ໃນວັນທີ 23 ມີນາ 2020, ພະນະທ່ານ ບຸນຍັງ ວໍລະຈິດ, ປະທານປະເທດ ແຫ່ງ ສປປ ລາວ ໄດ້ສົ່ງ ໂທລະເລກສະແດງຄວາມເຫັນໃຈ ເຖິງ ພະນະທ່ານ ຮາຊານ ຣູຮານີ, ປະທານາທິບໍດີ ແຫ່ງ ສາທາລະນະລັດ ອິດສະລາມ ອີຣານ ຕໍ່ກັບສະພາບການແຜ່ລະບາດ ຂອງເຊື້ອພະຍາດ COVID-19 ຢູ່ ສາທາລະນະລັດ ອິດສະລາມ ອີຣານ, ຊຶ່ງມີເນື້ອໃນດັ່ງນີ້:

ນະຄອນຫລວງວຽງຈັນ,​ ວັນທີ 23 ມີນາ 2020

ພະນະ​ທ່ານ,

ຂ້າພະ​ເຈົ້າ​ ໄດ້ຕິດຕາມຢ່າງໃກ້ຊິດ ດ້ວຍຄວາມເປັນຫ່ວງ ຕໍ່ກັບສະພາບການແຜ່ລະບາດ ຂອງພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ (COVID-19) ທີ່ປັດຈຸບັນ ໄດ້ແຜ່ລາມໄປຢ່າງໄວວາ ຢູ່ສາທາລະນະລັດ ອິດສະລາມ ອີຣານ ເຊິ່ງເຮັດໃຫ້ມີຜູ້ເສຍຊີວິດຈໍານວນຫຼາຍ ລວມທັງການນໍາຂັ້ນສູງ ຂອງອີຣານ ກໍຄືສົ່ງຜົນກະທົບຕໍ່ການດໍາລົງຊີວິດ ຂອງປະຊາຊົນອີຣານ ໃນທົ່ວປະເທດ.

ໃນນາມລັດຖະບານ ​ແລະ ປະຊາຊົນ​ລາວ ກໍ່​ຄື​ໃນ​ນາມ​ສ່ວນ​ຕົວ, ຂ້າພະເຈົ້າຂໍ​ສະ​ແດງ​ຄວາມເຫັນໃຈ ແລະ ເສົ້າສະຫລົດໃຈ​​​ຢ່າງ​ສຸດຊຶ້ງມາ​ຍັງ ​ພະນະທ່ານ, ລັດຖະບານ ​ແລະ ປະຊາຊົນອີຣານ ໂດຍສະເພາະຄອບຄົວ ຂອງຜູ້ເສຍຊີວິດ ຈາກພະຍາດ​ COVID-19 ດັ່ງກ່າວ.

ຂ້າພະເຈົ້າ ເຊື່ອໝັ້ນຢ່າງແຮງກ້າວ່າ ພາຍໃຕ້ການຊີ້ນຳຢ່າງ​ໃກ້​ຊິດ ຂອງພະນະທ່ານ ແລະ ການປະຕິບັດມາດຕະການ ທີ່ມີປະສິດທິພາບຕ່າງໆ ຂອງລັດຖະບານ, ສາທາລະນະລັດ ອິດສະລາມ ອີຣານ ຈະ​ສາມາດ​ຄວບຄຸມ ແລະ ຈຳກັດການລະບາດ ຂອງເຊື້ອພະຍາດດັ່ງກ່າວ ​ແລະ ຟື້ນ​ຟູ​ຊີວິດການເປັນຢູ່ ຂອງປະຊາຊົນ​ອີຣານ ໃຫ້ກັບຄືນສູ່ສະພາບປົກກະຕິໂດຍ​ໄວ.

ດ້ວຍຄວາມນັບຖືຢ່າງສູງ.

