ນະຄອນຫຼວງວຽງຈັນ, ວັນທີ 07 ເມສາ 2021
ພະນະທ່ານ,
ຂ້າພະເຈົ້າ ຂໍສະແດງຄວາມເສົ້າສະຫຼົດໃຈຢ່າງສຸດຊຶ້ງ ທີ່ໄດ້ຮັບຂ່າວການຈາກໄປຂອງ ພະນະທ່ານ ຈອນ ມາກູຟູລິ, ອະດີດປະທານາທິບໍດີ ແຫ່ງ ສາທາລະນະລັດ ສະຫະພັນ ຕັງຊານີ ໃນວັນທີ 17 ມີນາ 2021 ທີ່ຜ່ານມາ.
ການຈາກໄປຂອງ ພະນະທ່ານ ຈອນ ມາກູຟູລິ ແມ່ນການສູນເສຍອັນໃຫຍ່ຫຼວງ ແລະ ແສນເຄົາລົບຮັກຂອງປະຊາຊົນຕັງຊານີ. ຂ້າພະເຈົ້າ ຕາງໜ້າໃຫ້ລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍຄື ໃນນາມສ່ວນຕົວ, ຂ້າພະເຈົ້າ ຂໍສົ່ງຄວາມໄຫວ້ອາໄລຢ່າງສຸດຊຶ້ງ ແລະ ແບ່ງເບົາຄວາມ ທຸກໂສກ ມາຍັງ ພະນະທ່ານ ແລະ ຜ່ານ ພະນະທ່ານ ໄປຍັງ ຄອບຄົວຂອງ ພະນະທ່ານ ຈອນ ມາກູຟູລິ, ລັດຖະບານ ແລະ ປະຊາຊົນຕັງຊານີ ມານະໂອກາດນີ້ດ້ວຍ.
ຂໍໃຫ້ດວງວິນຍານຂອງ ພະນະທ່ານ ຈອນ ມາກູຟູລີ ຈົ່ງໄປສູ່ສຸຂະຕິ.
ທອງລຸນສີສຸລິດ
ປະທານປະເທດ
ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ພະນະທ່ານ ນາງ ຊາເມຍ ຊູລູຫູ ຫັດຊັນ
ປະທານາທິບໍດີ ແຫ່ງ ສາທາລະນະລັດ ສະຫະພັນ ຕັງຊານີ.
ທີ່ ໂດໂດມາ.