ສານສະແດງຄວາມຊົມເຊີຍ

ຈາກ ພະນະທ່ານ ນາງ ຊູຊານາ ຄາປູໂຕວາ, ປະທານາທິບໍດີ ແຫ່ງ ສາທາລະນະລັດ ສະໂລວັກ

ເຖິງ ພະນະທ່ານ ທອງລຸນ ສີສຸລິດ, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ເນື່ອງໃນໂອກາດໄດ້ຮັບເລືອກຕັ້ງໃຫ້ດຳລົງຕໍາແໜ່ງ ເປັນ ປະທານປະເທດ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ບຣາຕິດສະລາວາ, 29 ມີນາ 2021

ພະນະທ່ານ,

ຕາງໜ້າ ປະຊາຊົນ ແຫ່ງ ສາທາລະນະລັດ ສະໂລວັກ ແລະ ໃນນາມສ່ວນຕົວ, ຂ້າພະເຈົ້າຂໍສົ່ງຄໍາຊົມເຊີຍ ມາຍັງ ພະນະທ່ານ ໃນໂອກາດທີ່ ພະນະທ່ານ ໄດ້ຮັບການເລືອກຕັ້ງໃຫ້ດຳລົງຕໍາແໜ່ງເປັນ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ຂ້າພະເຈົ້າ ເຊື່ອໝັ້ນວ່າ ສາຍພົວພັນມິດຕະພາບອັນເປັນມູນເຊື້ອ ລະຫວ່າງ ສາທາລະນະລັດ ສະໂລວັກ ແລະ ສາທາລະນະລັດ ປະຊາທິປະໄຕ ປະຊາຊົນລາວ ຈະສືບຕໍ່ໄດ້ຮັບການເສີມຂະຫຍາຍໃຫ້ເຂັ້ມແຂງ ແລະ ຂະຫຍາຍຕົວຍິ່ງໆຂຶ້ນ ເພື່ອຜົນປະໂຫຍດຮ່ວມກັນຂອງປະຊາຊົນສອງຊາດພວກເຮົາ.

ພະນະທ່ານ, ໃນໄລຍະເວລາທີ່ຫຍຸ້ງຍາກລໍາບາກນີ້, ຂ້າພະເຈົ້າ ຂໍອວຍພອນໃຫ້ ພະນະທ່ານ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສໍາເລັດທຸກປະການໃນການປະຕິບັດຫນ້າທີ່ຮັບຜິດຊອບຂອງຕົນ. ຂ້າພະ ເຈົ້າ ຂໍອວຍພອນໃຫ້ປະເທດລາວ ແລະ ປະຊາຊົນລາວທຸກຖ້ວນໜ້າ ຈົ່ງປະສົບຜົນສໍາເລັດໃນການຜ່ານຜ່າສິ່ງທ້າທາຍຕ່າງໆໃນປັດຈຸບັນ, ມີສະຖຽນລະພາບ ແລະ ພັດທະນາຢ່າງມີປະຊາທິປະໄຕໃຫ້ມີຄວາມກ້າວໜ້າຍິ່ງໆຂຶ້ນ.

          ຂໍສະແດງຄວາມນັບຖືຢ່າງສູງ,

     ຊູຊານາ ຄາປູໂຕວາ

ປະທານາທິບໍດີ ແຫ່ງ ສາທາລະນະລັດ ສະໂລວັກ

ພະນະທ່ານ

ທອງລຸນ ສີສຸລິດ

ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ນະຄອນຫຼວງວຽງຈັນ

ສານສະແດງຄວາມຊົມເຊີຍ

ຈາກ ພະນະທ່ານ ອີກໍ ມາໂຕວິກ, ນາຍົກລັດຖະມົນຕີ ແຫ່ງ ສາທາລະນະລັດ ສະໂລວັກ

ເຖິງ ພະນະທ່ານ ພັນຄໍາ ວິພາວັນ, ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ເນື່ອງໃນໂອກາດໄດ້ຮັບເລືອກຕັ້ງໃຫ້ດຳລົງຕໍາແໜ່ງ ເປັນ ນາຍົກລັດຖະມົນຕີ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ບຣາຕິດສະລາວາ, 29 ມີນາ 2021

ພະນະທ່ານ,

ຂ້າພະເຈົ້າຂໍສະແດງຄວາມຊົມເຊີຍຢ່າງຈິງໃຈ ມາຍັງ ພະນະທ່ານ ໃນໂອກາດທີ່ ພະນະທ່ານ ໄດ້ຮັບການເລືອກຕັ້ງໃຫ້ດຳລົງຕໍາແໜ່ງເປັນ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ. ຂ້າພະເຈົ້າ ຂໍຖືໂອກາດອັນສະຫງ່າລາສີນີ້ ອວຍພອນໄຊໃຫ້ ພະນະທ່ານ ມີສຸຂະພາບເຂັ້ມແຂງ, ມີພະລານາໄມສົມບູນ ແລະ ປະສົບຜົນສໍາເລັດໃນໜ້າທີ່ອັນມີກຽດຂອງຕົນ.

ຂ້າພະເຈົ້າ ຂໍຢືນຢັນຕໍ່ ພະນະທ່ານ ວ່າ ສາທາລະນະລັດ ສະໂລວັກ ແມ່ນກຽມພ້ອມທີ່ຈະສືບຕໍ່ພັດທະນາສາຍພົວພັນມິດຕະພາບອັນເປັນມູນເຊື້ອ ແລະ ການຮ່ວມມື ກັບ ສາທາລະນະລັດ ປະຊາທິປະໄຕ ປະຊາຊົນລາວ ໃນທຸກຂົງເຂດການຮ່ວມມືທີ່ພວກເຮົາມີຄວາມສົນໃຈຮ່ວມກັນ.

          ຂໍສະແດງຄວາມນັບຖືຢ່າງສູງ,

        ອີກໍ ມາໂຕວິກ

ນາຍົກລັດຖະມົນຕີ ແຫ່ງ ສາທາລະນະລັດ ສະໂລວັກ

ພະນະທ່ານ

ພັນຄໍາ ວິພາວັນ

ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ນະຄອນຫຼວງວຽງຈັນ