ເຖິງ:   ສະຫາຍ ບຸນຍັງ ວໍລະຈິດ

        ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ,

        ປະທານປະເທດ ແຫ່ງ ສປປ ລາວ

ທີ່ ນະຄອນຫຼວງວຽງຈັນ.

ສະຫາຍ ບຸນຍັງ ວໍລະຈິດ ທີ່ນັບຖື:

ເນື່ອງໃນໂອກາດ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 43 ປີ, ຂ້າພະເຈົ້າ ຂໍຕາງໜ້າໃຫ້ພັກກອມມູນິດຈີນ ແລະ ປະຊາຊົນຈີນ ກໍຄືໃນນາມສ່ວນຕົວ ຂໍສະແດງຄວາມຊົມເຊີຍ ຢ່າງສຸດອົກສຸດໃຈ ມາຍັງສະຫາຍ ແລະ ຜ່ານສະຫາຍ ມາຍັງ ພັກປະຊາຊົນປະຕິວັດລາວ ແລະ ປະຊາຊົນລາວອ້າຍນ້ອງທຸກຖ້ວນໜ້າ.

ໜຶ່ງປີຜ່ານມາ, ສປປ ລາວ ມີສະຖຽນລະພາບທາງດ້ານການເມືອງ, ສັງຄົມມີຄວາມປອງດອງ, ເສດຖະກິດມີການພັດທະນາ ຢ່າງຕໍ່ເນື່ອງ, ຊີວິດການເປັນຢູ່ຂອງປະຊາຊົນ ນັບມື້ນັບດີຂື້ນ. ໃນຖານະເພື່ອນມິດ ແລະ ສະຫາຍ, ຂ້າພະເຈົ້າ ຮູ້ສຶກປິຕິຊົມຊື່ນເປັນຢ່າງຍິ່ງ ແລະ ເຊື່ອໝັ້ນວ່າ ພາຍໃຕ້ການຊີ້ນຳນຳພາຂອງສູນກາງພັກປະຊາຊົນປະຕິວັດລາວ ໂດຍມີ ສະຫາຍ ເລຂາທິການໃຫຍ່ ບຸນຍັງ ວໍລະຈິດເປັນແກນນຳ ປະຊາຊົນລາວຈະສາມາດບັນລຸເປົ້າໝາຍສູ້ຊົນ ທີ່ກອງປະຊຸມໃຫຍ່ຄັ້ງທີ 10 ຂອງພັກປະຊາຊົນປະຕິວັດລາວໄດ້ວາງອອກ ແລະ ປະສົບຜົນສຳເລັດໃໝ່ທີ່ໃຫຍ່ຫຼວງກວ່າເກົ່າໃນພາລະກິດສ້າງສາພັດທະນາປະເທດຊາດ.

ໃນປີນີ້, ສາຍພົວພັນ ຈີນ-ລາວ ສືບຕໍ່ຮັກສາທ່ວງທ່າພັດທະນາທີ່ດີ, ການແລກປ່ຽນການຢ້ຽມຢາມ ລະຫວ່າງ ຜູ້ນຳຂັ້ນສູງນຳກັນເປັນປົກກະຕິ, ຍຸດທະສາດການເຊື່ອມໂຍງເຊື່ອມຈອດ ລະຫວ່າງ ຈີນ-ລາວ ມີຄວາມຄືບໜ້າຕາມແຜນການ, ການຮ່ວມມືໃນໂຄງການໃຫຍ່ດຳເນີນໄປດ້ວຍດີ, ການໄປມາຫາສູ່ກັນ ແລະ ການແລກປ່ຽນທາງດ້ານວັດທະນະທຳ ເຂົ້າສູ່ລວງເລິກຢ່າງບໍ່ຢຸດຢັ້ງ ອັນໄດ້ນຳເອົາຜົນປະໂຫຍດຕົວຈິງມາສູ່ສອງປະເທດ ແລະ ປະຊາຊົນສອງຊາດຈີນ ແລະ ລາວ. ຂ້າພະເຈົ້າ ໃຫ້ຄວາມສຳຄັນສູງຕໍ່ການພັດທະນາສາຍພົວພັນມິດຕະພາບຈີນ-ລາວ, ຍິນດີພະຍາຍາມຮ່ວມກັບສະຫາຍ ເພື່ອຮ່ວມກັນຊຸກຍູ້ການສ້າງຄູ່ຮ່ວມຊະຕາກຳ ຈີນ-ລາວ ທີ່ມີຄວາມໝາຍຍຸດທະສາດ.

ຂໍອວຍພອນໃຫ້ ສປປ ລາວ ຈົ່ງມີຄວາມຈະເລີນຮຸ່ງເຮືອງ, ປະຊາຊົນມີຄວາມຜາສຸກ.

ຂໍອວຍພອນໃຫ້ສາຍພົວພັນຄູ່ຮ່ວມມືຍຸດທະສາດຮອບດ້ານ ລະຫວ່າງ ຈີນ-ລາວ ຈົ່ງມີຄວາມໝັ້ນຄົງ ແລະ ພັດທະນາຍິ່ງໆຂື້ນຢ່າງບໍ່ຢຸດຢັ້ງ.

