ພະນະທ່ານ ທອງລຸນ ສີສຸລິດ,

ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ທີ່ ນະຄອນຫຼວງວຽງຈັນ.

ໃນໂອກາດສຳຄັນທີ່ພະນະທ່ານ ໄດ້ຮັບການເລືອກຕັ້ງ ໃຫ້ດຳລົງຕຳແໜ່ງປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຂ້າພະເຈົ້າ ໃນນາມຂອງປະຊາຊົນໄທ ຂໍສົ່ງພອນໄຊອັນປະເສີດ ແລະ ຄວາມປາດຖະໜາດີ ດ້ວຍຄວາມຈິງໃຈ ມາຍັງພະນະທ່ານ ແລະ ຂໍອວຍພອນໃຫ້ພະນະທ່ານຈົ່ງມີຄວາມສຳເລັດ ແລະ ມີຄວາມຜາສຸກ.

ຕະຫຼອດໄລຍະຜ່ານມາ ຈົນເຖິງປະຈຸບັນ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ມີການພັດທະນາໃຫ້ມີຄວາມກ້າວໜ້າ, ຮັ່ງມີ ແລະ ຈະເລີນວັດທະນາຢ່າງໃຫຍ່ຫຼວງ ຊຶ່ງໄດ້ສະແດງອອກໃຫ້ປະຊາຄົມໂລກໄດ້   ຮັບຮູ້, ໂດຍສະເພາະຢ່າງຍິ່ງເມືອມີຜູ້ນຳທີ່ເຕັມປ່ຽມໄປດ້ວຍວິໄສທັດອັນກ້ວາງໄກ ແລະ ເປັນທີ່ຍອມຮັບນັບຖືທັງໃນພາກພື້ນ ແລະ ສາກົນ ກໍ່ຍິ່ງເຊື້ອໝັ້ນວ່າ ປະເທດ ແລະ ປະຊາຊົນລາວ ຈະສືບຕໍ່ມີຄວາມຈະເລີນຮຸ່ງເຮືອງ ແລະ ວັດທະນາຖາວອນຍິ່ງໆຂຶ້ນໄປ.

ປະເທດໄທ ໃຫ້ຄວາມສຳຄັນຢ່າງຍິ່ງ ຕໍ່ສາຍພົວພັນມິດຕະພາບ ກັບ ສາທາລະນະລັດ ປະຊາທິປະໄຕ ປະຊາຊົນລາວ ໃນຖານະປະເທດບ້ານໃກ້ເຮືອນຄຽງ ທີ່ມີຄວາມຜູກພັນໃກ້ຊິດເປັນພິເສດມາແຕ່ດົນນານ, ສອງຝ່າຍໄດ້ໃຫ້ການ ຊ່ວຍເຫຼືອເຊິ່ງກັນແລະກັນ ໃນຫຼາຍດ້ານເປັນຢ່າງດີຕະຫຼອດໄລຍະເວລາທີ່ຜ່ານມາ. ຂ້າພະເຈົ້າເຊື່ອໝັ້ນເປັນຢ່າງຍິ່ງວ່າ ພາຍໃຕ້ການນຳພາຂອງພະນະທ່ານ ການຮ່ວມມືລະຫວ່າງສອງປະເທດຂອງພວກເຮົາ ຈະໄດ້ຮັບການສົ່ງເສີມຢ່າງຕັ້ງໜ້າ ເພື່ອເສີມຂະຫຍາຍສາຍພົວພັນ ແລະ ການຮ່ວມມືອັນດີທີ່ມີແລ້ວນັັ້ນ ໃຫ້ແໜ້ນແຟ້ນ ແລະ ເພີ່ມພູນຄູນສ້າງ ຍິ່ງໆຂຶ້ນໃນອະນາຄົດ.

(ລົງນາມ)

ພະບາດສົມເດັດ ມະຫາວະຊິຣາລົງກອນ ພະວະຊິຣະເກົ້າເຈົ້າຢູ່ຫົວ ແຫ່ງ ຣາຊະອານາຈັກໄທ