ນະຄອນຫຼວງວຽງຈັນ, ວັນທີ 09 ເມສາ 2021

ພະນະ​ທ່ານ,

​          ຂ້າພະ​ເຈົ້າ ມີ​ຄວາມ​ປິ​ຕິ​ຍິນ​ດີ​ເປັນ​ຢ່າງ​ຍິ່ງ ​ສົ່ງ​ຄຳ​ຊົມ​ເຊີຍ​ອັນ​ອົບ​ອຸ່ນມາ​ຍັງ ພະນະ​​ທ່ານ ​ເນື່ອງໃນໂອກາດທີ່ໄດ້​ຮັບການແຕ່ງຕັ້ງ​​ໃຫ້ດຳລົງ​ຕຳ​ແໜ່​ງເປັນ ປະທານາທິບໍດີຍິງຜູ້ທຳອິດ ​ແຫ່ງ ສາທາລະນະລັດ ສະຫະພັນ ຕັງຊານີ.

ຂ້າພະ​ເຈົ້າ ​ເຊື່ອໝັ້ນວ່າ ພາຍໃຕ້ການນຳພາອັນສະຫຼາດສ່ອງໃສ ຂອງ ພະນະທ່ານ, ສາທາລະນະລັດ ສະຫະພັນ ຕັງຊານີ ຈະໄດ້ຮັບການພັດທະນາ ແລະ ຈະເລີນຮຸ່ງເຮືອງຍິ່ງໆຂື້ນ. ຂ້າພະເຈົ້້າ ຫວັງ​ວ່າຈະ​ໄດ້ເຮັດວຽກ​ຮ່ວມ​ກັບ ​ພະນະ​ທ່ານ ​​ເພື່ອສືບຕໍ່ເສີມຂະຫຍາຍ​ສາຍ​ພົວພັນມິດຕະພາບ ​ແລະ ການ​ຮ່ວມ​ມື​ທີ່ດີ ລະຫວ່າງ ສອງປະເທດ ໃຫ້ແໜ້ນແຟ້ນຍິ່ງໆຂຶ້ນ ເພື່ອຜົນປະໂຫຍດລວມຂອງປະຊາຊົນສອງຊາດພວກເຮົາ.

ຂ້າພະ​ເຈົ້າ ຂໍ​ຖື​ໂອກາດນີ້ ອວຍ​ພອນໃຫ້ ​ພະນະ​ທ່ານ ຈົ່ງມີ​ພະ​ລາ​ນາ​ໄມ​ສົມບູນ, ມີ​ຄວາມຜາສຸກ ​ແລະ ​ປະສົບຜົນສໍາເລັດໃນໜ້າທີ່ອັນມີກຽດສູງສົ່ງຂອງ ພະນະທ່ານ.

ດ້ວຍ​ຄວາມ​ນັບຖື​ຢ່າງ​ສູງ.                              

                                                                            ທອງລຸນສີສຸລິດ

                                                                             ປະທານປະເທດ

                                                           ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ ນ. ຊາເມຍ ຊູລູຫູ ຫັດຊັນ

ປະທານາທິບໍດີ ແຫ່ງ ສາທາລະນະລັດ ສະຫະພັນ ຕັງຊານີ

ທີ່ ໂດໂດມາ.