ນະຄອນຫຼວງວຽງຈັນ
ສະຫາຍ ບຸນຍັງ ວໍລະຈິດ,
ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ
ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ເນື່ອງໃນໂອກາດ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 43 ປີ, ຂ້າພະເຈົ້າ ຂໍສົ່ງຄຳຊົມເຊີຍອັນອົບອຸ່ນ ມາຍັງສະຫາຍ ແລະ ໂດຍຜ່ານສະຫາຍໄປຍັງພັກ, ລັດຖະບານ ແລະ ປະຊາຊົນລາວ ທີ່ເປັນໄມຕີຈິດມິດຕະພາບ.
ຕະຫຼອດໄລຍະ 43 ປີ ທີ່ຜ່ານມາ, ພາຍໃຕ້ການຊີ້ນຳນຳພາ ອັນຖືກຕ້ອງ ຂອງພັກປະຊາຊົນປະຕິວັດລາວ, ລັດຖະບານ ແລະ ປະຊາຊົນລາວ ໄດ້ບັນລຸຜົນສຳເລັດ ອັນໃຫ່ຍຫຼວງ ໃນພາລະກິດປົກປັກຮັກສາອຸດົມການສັງຄົມນິຍົມ ແລະ ສ້າງລະບອບປະຊາທິປະໄຕປະຊາຊົນ ໃຫ້ແໜ້ນແຟ້ນຂື້ນ ແລະ ພາລະກິດພັດທະນາ ປະເທດຊາດໂດຍເອກະລາດ ແລະ ສ້າງສາປະເທດຊາດໃຫ້ມີຄວາມຈະເລີນວັດທະນາຖາວອນ
ຂ້າພະເຈົ້າເຊື່ອໝັ້ນວ່າ ສາຍພົວພັນ ມິດຕະພາບ ແລະ ການຮ່ວມມື ອັນເປັນມູນເຊື້ອ ລະຫວ່າງ ສອງພັກ ແລະ ສອງປະເທດ ພວກຂ້າພະເຈົ້າ ຊຶ່ງບັນດາອະດີດຜູ້ນຳໄດ້ສ້າງຕັ້ງຂື້ນ ຈະສືບຕໍ່ໄດ້ຮັບການເສີມຂະຫຍາຍຢ່າງບໍ່ມີການປ່ຽນແປງ ໂດຍຄວາມພະຍາຍາມຮ່ວມກັນ ແລະ ຂໍອວຍພອນໄຊຢ່າງສຸດອົກສຸດໃຈ ໃຫ້ ສະຫາຍ ຈົ່ງມີສຸຂະພາບແຂງແຮງ, ມີຄວາມຜາສຸກ ແລະ ປະສົບຜົນສຳເລັດອັນຍິ່ງໃຫ່ຍກວ່າເກົ່າ ໃນພາລະໜ້າທີ່ຮັບຜິດຊອບ ຂອງສະຫາຍ.
ກິມ ເຈິງ ອຸນ
ປະທານພັກແຮງງານເກົາຫລີ
ປະທານຂອງຄະນະກໍາມາທິການກິດຈະການແຫ່ງລັດ
ແຫ່ງສາທາລະນະລັດ ປະຊາຊົນ ປະຊາທິປະໄຕເກົາຫຼີ
ຜູ້ບັນຊາການສູງສຸດ ຂອງ ກອງທັບປະຊາຊົນເກົາຫຼີ
ວັນທີ 2 ທັນວາ, ປີ ຈຸດເຊ 107(2018)
ນະຄອນຫຼວງພຽງຢາງ
ສະຫາຍ ທອງລຸນ ສີສຸລິດ,
ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.
ເນື່ອງໃນໂອກາດ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 43 ປີ, ຂ້າພະເຈົ້າ ຂໍສົ່ງຄຳຊົມເຊີຍ ອັນອົບອຸ່ນ ມາຍັງ ສະຫາຍ ແລະ ໂດຍຜ່ານສະຫາຍໄປຍັງ ລັດຖະບານ ແລະ ປະຊາຊົນລາວ ທີ່ເປັນໄມຕີຈິດມິດຕະພາບ.
ຂ້າພະເຈົ້າ ມີຄວາມປິຕິຊົມຊື່ນທີ່ເຫັນວ່າ ພາບໃຕ້ການຊີ້ນຳໆພາອັນຖືກຕ້ອງ ຂອງພັກປະຊາຊົນປະຕິວັດລາວ, ລັດຖະບານ ແລະ ປະຊາຊົນລາວ ໄດ້ບັນລຸຜົນສຳເລັດ ອັນໃຫ່ຍຫຼວງ ໃນການສູ້ຊົນ ເພື່ອຈັດຕັ້ງປະຕິບັດ ມະຕິກອງປະຊຸມໃຫ່ຍຄັ້ງທີ່ 10 ຂອງພັກ ແລະ ແຜນພັດທະນາເສດຖະກິດ-ສັງຄົມ ໄລຍະ 5 ປີ ຄັ້ງທີ 8.
