ພະນະທ່ານ ພັນຄໍາ ວິພາວັນ

ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ,

ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ສົ່ງຄໍາຊົມເຊີຍອັນຈິງໃຈ ມາຍັງ ພະນະທ່ານ ເນື່ອງ​ໃນ​ໂອ​ກາດທີ່ໄດ້ຮັບເລືອກຕັ້ງເປັນ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ສີລັງກາ ແລະ ສປປ ລາວ ຍັງສືບຕໍ່ຮັກສາສາຍພົວພັນອັນຈິງໃຈ ແລະ ໄດ້ຮັບການເສີມຂະຫຍາຍຍິ່ງໆຂຶ້ນ ຜ່ານ ການເຊື່ອມໂຍງທາງດ້ານພຸດທະສາສະໜາ. ສາຍພົວພັນທາງການທູດ ລະຫວ່າງ ສອງປະເທດພວກເຮົາໄດ້ຮັບການສ້າງຕັ້ງຂື້ນໃນປີ 1965 ແລະ ນັບຈາກນັ້ນເປັນຕົ້ນມາສອງປະເທດພວກເຮົາ ໄດ້ຊ່ວຍເຫຼືອເຊິ່ງກັນ ແລະ ກັນ ໃນການປະເຊີນໜ້າກັບຄວາມທ້າທາຍຕ່າງໆໃນພາກພື້ນ ແລະ ສາກົນ. ຂ້າພະເຈົ້າ ຫວັງເປັນຢ່າງຍິ່ງວ່າ ພາຍໃຕ້ການຊີ້ນໍາ-ນໍາພາ ແລະ ເຮັດແທ້ທໍາຈິງ ຂອງ ພະນະທ່ານ ການພົວພັນທີ່ແໜ້ນແຟ້ນຂອງສອງປະເທດພວກເຮົາ ຈະໄດ້ຮັບການຂະຫຍາຍຕົວ ແລະ ເພີ່ມທະວີການຮ່ວມມືໄປຍັງຂົງເຂດການຄ້າ, ເສດຖະກິດ, ວັດທະນະທໍາ ແລະ ການທ່ອງ ທ່ຽວ ເພື່ອຜົນປະໂຫຍດຮ່ວມກັນຂອງ ສອງປະເທດພວກເຮົາ.

ຂ້າພະເຈົ້າ ເຊື່ອໝັ້ນວ່າ ໃນໂອກາດທີ່ ພະນະທ່ານ ດໍາລົງຕໍາແໜ່ງດັ່ງກ່າວ ຈະສາມາດນໍາເອົາຜົນສໍາເລັດ ແລະ ຄວາມວັດທະນະຖາວອນ ທີ່ຍິ່ງໃຫຍ່ກວ່າເກົ່າ ມາສູ່ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ດ້ວຍ​ຄວາມເຄົາລົບ ແລະ ​ນັບ​ຖື​ຢ່າງ​ສູງ,

(ລາຍເຊັນ)

ມາຮິນດາ ຣາຈາປັກຊາ

ນາຍົກລັດຖະມົນຕີ ແຫ່ງ ສາທາລະນະລັດ ສັງຄົມນິຍົມ ປະຊາທິປະໄຕ ສີລັງກາ

21 ເມສາ 2021