ນະຄອນຫຼວງວຽງຈັນ, ວັນທີ 5 ເມສາ 2016
ພະນະທ່ານ,
ໃນນາມລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍຄືໃນນາມສ່ວນຕົວ, ຂ້າພະເຈົ້າມີຄວາມຍິນດີເປັນຢ່າງຍິ່ງ ແລະ ຂໍຖືເປັນກຽດສົ່ງຄໍາຊົມເຊີຍອັນຈິງໃຈ ມາຍັງພະນະທ່ານ ໃນໂອກາດທີ່ ພະນະທ່ານ ໄດ້ຮັບການແຕ່ງຕັ້ງໃຫ້ດໍາລົງຕໍາແໜ່ງເປັນ ລັດຖະມົນຕີວ່າການກະຊວງການຕ່າງປະເທດ ແລະ ຮ່ວມມືສາກົນ ແຫ່ງ ຣາຊະອານາຈັກ ກໍາປູເຈຍ ຄົນໃໝ່.
ຂ້າພະເຈົ້າເຊື່ອໝັ້ນຢ່າງຍິ່ງວ່າ ພາຍໃຕ້ການນໍາພາອັນປີຊາສາມາດຂອງ ພະນະທ່ານ, ສາຍພົວພັນມິດຕະພາບ, ຄວາມສາມັກຄີອັນເປັນມູນເຊື້ອດີງາມ ແລະ ການຮ່ວມມື ລະຫວ່າງສອງປະເທດພວກເຮົາ ທີ່ໄດ້ຮັບການເສີມຂະຫຍາຍເປັນຢ່າງດີ ຕະຫຼອດມາ ທັງໃນຂອບສອງຝ່າຍ, ພາກພື້ນ ແລະ ຫຼາຍຝ່າຍ ຈະສືບຕໍ່ໄດ້ຮັບການຂະຫຍາຍຕົວ ແລະ ເພີ່ມທະວີຂຶ້ນເລື້ອຍໆ ເພື່ອຜົນປະໂຫຍດລວມຂອງປະຊາຊົນສອງຊາດ ລາວ ແລະ ກໍາປູເຈຍ ແລະ ຄວາມສົມບູນພູນສຸກຂອງຄອບຄົວອາຊຽນພວກເຮົາ.
ດ້ວຍຄວາມນັບຖືຢ່າງສູງ,
ທອງລຸນສີສຸລິດ
ພະນະທ່ານ ປຣາກ ໂສຂົນ, ລັດຖະມົນຕີອາວຸໂສ ແລະ
ລັດຖະມົນຕີວ່າການກະຊວງການຕ່າງປະເທດ ແລະ ຮ່ວມມືສາກົນ
ແຫ່ງ ຣາຊະອານາຈັກ ກໍາປູເຈຍ