ໃນໂອກາດນີ້, ຂ້າພະເຈົ້າ ເຊື່ອໝັ້ນວ່າ ສາຍພົວພັນ ມິດຕະພາບ ແລະ ການຮ່ວມມື ທີ່ເປັນມູນເຊື້ອອັນດີງາມ ລະຫວ່າງ ສອງປະເທດ ພວກຂ້າພະເຈົ້າ ຈະສືບຕໍ່ໄດ້ຮັບການເສີມຂະຫຍາຍ ກວ່າເກົ່າ ໃນຫຼາຍດ້ານ ແລະ ຂໍອວຍພອນ ໃຫ້ ສະຫາຍ ຈົ່ງມີ ສຸຂະພາບແຂງແຮງ, ມີຄວາມຜາສຸກ ແລະ ປະສົບຜົນສຳເລັດ ອັນຍິ່ງໃຫ່ຍກວ່າເກົ່າ ໃນພາລະໜ້າທີ່ຂອງສະຫາຍ ເພື່ອພັດທະນາປະເທດຊາດ.
ປາກ ບົງ ຈູ
ນາຍົກລັດຖະມົນຕີ
ແຫ່ງ ສາທາລະນະລັດ ປະຊາຊົນ ປະຊາທິປະໄຕເກົາຫຼີ
ວັນທີ 2 ທັນວາ, ປີ ຈຸດເຊ 107(2018)
ນະຄອນຫຼວງພຽງຢາງ
ນະຄອນຫຼວງວຽງຈັນ
ສະຫາຍ ສະເຫຼີມໄຊ ກົມມະສິດ,
ລັດຖະມົນຕີກະຊວງການຕ່າງປະເທດ
ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.
ເນື່ອງໃນໂອກາດ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 43 ປີ, ຂ້າພະເຈົ້າ ຂໍສົ່ງຄຳຊົມເຊີຍ ອັນອົບອຸ່ນ ມາຍັງ ສະຫາຍ.
ຂ້າພະເຈົ້າມີຄວາມປິຕິຊົມຊື່ນທີ່ເຫັນວ່າ ປະເທດພວກສະຫາຍໄດ້ບັນລຸຜົນສຳເລັດອັນໃຫ່ຍຫຼວງ ເຂົ້າໃນການພັດທະນາເສດຖະກິດແຫ່ງປະເທດຊາດ ແລະ ການເສີມຂະຫຍາຍສາຍພົວພັນກັບຕ່າງປະເທດໃນຂອບຫຼາຍຝ່າຍ.
ໃນໂອກາດນີ້, ຂ້າພະເຈົ້າ ເຊື່ອໝັ້ນວ່າ ສາຍພົວພັນ ມິດຕະພາບ ແລະ ການຮ່ວມມື ທີ່ມີມູນເຊື້ອ ແລະ ປະຫວັດສາດອັນຍາວນານ ລະຫວ່າງ ສອງປະເທດ ພວກເຮົາ ຈະສືບຕໍ່ໄດ້ຮັບການເສີມຂະຫຍາຍໂດຍຄວາມພະຍາຍາມ ແລະ ການຮ່ວມມືອັນໃກ້ຊິດ ລະຫວ່າງ ສອງກະຊວງການຕ່າງປະເທດ ແລະ ຂໍອວຍພອນ ໃຫ້ສະຫາຍ ຈົ່ງມີສຸຂະພາບແຂງແຮງ, ມີຄວາມຜາສຸກ ແລະ ປະສົບຜົນສຳເລັດ ອັນຍິ່ງໃຫ່ຍກວ່າເກົ່າ ໃນພາລະໜ້າທີ່ຮັບຜິດຊອບຂອງສະຫາຍ.
ຣີ ຢອງ ໂຮ
ລັດຖະມົນຕີ ກະຊວງການຕ່າງປະເທດ
ແຫ່ງ ສາທາລະນະລັດ ປະຊາຊົນ ປະຊາທິປະໄຕເກົາຫຼີ
ວັນທີ 2 ທັນວາ, ປີ ຈຸດເຊ 107(2018)
ນະຄອນຫຼວງພຽງຢາງ