ນະຄອນຫລວງວຽງຈັນ, ວັນທີ 10 ກັນຍາ 2020
ສະຫາຍ ກິມ ດົກ ຮຸນ ທີ່ຮັກແພງ,
ຂ້າພະເຈົ້າ ໄດ້ຮັບຂ່າວດ້ວຍຄວາມເສົ້າສະຫລົດໃຈວ່າ ໃນຕົ້ນເດືອນກັນຍານີ້ ໄດ້ມີລົມພະຍຸໃຕ້ຝຸ່ນລູກທີ່ 9 ພັດເຂົ້າບັນດາແຂວງພາກຕາເວັນອອກຂອງ ສປປ ເກົາຫຼີ ເປັນຕົ້ນ ແຂວງ ກັງວອນ, ແຂວງ ຮຳກຽງໃຕ້ ແລະ ແຂວງອື່ນໆ, ຊຶ່ງໄດ້ເຮັດໃຫ້ມີຜູ້ເສຍຊີວິດ ແລະ ສ້າງຄວາມເສຍຫາຍ ຕໍ່ຊັບສິນຂອງປະຊາຊົນ ສປປ ເກົາຫຼີ ອ້າຍນ້ອງເປັນຈຳນວນຫຼວງຫຼາຍ.
ໃນນາມພັກ, ລັດຖະບານ ແລະ ປະຊາຊົນລາວ ກໍຄືໃນນາມສ່ວນຕົວ, ຂ້າພະເຈົ້າ ຂໍສະແດງຄວາມເຫັນອົກເຫັນໃຈ ຢ່າງສຸດຊຶ້ງ ມາຍັງສະຫາຍ ແລະ ຜ່ານສະຫາຍ ໄປຍັງພັກ, ລັດຖະບານ ແລະ ປະຊາຊົນ ສປປ ເກົາຫຼີ ອ້າຍນ້ອງ ໂດຍສະເພາະຄອບຄົວຜູ້ປະສົບເຄາະຮ້າຍ ຈາກໄພທຳມະຊາດໃນຄັ້ງນີ້ດ້ວຍ.
ຂ້າພະເຈົ້າ ເຊື່ອໝັ້ນຢ່າງໜັກແໜ້ນວ່າ ພາຍໃຕ້ການ ຊີ້ນໍາ-ນໍາພາ ແລະ ດ້ວຍຄວາມເອົາໃຈໃສ່ຊ່ວຍເຫຼືອຢ່າງໃກ້ຊິດ ຂອງສະຫາຍ ກໍ່ຄື ການນຳຂັ້ນສູນກາງ ແລະ ອໍານາດການປົກຄອງທ້ອງຖິ່ນ, ສປປ ເກົາຫຼີ ຈະສາມາດຜ່ານຜ່າຄວາມຫຍຸ້ງຍາກໃນຄັ້ງນີ້ ແລະ ສາມາດຟື້ນຟູສະພາບໃຫ້ກັບຄືນສູ່ຄວາມປົກກະຕິໂດຍໄວ.
ດ້ວຍຄວາມນັບຖືຢ່າງສູງ,
ທອງລຸນ ສີສຸລິດ
ນາຍົກລັດຖະມົນຕີ
ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ສະຫາຍ ກິມ ດົກ ຮຸນ,ນາຍົກລັດຖະມົນຕີ
ແຫ່ງ ສາທາລະນະລັດ ປະຊາຊົນ ປະຊາທິປະໄຕ ເກົາຫຼີ
ທີ່ ນະຄອນຫລວງພຽງຢາງ.