ນະຄອນຫລວງ​ວຽງ​ຈັນ,ວັນ​ທີ 26 ມິຖຸນາ 2020

ພະນະ​ທ່ານ,

​ເນື່ອງ​ໃນ​ໂອກາດ​ວັນຊາດ ​ແຫ່ງສາທາລະນະລັດ ມາດາກາສະກາ ຄົບຮອບ 60ປີ,ຂ້າພະ​ເຈົ້າ ມີ​ຄວາມ​ຍິນດີ​ເປັນ​ຢ່າງ​ຍິ່ງ ສົ່ງ​ຄຳ​ຊົມ​ເຊີຍ​ອັນ​ອົບ​ອຸ່ນ​ມາ​ຍັງ ພະນະ​ທ່ານ ແລະ ປະຊາຊົນ ມາດາກາສະກາທຸກຖ້ວນໜ້າ. ​

ປີ 2020 ເປັນປີຄົບຮອບ 40 ປີ ແຫ່ງການສ້າງຕັ້ງສາຍພົວພັນການທູດ ລະຫວ່າງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ​ແລະ ສາທາລະນະລັດ ມາດາກາສະກາ. ຂ້າພະເຈົ້າ ຫວັງວ່າ ຈະໄດ້ຮ່ວມເຮັດວຽກກັບພະນະທ່ານຢ່າງໃກ້ຊິດ ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມ ທີ່ມີມາລະຫວ່າງສອງປະເທດພວກເຮົາ ກໍຄືສອງກະຊວງການຕ່າງປະເທດ ໃຫ້ຂະຫຍາຍຕົວ ແລະ ເຂັ້ມແຂງຍິ່ງໆຂຶ້ນໃນຊຸມປີຕໍ່ໜ້າ ເພື່ອຜົນປະໂຫຍດຮ່ວມກັນຂອງ ປະຊາຊົນສອງຊາດ ກໍຄືສອງກະຊວງການຕ່າງປະເທດພວກເຮົາ.

ຂ້າພະ​ເຈົ້າ ຂໍ​ຖື​ໂອກາດ​ອັນສະຫງ່າລາສີນີ້ອວຍພອນໄຊໃຫ້ ພະນະ​ທ່ານ ຈົ່ງ​ມີ​ສຸຂະພາບ​ເຂັ້ມ​ແຂງ,ມີ​ຄວາມຜາສຸກ ປະສົບຜົນສຳເລັດໃນໜ້າທີ່ອັນມີກຽດສູງສົ່ງ ຂອງພະນະທ່ານ ແລະ ຂໍໃຫ້ປະຊາຊົນ ມາດາກາສະກາ ຈົ່ງສືບຕໍ່ມີຄວາມກ້າວໜ້າ ແລະ ຈະເລີນຮຸ່ງເຮືອງ.

ດ້ວຍ​ຄວາມ​ນັບຖື​ຢ່າງ​ສູງ.

ສະ​ເຫລີ​ມ​ໄຊ ກົມມະ​ສິດ

ລັດຖະມົນຕີ​ກະຊວງ​ການ​ຕ່າງປະ​ເທດ

ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ

ພະນະ​ທ່ານ​ ດຣ. ດີຈາໂກບາ ລີວາ ເທອິນດາຊານອາລິເວໂລ

ລັດຖະມົນຕີກະຊວງການ​ຕ່າງປະ​ເທດ

ແຫ່ງ ສາທາລະນະລັດ ມາດາກາສະກາ

ທີ່ ອານຕານາຣີໂວ