ພະນະທ່ານ ເລນິນ ໂວນຕາອີເຣ ໂມເຣໂນ ກາຣເຊສ

ປະທານາທິບໍດີ ແຫ່ງ ສາທາລະນະລັດ ເອກົວດໍ

ທີ່ ກີໂຕ

ພະນະທ່ານ,

ເນື່ອງໃນໂອກາດທີ່ພະນະທ່ານ ໄດ້ຮັບເລືອກຕັ້ງໃຫ້ດຳລົງຕຳແໜ່ງເປັນປະທານາທິບໍດີ ແຫ່ງ ສາທາລະນະລັດ ເອກົວດໍ, ຂ້າພະເຈົ້າຂໍຖືເປັນກຽດຕາງໜ້າໃຫ້ ລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ສະແດງຄວາມຍິນດີ ແລະ ຄວາມຊົມເຊີຍ ຢ່າງຈິງໃຈມາຍັງພະນະທ່ານ. ການທີ່ພະນະທ່ານໄດ້ຮັບເລືອກຕັ້ງໃຫ້ເປັນປະທານາທິບໍດີ ຂອງ ສາທາລະນະລັດ ເອກົວດໍ ໃນຄັ້ງນີ້ ໄດ້ສະແດງໃຫ້ເຫັນເຖິງຄວາມໄວ້ເນື້ອເຊື່ອໃຈ ແລະ ຄວາມເຊື່ອໝັ້ນຂອງປະຊາຊົນເອກົວດໍ ທີ່ມີຕໍ່ພະນະທ່ານ ໃນການສືບຕໍ່ນຳພາປະເທດຊາດກ້າວໄປສູ່ຄວາມຜາສຸກ ແລະ ຄວາມວັດທະນາຖາວອນ.

ພະນະທ່ານ ນາງ Theresa May,

ນາຍົກລັດຖະມົນຕີ ແຫ່ງ ສະຫະຣາຊະອານາຈັກ ອັງກິດ ແລະ ອຽກລັງເໜືອ

ທີ່ ນະຄອນຫຼວງ ລອນດອນ

ພະນະທ່ານ,

​ຂ້າພະ​ເຈົ້າ ​ໄດ້​ຮັບ​ຊາບ​ຂ່າວ​ດ້ວຍ​ຄວາມ​ເສົ້າ​ສະຫລົດ​ໃຈ ກ່ຽວ​ກັບ​ ເຫດການ​ສະຫຍອງ​ຂັວນທີ່​ເປັນຍ້ອນລະເບີດແຕກ ​ໃນຕອນ​ແລງ ວັນ​ທີ 22 ພຶດສະພາ 2017, ທີ່ ເມືອງແມນເຊສ໌ເຕີ, ​ຊື່ງຖືກຕີລາຄາວ່າ​ເປັນ​ການກະ​ທຳ​ຂອງກຸ່ມ​ກໍ່​ການ​ຮ້າຍ ອັນ​ໄດ້ເຮັດ​ໃຫ້​ມີການ​ສູນ​ເສຍ​ຊີ​ວິດ​ຂອງ​ປະ​ຊາ​ຊົນ​ຜູ້​ບໍລິສຸດຈຳນວນ​ໜຶ່ງ ​ແລະ ​ມີ​ຜູ້ໄດ້​ຮັບບາດ​ເຈັບ​​ເປັນຈຳນວນ​ຫລວງຫລາຍ.

ນະຄອນຫຼວງ​ວຽງ​ຈັນ, ວັນ​ທີ 20 ພຶດສະພາ 2017

ພະນະ​ທ່ານ,

          ໃນນາມລັດຖະບານ, ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າຂໍຖືເປັນກຽດສົ່ງຄຳຊົມເຊີຍ ແລະ ພອນໄຊອັນປະເສີດມາຍັງ ພະນະທ່ານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ຕີມໍ-ເລສເຕ ​ເນື່ອງ​ໃນ​ໂອກາດ ວັນຄົບຮອບ 15 ປີ ແຫ່ງ ການຟື້ນຟູຄວາມເປັນເອກະລາດຄືນໃຫມ່ ຂອງ ສາທາລະນະລັດ ປະຊາທິປະໄຕ ຕີມໍ-ເລສເຕ.