ພະນະທ່ານ,

​     ຂ້າພະເຈົ້າ ຂໍສະແດງຄວາມເສົ້າສະຫລົດໃຈຢ່າງສຸດຊຶ້ງ ທີ່ໄດ້ຮັບຂ່າວການຈາກໄປຂອງ ພະນະທ່ານ ບາຣາຮຸດິນ ຢູຊຸບ ຮາບີບີ, ປະທານາທິບໍດີ ຄົນທີ 3 ຂອງ ສາທາລະນະລັດ ອິນໂດເນເຊຍ, ໃນວັນທີ 11 ກັນຍາ 2019.   

      ໃນນາມລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍຄື ໃນນາມສ່ວນຕົວ, ຂ້າພະເຈົ້າ ຂໍສົ່ງຄວາມໄວ້ອາໄລຢ່າງສຸດຊຶ້ງ ແລະ ແບ່ງປັນຄວາມໂສກເສົ້າມາຍັງ ຄອບຄົວຂອງ ພະນະທ່ານ ບາຣາຮຸດິນ ຢູຊຸບ ຮາບີບີ, ລັດຖະບານ ແລະ ປະຊາຊົນອິນໂດເນເຊຍ ມານະໂອກາດນີ້ດ້ວຍ.

      ຂໍໃຫ້ດວງວິນຍານຂອງ ພະນະທ່ານ ບາຣາຮຸດິນ ຢູຊຸບ ຮາບີບີ ຈົ່ງໄປສູ່ສຸກຂະຕິ.

                                                   ບຸນຍັງ ວໍລະຈິດ

                                                   ປະທານປະເທດ

                                              ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ ໂຈໂກ ວີໂດໂດ

ປະທານາທິບໍດີ ແຫ່ງ ສາທາລະນະລັດ ອິນໂດເນເຊຍ

ທີ່ ຈາກາຕາ