ນະຄອນຫຼວງວຽງຈັນ, ວັນທີ 27 ເມສາ 2017
ສົມເດັດພະລາຊາ ວິນລຽມ-ອາເລັກຊານເດີ
ແຫ່ງ ລາຊະອານາຈັກເນເທີແລນ
ນະຄອນຫຼວງອຳສະເຕີດຳ
ສົມເດັດພະລາຊາ,
ເນື່ອງໃນໂອກາດວັນຊາດ ແຫ່ງ ລາຊະອານາຈັກເນເທີແລນ, ໃນນາມປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄວາມຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງສົມເດັດ ແລະ ຜ່ານສົມເດັດ ໄປຍັງປະຊາຊົນເນເທີແລນທຸກຖ້ວນໜ້າ ຈົ່ງມີຄວາມຜາສຸກ ແລະ ວັດຖະນະຖາວອນ.
ນະຄອນຫຼວງວຽງຈັນ, ວັນທີ 10 ເມສາ 2017
ພະນະທ່ານ ສະເຕຟານ ລອຟເວັນ,
ນາຍົກລັດຖະມົນຕີ ແຫ່ງ ຣາຊະອານາ ຈັກຊູແອດ
ທີ່ນະຄອນຫຼວງສະຕ໊ອກໂຮມ
ພະນະທ່ານ,
ຂ້າພະເຈົ້າ ໄດ້ຮັບຊາບຂ່າວດ້ວຍຄວາມເສົ້າສະຫລົດໃຈ ກ່ຽວກັບ ເຫດການສະຫຍອງຂວັນທີ່ເກີດຂຶ້ນ ໃນຕອນບ່າຍຂອງວັນທີ 07 ເມສາ 2017, ທີ່ ນະຄອນຫລວງສະຕ໊ອກໂຮມ, ຊື່ງເປັນການກະທຳຂອງກຸ່ມກໍ່ການຮ້າຍ ອັນໄດ້ເຮັດໃຫ້ມີການສູນເສຍຊີວິດຂອງປະຊາຊົນຜູ້ບໍລິສຸດ ແລະ ມີຜູ້ໄດ້ຮັບບາດເຈັບເປັນຈຳນວນຫລວງຫລາຍ.
ນະຄອນຫຼວງວຽງຈັນ, ວັນທີ 04 ເມສາ 2017
ພະນະທ່ານ ຮວງ ມານູເອ ຊັນໂຕສ
ປະທານາທິບໍດີ ແຫ່ງ ສາທາລະນະລັດ ໂກລົມບີ.
ທີ່ ນະຄອນຫຼວງ ໂບໂກຕາ.
ພະນະທ່ານ,
ຂ້າພະເຈົ້າໄດ້ຊາບຂ່າວດ້ວຍຄວາມເສົ້າສະຫຼົດໃຈເປັນຢ່າງຍິງ ຕໍ່ເຫດການດິນເຈື່ອນຢູ່ ເມືອງ ໂມໂກອາ, ພາກໃຕ້ຂອງປະເທດ ໂກລົມບີ ອັນໄດ້ເຮັດໃຫ້ປະຊາຊົນໂກລົມບີເສຍຊີວິດ ແລະ ຊັບສິນຖືກທໍາລາຍຢ່າງຫຼວງຫຼາຍ.