼວງຮ່າໂນ້ຍ, ວັນທີ 01 ທັນວາ 2018

ຟ້າມ ບິ່ງ ມິງ

ຮອງນາຍົກລັດຖະມົນຕີ,

ລັດຖະມົນຕີກະຊວງການຕ່າງປະເທດ

ແຫ່ງ ສາທາລະນະລັດ ສັງຄົມນິຍົມ ຫວຽດນາມ