ພະນະທ່ານ ປ.ອ ທອງລຸນ ສີສຸລິດ
ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ພະນະທ່ານ ປະທານປະເທດ,
ໃນນາມປະຊາຊົນ ແຫ່ງ ຣາຊະອານາຈັກກໍາປູເຈຍ ແລະ ໃນນາມສ່ວນຕົວ ຂ້າພະເຈົ້າ ມີຄວາມພາກພູມໃຈ ແລະ ສະແດງຄວາມຊົມເຊີຍ ມາຍັງພະນະທ່ານ ທີ່ໄດ້ຮັບການເລືອກຕັ້ງ ເປັນປະທານປະເທດ ແຫ່ງ ສາທາລະ ນະລັດ ປະຊາທິປະໄຕ ປະຊາຊົນລາວ ໃນກອງປະຊຸມຄັ້ງປະຖົມມະລຶກຂອງສະພາສະໄໝທີ 9 ໃນວັນທີ 22 ມີນາ 2021.
ຂ້າພະເຈົ້າ ມີຄວາມເຊື່ອໝັ້ນຢ່າງໜັກແໜ້ນວ່າ: ພາຍໃຕ້ການນໍາພາອັນສະຫຼາດສ່ອງໃສຂອງພະນະທ່ານ ສາທາລະນະລັດ ປະຊາທິປະໄຕ ປະຊາຊົນລາວ ຈະໄດ້ຮັບໄຊຊະນະ, ມີການພັດທະນາຈະເລີນຮຸ່ງເຮືອງໃນທຸກດ້ານ ແລະ ຮັກສາໄດ້ ບົດບາດທີ່ສໍາຄັນໃນພາກພື້ນ ແລະ ສາກົນໂລກ.
ຂ້າພະເຈົ້າ ຫວັງວ່າ ປະຊາຊົນສອງຊາດພວກເຮົາ ຣາຊະອານາຈັກກໍາປູເຈຍ ແລະ ສາທາລະນະລັດ ປະຊາທິປະໄຕ ປະຊາຊົນລາວ ຈະສືບຕໍ່ຮັດແໜ້ນສາຍພົວພັນມິດຕະພາບໃຫ້ໃກ້ຊິດຍິ່ງຂື້ນ ແລະ ສືບຕໍ່ຮັກສາສັນຕິພາບ, ສະຖຽນລະພາບ ການຮ່ວມມື ແລະ ການພັດທະນາປະເທດຊາດ ໃຫ້ດີຍິ່ງໆຂຶ້ນ.
ຂ້າພະເຈົ້າ ຂໍອວຍພອນມາຍັງພະນະທ່ານ ຈົ່ງມີຄວາມຜາສຸກ ແລະ ປະສົບຜົນສໍາເລັດໃນພາລະກິດຮັບໃຊ້ປະເທດຊາດ ແລະ ປະຊາຊົນລາວ ອັນສູງສົ່ງຂອງພະນະທ່ານ.
ດ້ວຍຄວາມນັບຖືຢ່າງສຸງ,
ພະກະລຸນາ ພະບາດສົມເດັດ ພະບໍລົມມະນຽດ ໂນໂຣດົມ ສີຫາມຸນີ
ພະມະຫາກະສັດ ແຫ່ງ ຣາຊະອານາຈັກ ກໍາປູເຈຍ
ວັນທີ 24 ມີນາ 2021
-----------------------------------------------------
ພະນະທ່ານ ສະເຫຼີມໄຊ ກົມມະສິດ
ລັດຖະມົນຕີກະຊວງການຕ່າງປະເທດແຫ່ງ ສາທາລະນະລັດ ປະຊາທິປະໄຕປະຊາຊົນລາວ
ນະຄອນຫຼວງວຽງຈັນ
ພະນະທ່ານ,
ຂ້າພະເຈົ້າ ຂໍສະແດງຄວາມຊົມເຊີຍອັນອົບອຸ່ນມາຍັງ ພະນະທ່ານ ທີ່ໄດ້ຮັບການແຕ່ງຕັ້ງອີກສະໄໝໜຶ່ງໃຫ້ເປັນລັດຖະມົນຕີຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.
ພະນະທ່ານ ໄດ້ຮັບການແຕ່ງຕັ້ງໃຫ້ດໍາລົງຕໍາແໜ່ງລັດຖະມົນຕີຕ່າງປະເທດ ອີກສະໄໝໜຶ່ງ ສະແດງໃຫ້ເຫັນເຖິງຄວາມຮັບຮູ້ ແລະ ຄວາມໄວ້ວາງໃຈຂອງຜູ້ນໍາທີ່ມີ ຕໍ່ການຄຸ້ມຄອງ, ຄວາມສາມາດ ແລະ ຜົນສໍາເລັດທີ່ປະຈັກຕາຂອງພະນະທ່ານໃນການປົກປ້ອງຜົນປະໂຫຍດ ແລະ ກຽດສັກສີຂອງຊາດລາວໃນເວທີພາກພື້ນ ແລະ ສາກົນ.
ບົດຈິດໃຈແຫ່ງການພົວພັນມິດຕະພາບທີ່ມີມາ, ເພື່ອນບ້ານທີ່ດີ ແລະ ອ້າຍນ້ອງທີ່ດີ, ກໍາປູເຈຍ ແລະ ລາວ ມີສາຍພົວພັນ ແລະ ການຮ່ວມມືອັນໃກ້ຊິດທີ່ດີ ໃນຫຼາຍຂົງເຂດ. ຂ້າພະເຈົ້າ ຂໍຢືນຢັນຢ່າງໜັກແໜ້ນ ທີ່ຈະສືບຕໍ່ຮ່ວມເຮັດວຽກຢ່າງໃກ້ຊິດກັບ ພະນະທ່ານ ເພື່ອສືບຕໍ່ຮັດແໜ້ນສາຍພົວພັນທີ່ດີ ແລະ ຊຸກຍູ້ການຮ່ວມມືທີ່ມີມາໃຫ້ໄດ້ຮັບ ໝາກຜົນຕົວຈິງ ເພື່ອຜົນປະໂຫຍດຂອງປະຊາຊົນສອງຊາດຂອງພວກເຮົາ ກໍຄືການຮັກສາ ສັນຕິພາບ, ສະຖຽນລະພາບ ແລະ ຄວາມຈະເລີນຮຸ່ງເຮືອງຂອງປະຊາຄົມອາຊຽນ ແລະ ໃນໂລກ.
ຂ້າພະເຈົ້າ ຂໍອວຍພອນໄຊໃຫ້ພະນະທ່ານ ຈົ່ງມີສຸຂະພາບເຂັ້ມແຂງ ແລະ ປະສົບຜົນສໍາເລັດໃນໜ້າທີ່ວຽກງານອັນມີກຽດສູງສົ່ງຂອງພະນະທ່ານ.
ດ້ວຍຄວາມນັບຖືຢ່າງສຸງ,
ປຣາກ ໂຊຄົນ
ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ແລະ ການຮ່ວມມືສາກົນ
ພະນົມເປັນ, ວັນທີ 26 ມີນາ 2021