ສະຫາຍ ຫລີ ເຄີ້ສຽງ,

ນາຍົກລັດຖະມົນຕີ

ແຫ່ງ ສາທາລະນະລັດ ປະຊາຊົນຈີນ                        

                                                                         ທີ່ ນະຄອນຫຼວງປັກກິ່ງ

ສະຫາຍ ທີ່ນັບຖື,

        ຂ້າພະເຈົ້າ ໄດ້ຮັບຂ່າວດ້ວຍຄວາມເສົ້າສະຫລົດໃຈ ຕໍ່ໄພທຳມະຊາດ ທີ່ເຮັດໃຫ້ເກີດມີລົມພະ ຍຸ, ຝົນຕົກໜັກ, ນໍ້າຖ້ວມ, ພູເຊາະເຈື່ອນຢູ່ຫລາຍແຂວງຂອງ ສປ ຈີນ ເປັນຕົ້ນແມ່ນຢູ່ ເຈິຈ່ຽງ, ອ່ານຮຸ້ຍ, ຫູເປີຍ, ຫູໜານ, ກວງຕຸ່ງ, ກວງຊີ່, ສົງຊິງ, ເສສວນ, ກຸຍໂຈ່ ແລະ ແຂວງອື່ນໆ ລວມ 27 ເຂດ, ອັນໄດ້ເຮັດໃຫ້ມີຜູ້ເສຍຊີວິດ ແລະ ບາດເຈັບເປັນຈຳນວນຫລາຍ, ສ້າງຄວາມເສຍຫາຍໃຫຍ່ຫລວງ ຕໍ່ຊີວິດ ແລະ ຊັບສິນ ຂອງປະຊາຊົນຈີນ ໃນເຂດດັ່ງກ່າວ.

        ໃນນາມພັກ, ລັດຖະບານ ແລະ ປະຊາຊົນລາວ ກໍຄືໃນນາມສ່ວນຕົວ, ຂ້າພະເຈົ້າຂໍສະແດງຄວາມເຫັນອົກເຫັນໃຈ ແລະ ເສົ້າສະຫຼົດໃຈຢ່າງສຸດຊຶ້ງ ມາຍັງສະຫາຍ ແລະ ຜ່ານສະຫາຍ ໄປຍັງພັກ, ລັດຖະບານ ແລະ ປະຊາຊົນຈີນ ອ້າຍນ້ອງ ໂດຍສະເພາະຄອບຄົວຜູ້ປະສົບເຄາະຮ້າຍໃນຄັ້ງນີ້ດ້ວຍ.

          ຂ້າພະເຈົ້າເຊື່ອໝັ້ນຢ່າງໜັກແໜ້ນວ່າ ພາຍໃຕ້ການ ຊີ້ນໍາ ນໍາພາ ແລະ ດ້ວຍຄວາມເອົາໃຈໃສ່ຊ່ວຍເຫຼືອຢ່າງໃກ້ຊິດ ຂອງບັນດາສະຫາຍການນຳຂັ້ນສູນກາງ ກໍຄືອໍານາດການປົກຄອງທ້ອງຖິ່ນ, ສປ ຈີນ ຈະສາມາດຜ່ານຜ່າຄວາມຫຍຸ້ງຍາກໃນຄັ້ງນີ້ ແລະ ສາມາດຟື້ນຟູສະພາບການ ໃຫ້ກັບຄືນສູ່ຄວາມປົກກະຕິໂດຍໄວ.

                                             ນະຄອນຫຼວງວຽງຈັນ, ວັນທີ 13 ກໍລະກົດ 2020

                                                                ທອງລຸນ ສີສຸລິດ

                                                               ນາຍົກລັດຖະມົນຕີ

                                                 ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