ພະນະທ່ານ ທອງລຸນ ສີສຸລິດ
ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ຂ້າພະເຈົ້າຂໍສະແດງຄວາມຊົມເຊີຍຢ່າງຈິງໃຈ ແລະ ຂໍອວຍພອນໄຊອັນປະເສີດ ມາຍັງ ພະນະທ່ານ, ເນື່ອງໃນໂອກາດວັນຊາດຂອງ ສາທາລະນະລັດ ປະຊາທິປະໄຕ ປະຊາຊົນລາວ ເພື່ອນມິດ.
ພວກເຮົາຂໍຖືໂອກາດນີ້ ສະແດງຄວາມຊົມເຊີຍ ສາຍພົວພັນມິດຕະພາບທີ່ເປັນມູນເຊື້ອອັນດີງາມ ລະຫວ່າງ ລັດກູເວດ ແລະ ສປປ ລາວ, ພ້ອມທັງຍົກສູງການຮ່ວມມືອັນດີງາມລະຫວ່າງສອງຊາດພວກເຮົາ ໃນການເສີມຂະຫຍາຍສາຍພົວພັນລະຫວ່າງປະເທດ ແລະ ປະຊາຊົນຂອງສອງຊາດເຮົາ.
ຂ້າພະເຈົ້າ ຂໍອວຍພອນໄຊອັນປະເສີດມາຍັງ ພະນະທ່ານ ຈົ່ງມີສຸຂະພາບເຂັ້ມແຂງ ແລະ ປະຊາຊົນລາວ ເພື່ອນມິດ ຈົ່ງມີແຕ່ຄວາມຈະເລີນຮຸ່ງເຮືອງ ແລະ ວັດຖະນາຖາວອນ.
ດ້ວຍຄວາມປາດຖະຫນາອັນດີ,
ນາວາຟ ອາລ-ອາມາດ ອາລ-ຈາເບີ ອາລ-ຊາບາ
ກະສັດ ແຫ່ງ ລັດກູເວດ
---------------------------------------------------------------------------------------------------
ພະນະທ່ານ ທອງລຸນ ສີສຸລິດ
ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ຂ້າພະເຈົ້າ ມີຄວາມປິຕິຍິນດີສົ່ງຄຳຊົມເຊີຍຢ່າງຈິງໃຈ ແລະ ພອນໄຊອັນປະເສີດ ກໍຄື ຜົນສໍາເລັດທຸກປະການ ມາຍັງ ພະນະທ່ານ, ເນື່ອງໃນໂອກາດວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ເພື່ອນມິດ ແລະ ປະຊາຊົນລາວທີ່ຮັກແພງ ຈົ່ງມີແຕ່ຄວາມກ້າວໜ້າ ແລະ ຈະເລີນຮຸ່ງເຮືອງຍິ່ງໆຂຶ້ນ.
ດ້ວຍຄວາມເຄົາລົບ
ເຊັກ ເມຊານ ອາລ-ອາມາດ ອາລ-ຈາເບີ ອາລ-ຊາບາ
ອົງມົງກຸດຣາຊະກຸມມານ ແຫ່ງ ລັດກູເວດ