ສີ ຈິ້ນຜິງ

ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ,

ປະທານປະເທດ ແຫ່ງ ສປ ຈີນ

ນະຄອນຫຼວງປັກກິ່ງ, ວັນທີ 2 ທັນວາ 2018

ເຖິງ: ສະຫາຍ ທອງລຸນ ສີສຸລິດ,

      ນາຍົກລັດຖະມົນຕີ ແຫ່ງ ສປປ ລາວ

                                                                        ທີ່ ນະຄອນຫຼວງວຽງຈັນ.

ສະຫາຍ ນາຍົກລັດຖະມົນຕີ:

ເນື່ອງໃນໂອກາດວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 43 ປີ, ຕາງໜ້າໃຫ້ລັດຖະບານ ແຫ່ງ ສາທາລະນະລັດ ປະຊາຊົນຈີນ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມຊົມ ເຊີຍຢ່າງສຸດອົກສຸດໃຈ ມາຍັງ ສະຫາຍ ແລະ ຂໍຜ່ານສະຫາຍ ມາຍັງ ລັດຖະບານ ແຫ່ງ ສປປ ລາວ.

ຂ້າພະເຈົ້າ ມີຄວາມປິຕິຊົມຊື່ນທີ່ໄດ້ເຫັນວ່າ ໜຶ່ງປີຜ່ານມາ ສປປ ລາວ ໄດ້ມີຄວາມໝັ້ນຄົງທາງດ້ານການເມືອງ, ສັງຄົມມີຄວາມປອງດອງ ແລະ ພາລະກິດສ້າງສາພັດທະນາປະເທດຊາດ ສືບຕໍ່ມີຄວາມຄືບໜ້າໃໝ່. ພາຍໃຕ້ຄວາມພະຍາຍາມຮ່ວມກັນຂອງສອງຝ່າຍ ສາຍພົວພັນຈີນ-ລາວ ຮັກສາໄດ້ທ່ວງທ່າການພັດທະນາທີ່ດີ, ການຮ່ວມມືໃນຂົງເຂດຕ່າງໆໄດ້ມີຄວາມຄືບໜ້າຢ່າງໜັກແໜ້ນ. ຝ່າຍຈີນ ຍິນດີເຮັດວຽກຮ່ວມກັນກັບຝ່າຍລາວ ເພື່ອເຮັດໃຫ້ການຮ່ວມມືຍຸດທະສາດຮອບດ້ານຈີນ-ລາວ ມີເນື້ອໃນຍິ່ງຂື້ນຢ່າງຕໍ່ເນື່ອງ ເພື່ອນຳເອົາຜົນປະໂຫຍດຕົວຈິງມາສູ່ປະຊາຊົນສອງຊາດ ໃຫ້ນັບມື້ນັບຫຼາຍຂຶ້ນ.

ຂໍອວຍພອນໃຫ້ ສປປ ລາວ ຈົ່ງມີຄວາມຈະເລີນຮຸ່ງເຮືອງ ປະຊາຊົນລາວ ຈົ່ງມີຄວາມຜາສຸກ.

ຂໍອວຍພອນໃຫ້ ສາຍພົວພັນຄູ່ຮ່ວມມືຍຸດທະສາດຮອບດ້ານຈີນ-ລາວ ຈົ່ງມີຄວາມໝັ້ນຄົງ ແລະ ພັດທະ ນາໄປຢ່າງບໍ່ຢຸດຢັ້ງ.

ຫຼີ ເຄີ້ສຽງ

ນາຍົກລັດຖະມົນຕີ ແຫ່ງ ສປ ຈີນ

ທີ່ ນະຄອນຫຼວງປັກກິ່ງ, ວັນທີ 2 ທັນວາ 2018

ເຖິງ: ສະຫາຍ ນາງ ປານີ ຢ່າທໍ່ຕູ້,

      ປະທານສະພາແຫ່ງຊາດ ແຫ່ງ ສປປ ລາວ

                                                                        ທີ່ ນະຄອນຫຼວງວຽງຈັນ.

ສະຫາຍ ປະທານ:

ເນື່ອງໃນໂອກາດວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 43 ປີ, ຕາງໜ້າໃຫ້ສະພາຜູ້ແທນປະຊາຊົນທົ່ວປະເທດ ແຫ່ງ ສາທາລະນະລັດ ປະຊາຊົນຈີນ ແລະ ໃນນາມສ່ວນຕົວ, ຂ້າພະ ເຈົ້າ ຂໍສະແດງຄວາມຊົມເຊີຍຢ່າງສຸດອົກສຸດໃຈ ມາຍັງ ສະຫາຍ ແລະ ຂໍຜ່ານສະຫາຍ ມາຍັງ ສະພາແຫ່ງຊາດ ແຫ່ງ ສປປ ລາວ.

