ພະນະທ່ານ ທອງລຸນ ສີສຸລິດ,
ນາຍົກລັດຖະມົນຕີ
ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ທີ່ ນະຄອນຫຼວງວຽງຈັນ
ພະນະທ່ານ ທອງລຸນ ສີສຸລິດ ທີ່ນັບຖື,
ຕາງໜ້າລັດຖະບານ ແຫ່ງ ສະຫະພັນ ຣັດເຊຍ ແລະ ໃນນາມສ່ວນຕົວ ຂ້າພະເຈົ້າ ຂໍສະແດງຄວາມຊົມເຊີຍຢ່າງຈິງໃຈມາຍັງພະນະທ່ານ ທີ່ໄດ້ຮັບແຕ່ງຕັ້ງໃຫ້ດຳລົງຕຳແໜ່ງເປັນນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.
ຣັດເຊຍ ແລະ ລາວ ມີສາຍພົວພັນມິດຕະພາບອັນເປັນມູນເຊື້ອມາແຕ່ຍາວນານ. ການພົວພັນຮ່ວມມືຊຶ່ງກັນ ແລະ ກັນ ດ້ານເສດຖະກິດ, ການຄ້າ, ພະລັງງານ, ວິທະຍາສາດ-ເຕັກນິກ, ວັດທະນະທຳ ແລະ ມະນຸດສະທຳ ໄດ້ຮັບການຂະຫຍາຍຕົວເປັນກ້າວໆ ພ້ອມທັງ ບັນດາໂຄງການຮ່ວມກັນ ໄດ້ຮັບການຈັດຕັ້ງປະຕິບັດດ້ວຍຜົນສຳເລັດດີ.
ຂ້າພະເຈົ້າ ກຽມພ້ອມຢ່າງຕັ້ງໜ້າທີ່ຈະເຮັດວຽກກັບພະນະທ່ານ ເພື່ອສືບຕໍ່ຊຸກຍູ້ການຮ່ວມມືຮອບດ້ານ ລະຫວ່າງ ຣັດເຊຍ ແລະ ລາວ.
ຂ້າພະເຈົ້າ ຂໍອວຍພອນມາຍັງພະນະທ່ານ ນາຍົກລັດຖະມົນຕີ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດໃນໜ້າທີ່ຮັບຜິດຊອບຂອງພະນະທ່ານ ທຸກປະການ.
ດ້ວຍຄວາມນັບຖືຢ່າງສູງ,
ດີມີຕຼີ ເມດເວເດັບ,
ນາຍົກລັດຖະມົນຕີ ແຫ່ງ ສະຫະພັນ ຣັດເຊຍ
ທີ່ ນະຄອນຫຼວງມົດສະກູ
ວັນທີ 25 ເມສາ 2016