ບຸນ​ຍັງ ວໍລະ​ຈິດ
ປະທານ​ປະ​ເທດ ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ

ພະນະທ່ານ ຮາຊານ ຣູຮານີ

ປະທານາທິບໍດີ ແຫ່ງ ສາທາລະນະລັດ ອິດສະລາມ ອີຣານ

ທີ່ ເຕຮາຣານ

ນະຄ​ອນຫຼວງ​ວຽງ​ຈັນ, ກຸມພາ 2020

ພະນະ​ທ່ານ,

​             ຂ້າພະ​ເຈົ້າ ມີຄວາມປິຕິຍິນດີເປັນຢ່າງຍິ່ງ ສົ່ງຄຳຊົມເຊີຍອັນອົບອຸ່ນ ແລະ ຈິງໃຈ ມາ​ຍັງພະນະ​​ທ່ານ ໃນໂອກາດທີ່ໄດ້ຖືກ​ແຕ່ງຕັ້ງດຳລົງຕຳແໜ່ງ ນາຍົກລັດຖະມົນຕີ ​ແຫ່ງ ສາທາລະນະລັດ ມາດາກັສກາ.

ນະຄອນຫຼວງວຽງຈັນ, ວັນທີ 03 ມີນາ 2020

ໃນນາມ ລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍ່ຄືໃນນາມສ່ວນຕົວ, ຂ້າພະເຈົ້າ ຂໍສະແດງຄວາມຊົມເຊີຍຢ່າງຈິງໃຈ ມາຍັງ ພະນະທ່ານ ໃນໂອກາດທີ່ໄດ້ຮັບການແຕ່ງຕັ້ງໃຫ້ດຳລົງຕຳແໜ່ງ ເປັນນາຍົກລັດຖະມົນຕີ ແຫ່ງ ມາເລເຊຍ.

ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ທີ່ເຫັນວ່າ ສາຍພົວພັນ ແລະ ການຮ່ວມມືສອງຝ່າຍ ລະຫວ່າງ ສປປ ລາວ ແລະ ມາເລເຊຍ ກຳລັງເຕີບໃຫຍ່ຂະຫຍາຍຕົວ ແລະ ມີໝາກຜົນ.

ຂ້າພະເຈົ້າ ພ້ອມແລ້ວທີ່ຈະຮ່ວມເຮັດວຽກຢ່າງໃກ້ຊິດກັບ ພະນະທ່ານ ເພື່ອສືບຕໍ່ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືືທີ່ດີ ລະຫວ່າງ ສອງປະເທດພວກເຮົາ ໃຫ້ແຕກດອກອອກຜົນຍິ່ງຂຶ້ນ ເພື່ອຜົນປະໂຫຍດຮ່ວມກັນ ຂອງປະຊາຊົນສອງຊາດພວກເຮົາ ກໍ່ຄື ເພືຶ່ອສັນຕິພາບ, ມິດຕະພາບ ແລະ ການຮ່ວມມື ເພື່ອການພັດທະນາ ຢູ່ໃນພາກພື້ນ ແລະ ສາກົນ.

ຂ້າພະເຈົ້າເຊື່ອໝັ້ນວ່າ ພາຍໃຕ້ການນຳພາອັນປີຊາສາມາດ ແລະ ປະສົບການອັນສູງສົ່ງ ຂອງ ພະນະທ່ານ, ມາເລເຊຍ ຈະສືບຕໍ່ໄດ້ຮັບການພັດທະນາໃຫ້ຈະເລີນກ້າວໜ້າ ແລະ ວັດ ທະນະຖາວອນຍິ່ງໆຂຶ້ນ.

ຂ້າພະເຈົ້າ ຂໍຖືໂອກາດນີ້ ອວຍພອນໃຫ້ ພະນະທ່ານ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ມີຜົນສຳເລັດຍິ່ງໆຂຶ້ນ ໃນພາລະກິດອັນມີກຽດສູງສົ່ງ ຂອງພະນະທ່ານ.

ດ້ວຍຄວາມນັບຖືຢ່າງສູງ,

ທອງລຸນ ສີສຸລິດ

ພະນະທ່ານ ຕັນ ສຣີ ມູຢິດດິນ ບິນ ຮາຈິ ມູຮຳມັດ ຢັດຊິນ

ນາຍົກລັດຖະມົນຕີ ແຫ່ງ ມາເລເຊຍ

ກົວລາລຳເປີ