ນະຄອນຫຼວງວຽງຈັນ, ວັນທີ 1 ສິງຫາ 2022

ພະນະທ່ານ,

ຂ້າພະເຈົ້າ ມີຄວາມເສົ້າສະຫຼົດໃຈເປັນຢ່າງຍິ່ງ ທີ່ໄດ້ຮັບຂ່າວວ່າ ພະນະທ່ານ ຟິເດວ ວານເດັດສ໌ ຣາມ໋ອດ, ອະດີດປະທານາທິບໍດີ ແຫ່ງ ສາທາລະນະລັດ ຟິລິບປິນ ໄດ້ເຖິງແກ່ມໍລະນະກຳ ໃນວັນທີ 31 ກໍລະກົດ 2022.

ການຈາກໄປຂອງ ພະນະທ່ານ ຟິເດວ ວານເດັດສ໌ ຣາມ໋ອດ ເປັນການສູນເສຍອັນໃຫຍ່ຫຼວງຂອງ ປະຊາຊົນຟິລິບປິນ ທີ່ສູນເສຍຜູ້ນຳທີ່ເຄົາລົບຮັກ, ຜູ້ມີວິໃສທັດທີ່ສ້າງສັນ ແລະ ສະໜັບສະໜູນສັນຕິພາບ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ. ຕາງໜ້າລັດຖະບານ, ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ    ຂໍສະແດງຄວາມເສົ້າສະຫຼົດໃຈຢ່າງສຸດຊຶ້ງ ແລະ ຂໍແບ່ງເບົາຄວາມທຸກໂສກ ຮ່ວມກັບ ພະນະທ່ານ ແລະ ຜ່ານພະນະທ່ານ ໄປຍັງ ປະຊາຊົນ ຟິລິບປິນ ທຸກຖ້ວນໜ້າ ກໍຄືຄອບຄົວຂອງ ພະນະທ່ານ ຟິເດວ ວານເດັດສ໌ ຣາມ໋ອດ ດ້ວຍ.

ຂ້າພະເຈົ້າ ເຊື່ອໝັ້ນວ່າ ພະນະທ່ານ, ປະຊາຊົນ ຟິລິບປິນ ແລະ ຄອບຄົວຂອງ ພະນະທ່ານ    ຟິເດວ ວານເດັດສ໌ ຣາມ໋ອດ ຈະມີຄວາມເຂັ້ມແຂງ ແລະ ສາມາດຜ່ານພົ້ນຊ່ວງເວລາຫຍຸ້ງຍາກໃນຄັ້ງນີ້ໄດ້.

                                                       ດ້ວຍຄວາມເຄົາລົບ ແລະ ນັບຖືຢ່າງສູງ

ທອງລຸນ ສີສຸລິດ

ພະ​ນະ​ທ່ານ ເຟີດີນານ ໂຣມູນເດັດສ໌ ມາກ໋ອດ ຈູເນຍ,

ປະທານາທິບໍດີ ແຫ່ງ ສາທາລະນະລັດ ຟິລິບປິນ

ທີ່ ມະນີລາ