ໜຶ່ງປີທີ່ຜ່ານມາ, ພາລະກິດປ່ຽນແປງໃໝ່ຂອງ ສປປ ລາວ ໄດ້ມີຄວາມຄືບໜ້າໃໝ່ຢ່າງຕໍ່ເນື່ອງ. ພາຍໃຕ້ຄວາມພະຍາຍາມຮ່ວມກັນຂອງສອງຝ່າຍ ສາຍພົວພັນຈີນ-ລາວ ໄດ້ຮັບການພັດທະນາຢ່າງເຂັ້ມແຂງ ແລະ ໜັກ   ແໜ້ນ, ການຮ່ວມມືມິດຕະພາບ ລະຫວ່າງ ສະພາຜູ້ແທນປະຊາຊົນທົ່ວປະເທດຈີນ ແລະ ສະພາແຫ່ງຊາດລາວ ນັບມື້ນັບແໜ້ນແຟ້ນຍິ່ງຂຶ້ນ. ຝ່າຍຈີນ ຍິນດີຮ່ວມກັນກັບຝ່າຍລາວ ສືບຕໍ່ຊຸກຍູ້ການແລກປ່ຽນຮ່ວມມື ລະຫວ່າງ ອົງການນິຕິບັດຍັດຂອງສອງປະເທດ ເພື່ອປະກອບສ່ວນຢ່າງຕັ້ງໜ້າ ເຂົ້າໃນການເສີມສ້າງສາຍພົວພັນຄູ່ຮ່ວມມືຍຸດທະສາດຮອບດ້ານຂອງສອງປະເທດ.

ຂໍອວຍພອນໃຫ້ ສປປ ລາວ ຈົ່ງມີຄວາມຈະເລີນຮຸ່ງເຮືອງ ແລະ ປະຊາຊົນລາວ ຈົ່ງມີຄວາມຜາສຸກ.

ຂໍອວຍພອນໃຫ້ ສາຍພົວພັນຄູ່ຮ່ວມມືຍຸດທະສາດຮອບດ້ານຈີນ-ລາວ ຈົ່ງມີຄວາມໝັ້ນຄົງ ແລະ ພັດທະ ນາໄປຢ່າງບໍ່ຢຸດຢັ້ງ.

ຫຼີ້ ຈັ້ນສູ່

ປະທານຄະນະກຳມະການປະຈຳ

ສະພາຜູ້ແທນປະຊາຊົນທົວປະເທດ ແຫ່ງ ສປ ຈີນ

ທີ່ ນະຄອນຫຼວງປັກກິ່ງ, ວັນທີ 2 ທັນວາ 2018

ເຖິງ:   ສະຫາຍ ສະເຫຼີມໄຊ ກົມມະສິດ

        ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ             

                                                                ທີ່ ນະຄອນຫຼວງວຽງຈັນ.

ສະຫາຍ ລັດຖະມົນຕີກະຊວງການຕ່າງປະເທດ:

ເນື່ອງໃນໂອກາດ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 43 ປີ, ຂ້າພະເຈົ້າຂໍສະແດງຄວາມຊົມເຊີຍຢ່າງສຸດອົກສຸດໃຈມາຍັງສະຫາຍ.

ໜຶ່ງປີຜ່ານມາ, ພາລະກິດສ້າງສາພັດທະນາປະເທດຊາດ ຂອງ ສປປ ລາວ ໄດ້ມີຄວາມຄືບໜ້າຢ່າງໜັກແໜ້ນ, ສປປ ລາວ ນັບມື້ນັບມີບົດບາດສຳຄັນໃນເວທີພາກພື້ນ ແລະ ສາກົນ. ປະຈຸບັນ, ສາຍພົວພັນຈີນ-ລາວ ສືບຕໍ່ຂະຫຍາຍຕົວເຂົ້າສູ່ລວງເລິກ, ສອງປະເທດໄດ້ປະສານສົມທົບກັນຢ່າງໃກ້ຊິດໃນວຽກງານພາກພື້ນ ແລະ ສາກົນ. ຂ້າພະເຈົ້າ ຍິນດີຮ່ວມກັບ ສະຫາຍ ຈັດຕັ້ງປະຕິບັດຂໍ້ຕົກລົງຂອງການນຳຂັ້ນສູງສອງຝ່າຍ ເພື່ອປະກອບສ່ວນຢ່າງຕັ້ງໜ້າເຂົ້າໃນການສ້າງຄູ່ຮ່ວມຊະຕາກຳຈີນ-ລາວ ທີ່ມີຄວາມໝາຍຍຸດທະສາດ.

ຂໍອວຍພອນໃຫ້ ສປປ ລາວ ຈົ່ງມີຄວາມຈະເລີນຮຸ່ງເຮືອງ, ປະຊາຊົນມີຄວາມຜາສຸກ.

ຂໍອວຍພອນໃຫ້ການຮ່ວມມື ຂອງສອງກະຊວງການຕ່າງປະເທດຈີນ-ລາວ ນັບມື້ນັບແໜ້ນແຟ້ນຍິ່ງຂື້ນ.

ຫວັງ ອີ້

ທີ່ປຶກສາແຫ່ງລັດ,

ລັດຖະມົນຕີກະຊວງການຕ່າງປະເທດ ແຫ່ງ ສປ ຈີນ

ນະຄອນຫຼວງປັກກິ່ງ, ວັນທີ 2 ທັນວາ 2018