ນະ​ຄອນ​ຫຼວງວຽງ​ຈັນ, 07 ມິຖຸນາ 2019

​ສົມ​ເດັດ ພ​ະ​ຣາ​ຊິ​ນີ,

ເນື່ອງໃນ​ໂອ​ກາດ​ວັນ​ຊາດ ແຫ່ງ ສະ​ຫະ​ຣາ​ຊະ​ອາ​ນາ​ຈັກ ​ອັງ​ກິດ ແລະ ອຽກ​ລັງ​ເໜືອ, ໃນ​ນາມ​ປະ​ຊາ​ຊົນ​ລາວ​ທຸກ​ຖ້ວນ​ໜ້າ ແລະ ໃນ​ນາມ​ສ່ວນ​ຕົວ, ຂ້າ​ພະ​ເຈົ້າຂໍຖື​ເປັນ​ກຽດ​ສົ່ງ​ຄຳ​ຊົມ​ເຊີຍ​ອັນ​ອົບ​ອຸ່ນ ແລະ ຄຳ​ອວຍ​ພອນອັນ​ປະ​ເສີດ​ ມາ​ຍັງ​ສົມ​ເດັດ ພ​ະ​ຣາ​ຊິ​ນີ ຈົ່ງ​ມີ​ພາ​ລະ​ນາ​ໄມ​ສົມ​ບູນ ແລະ ​ປະ​ຊາ​ຊົນ ສະ​ຫະ​ຣາ​ຊະ​ອາ​ນາ​ຈັກ ອັງ​ກິດ ແລະ ອຽກ​ລັງ​ເໜືອ​​ທຸກ​ຖ້ວນ​ໜ້າ ຈົ່ງ​ມີ​​ແຕ່​ຄວາມ​ຜາ​ສຸກ ແລະ ຈະ​ເລີນ​ຮຸ່ງ​ເຮືອງຕະ​ຫຼອດ​ກາ​ລະ​ນານ.

ຂ້າ​ພະ​ເຈົ້າເຊື່ອໝັ້ນວ່າສາຍ​ພົວ​ພັນ​ມິ​ດຕະ​ພາບແລະການ​ຮ່ວມ​ມື ລະ​ຫວ່າງ ສ​າ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ແລະ ສະ​ຫະ​ຣາ​ຊະ​ອາ​ນາ​ຈັກ​ອັງ​ກິດ ແລະ ອຽກ​ລັງ​ເໜືອ ຈະ​ສືບ​ຕໍ່​ໄດ້​ຮັບ​ການ​ຮັດ​ແໜ້ນແລະ​ເສີມ​ຂະ​ຫຍາຍ​ໃຫ້​ແຕກ​ດອກ​ອອກ​ຜົນ​ຍິ່ງໆ​ຂຶ້ນເພື່ອ​ຜົນ​ປະ​ໂຫຍດ​ຂອງປະ​ຊາ​ຊົນ​ສອງ​ຊາດ​ພວກ​ເຮົາ.

                            ດ້ວຍ​ຄວາມ​ນັບ​ຖື​ຢ່າງ​ສູງ,

         ບຸນ​ຍັງ ວໍ​ລະ​ຈິດ

ສົມ​ເດັດ ພ​ະ​ຣາ​ຊິ​ນີ ເອ​ລີ​ຊາ​ເບດ ທີ II

ແຫ່ງ ສະ​ຫະ​ຣາ​ຊະ​ອາ​ນາ​ຈັກ ອັງ​ກິດ ແລະ ອຽກ​ລັງ​ເໜືອ

​ທີ່ ລອນດອນ

ພະ​ນະ​ທ່ານ,

          ເນື່ອງໃນໂອກາດວັນຊາດ ແຫ່ງ ສະ​ຫະ​ຣາ​ຊະ​ອາ​ນາ​ຈັກ​ອັງ​ກິດ ແລະ ອຽກ​ລັງ​ເໜືອ, ໃນນາມລັດຖະ ບານແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍຖືເປັນກຽດ ສົ່ງຄໍາຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງ ​ພະ​ນະ​ທ່ານ ແລະ ພະ​ນັກ​ງານ​ທຸກ​ຄົນ​ໃນ​ກະ​ຊວງ​ການ​ຕ່າງ​ປະ​ເທດ ຈົ່ງມີສຸ​ຂະ​ພາບ​ເຂັ້ມ​ແຂງ ແລະ ພາລະນາໄມສົມບູນ.

ຂ້າພະເຈົ້າ ເຊື່ອໝັ້ນວ່າສາຍພົວພັນມິດຕະພາບ ແລະ ການຮ່ວມມື​ອັນ​ຍາວ​ນານ​ທີ່​ດີ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສະ​ຫະ​ຣາ​ຊະ​ອາ​ນາ​ຈັກ​ອັງ​ກິດ ແລະ ອຽກ​ລັງເໜືອ ຈະສືບຕໍ່ໄດ້ຮັບການ​ຮັດ​ແໜ້ນ ແລະ ເລິກ​ເຊິ່ງຍິ່ງໆ​ຂຶ້ນ ທັງ​ໃນ​ຂອບ​ສອງ​ຝ່າຍ ແລະ ຫຼາຍ​ຝ່າຍ ເພື່ອຜົນປະໂຫຍດ ຮ່ວມກັນຂອງສອງປະເທດພວກເຮົາ, ​ກໍ​ຄື​ເພື່ອສັນຕິພາບ, ສະຖຽນນະພາບ ແລະ ການຮ່ວມມື ເພື່ອການພັດທະນາແບບຍືນຍົງໃນພາກພື້ນ​ຂອງ​ພວກ​ເຮົາ ແລະ ​ໃນທົ່ວ​ໂລກ.

   ດ້ວຍຄວາມນັບຖືຢ່າງສູງ,

ສະ​ເຫຼີ​ມ​ໄຊ​ ກົມ​ມະ​ສິດ

ທ່ານ ເຈ​ລະ​ມີ ຮັນ

ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ

ແຫ່ງ ສະ​ຫະ​ຣາ​ຊະ​ອາ​ນາ​ຈັກ ອັງ​ກິດ ແລະ ອຽກ​ລັງ​ເໜືອ

​ທີ່ ລອນດອນ