ພະນະທ່ານ ທອງລຸນ ສີສຸລິດ

ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ນະຄອນຫຼວງວຽງຈັນ

ພະນະທ່ານ,

ຕາງໜ້າລັດຖະບານ ແຫ່ງ ສະຫະພັນ ຣັດເຊຍ ແລະ ໃນນາມສ່ວນຕົວ, ຂ້າພະເຈົ້າ ມີຄວາມປິຕິຍິນດີສົ່ງຄໍາຊົມເຊີຍອັນຈິງໃຈມາຍັງ ພະນະທ່ານ ເນື່ອງໃນໂອກາດຄົບຮອບ 60 ປີ ແຫ່ງການສ້າງຕັ້ງສາຍພົວພັນການທູດ ລະຫວ່າງ ສ. ຣັດເຊຍ ແລະ ສປປ ລາວ.

ຂ້າພະເຈົ້າ ຂໍຢືນຢັນອີກເທື່ອໜຶ່ງວ່າການພົວພັນຮ່ວມມື ຣັດເຊຍ-ລາວ ແມ່ນບົນພື້ນຖານມູນເຊື້ອມິດຕະພາບອັນແໜ້ນແຟ້ນ, ເຄົາລົບນັບຖື ແລະ ສະໜັບສະໜູນເຊິ່ງກັນແລະກັນ. ຕະຫຼອດໃນໄລຍະ 6 ທົດສະວັດຜ່ານມາ ການພົວພັນສອງຝ່າຍໄດ້ກ້າວຂຶ້ນສູ່ລະດັບການເປັນຄູ່ຮ່ວມມືຍຸດທະສາດນໍາກັນ. ການພົວ ພັນຮ່ວມມືທາງດ້ານເສດຖະກິດ ແລະ ການຄ້າ, ວິທະຍາສາດ ແລະ ເຕັກນິກ ແລະ ມະນຸດສະທໍາ ໄດ້ຂະ ຫຍາຍຕົວຢ່າງກວ້າງຂວາງ, ບັນດາໂຄງການຮ່ວມມືຂະໜາດໃຫຍ່ແມ່ນກໍາລັງໄດ້ຮັບການຈັດຕັ້ງປະຕິບັດ.

ຂ້າພະເຈົ້າ ເຊື່ອໝັ້ນວ່າ ການເຮັດວຽກທີ່ຫ້າວຫັນໃນລະດັບລັດຖະບານ ຈະສືບຕໍ່ສ້າງເງື່ອນໄຂທີ່ເອື້ອອໍານວຍເພື່ອສົ່ງເສີມຂໍ້ລິເລີ່ມໃໝ່ຕ່າງໆທີ່ຕ່າງຝ່າຍຕ່າງມີຜົນປະໂຫຍດໃນຫຼາຍຂົງເຂດ. ສິ່ງດັ່ງກ່າວນັ້ນຈະຕອບສະໜອງຜົນປະໂຫຍດຂອງສອງປະເທດ ຣັດເຊຍ ແລະ ລາວ.

ຂ້າພະເຈົ້າ ຂໍອວຍພອນໃຫ້ ພະນະທ່ານ ທອງລຸນ ສີສຸລິດ ຈົ່ງມີສຸຂະພາບເຂັ້ມແຂງ, ພະລານາໄມສົມບູນ ແລະ ປະສົບຜົນສໍາເລັດທຸກປະການ ກໍ່ຄືໃຫ້ປະຊາຊົນລາວ ຈົ່ງມີແຕ່ຄວາມຜາສຸກ ແລະ ຈະເລີນຮຸ່ງເຮືອງ.

ດ້ວຍຄວາມນັບຖືຢ່າງສູງ,

ມິຄາອິລ ມິດຊູສຕິນ

ນາຍົກລັດຖະມົນຕີ ແຫ່ງ ສະຫະພັນ ຣັດເຊຍ

ມົດສະກູ, ວັນທີ 7 ຕຸລາ 2020

------------------------------------------------

ພະນະທ່ານ ສະເຫຼີມໄຊ ກົມມະສິດ

ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ນະຄອນຫຼວງວຽງຈັນ

ພະນະທ່ານ,

ຂ້າພະເຈົ້າ ຂໍສົ່ງຄໍາຊົມເຊີຍອັນຈິງໃຈມາຍັງ ພະນະທ່ານ ເນື່ອງໃນໂອກາດຄົບຮອບ 60 ປີ ແຫ່ງການສ້າງຕັ້ງສາຍພົວພັນການທູດ ລະຫວ່າງ ຣັດເຊຍ ແລະ ລາວ.

ຕະຫຼອດໄລຍະ 6 ທົດສະວັດຜ່ານມາ ສອງປະເທດພວກເຮົາ ໄດ້ຮັບຜົນສໍາເລັດອັນໃຫຍ່ຫລວງສົມຄວນໃນການພັດທະນາສາຍພົວພັນມິດຕະພາບອັນເປັນມູນເຊື້ອ ແລະ ການເປັນຄູ່ຮ່ວມມືໃນຫຼາຍດ້ານເຊິ່ງມີລັກສະນະຍຸດທະສາດນໍາກັນ ແລະ ກໍາລັງໄດ້ຮັບການສືບຕໍ່ເສີມຂະຫຍາຍໃຫ້ເຂັ້ມແຂງຢ່າງບໍ່ຢຸດຢັ້ງ.

ພວກຂ້າພະເຈົ້າ ຮັບຮູ້ການປະສານງານທີ່ເຂັ້ມແຂງ ກ່ຽວກັບ ການເຄື່ອນໄຫວ ແລະ ການສະໜັບສະໜູນເຊິ່ງກັນແລະກັນ ໃນເວທີພາກພື້ນ ແລະ ສາກົນ, ເຊິ່ງສອງກະຊວງຂອງພວກເຮົາໄດ້ບັນລຸ, ອັນໄດ້ເຮັດໃຫ້ພວກເຮົາສາມາດປົກປ້ອງຜົນປະໂຫຍດຮ່ວມກັນຂອງສອງປະເທດໄດ້ຢ່າງມີປະສິດທິຜົນ, ປົກປັກຮັກສາຄວາມໝັ້ນຄົງ, ສະຖຽນລະພາບ ແລະ ກົດໝາຍສາກົນ, ທັງຢູ່ໃນຂົງເຂດອາຊີ-ປາຊີຟິກ ແລະ ໃນທົ່ວໂລກໂດຍລວມ.

ຂ້າພະເຈົ້າ ຂໍອວຍພອນຢ່າງສຸດອົກສຸດໃຈໃຫ້ ພະນະທ່ານ ແລະ ເພື່ອນຮ່ວມງານໝົດທຸກຄົນຈາກກະຊວງການຕ່າງປະເທດຂອງລາວ ຈົ່ງມີສຸຂະພາບເຂັ້ມແຂງ ແລະ ປະສົບຜົນສໍາເລັດອັນໃໝ່.

ດ້ວຍຄວາມນັບຖືຢ່າງສູງ,

ເຊີຣເກ ລາວະຣົບ

ລັດຖະມົນຕີກະຊວງການຕ່າງປະເທດ ແຫ່ງ ສະຫະພັນ ຣັດເຊຍ

ມົດສະກູ, ວັນທີ 7 ຕຸລາ 2020