ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ບົດຄວາມ: ຊົມເຊີຍວັນສ້າງຕັ້ງກອງທັບປົດປ່ອຍປະຊາຊົນຈີນ ຄົບຮອບ 94 ປີ

 

 

ຊົມເຊີຍວັນສ້າງຕັ້ງກອງທັບປົດປ່ອຍປະຊາຊົນຈີນ ຄົບຮອບ 94 ປີ

(01/08/1927 -1/8/2021)

                       ໂດຍ: ໂຄງການຄົ້ນຄວ້າຮ່ວມລາວ-ຈີນ, ສະຖາບັນການຕ່າງປະເທດ,​

(ກະຊວງການຕ່າງປະເທດ)

ການລຸກຮືຂຶ້ນຂອງປະຊາຊົນຜູ້ຮັກຊາດທີ່ເມືອງໜານຊາງ, ແຂວງຈ່ຽງຊີໃນວັນທີ 1 ສິງຫາ ປີ 1927 ເປັນສັນຍາລັກສະແດງໃຫ້ເຫັນວ່າ ກອງທັບປະຊາຊົນແບບໃຫມ່ພາຍໃຕ້ການນຳພາຂອງພັກກອມມູນິດຈີນ ໄດ້ຖືກສ້າງຕັ້ງຂຶ້ນຢ່າງເປັນທາງການ ແລະ ໄດ້ກາຍມາເປັນກອງທັບປົດປ່ອຍປະຊາຊົນຈີນໃນປະຈຸບັນ. ໃນໄລຍະ 94 ປີຜ່ານມາ, ພາຍໃຕ້ການຊີ້ນຳ - ນໍາພາຂອງພັກກອມມູນິດຈີນ ໂດຍມີ ປະທານ ເໝົາ ເຈີຕົງ ເປັນແກນນໍາ ແລະ ຜູ້ນໍາຈີນຫລາຍຮຸ້ນຜ່ານມາ ກອງທັບປົດປ່ອຍປະຊາຊົນຈີນໄດ້ຮັບການເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ, ຈາກຈໍານວນຄົນໜ້ອຍມາເປັນກອງທັບທີ່ມີຈໍານວນຄົນຫຼາຍສົມຄວນ, ຈາກກອງທັບທີ່ມີອາວຸດຫລ້າຫລັງ ກາຍມາກອງທັບທີ່ມີອາວຸດທັນສະໄໝໃນໂລກ.

 

ນັບແຕ່ມື້ໄດ້ຮັບການສ້າງຕັ້ງເປັນຕົ້ນມາ ກອງທັບປົດປ່ອຍປະຊາຊົນຈີນ ໄດ້ຕໍ່ສູ້ກັບສັດຕູທັງພາຍໃນ ແລະ ພາຍນອກຢ່າງອົງອາດກ້າຫານ, ຜ່ານຜ່າອຸປະສັກນາໆປະການ ຈົນສາມາດປົດປ່ອຍປະເທດຊາດ ຍາດເອົາເອກະລາດມາໃຫ້ປະຊາຊົນ ແລະ ສະຖາປະນາເປັນ ສາທາລະນະລັດ ປະຊາຊົນຈີນ ໃນປີ 1949. ພາຍຫລັງປະເທດຊາດໄດ້ຮັບການປົດປ່ອຍ ກອງທັບປົດປ່ອຍປະຊາຊົນຈີນ ໄດ້ສຸມເຫື່ອແຮງໃສ່ການຟື້ນຟູປະເທດຊາດ ພາຍຫລັງທີ່ຖືກສົງຄາມທຳລາຍມາເປັນເວລາຫລາຍທົດສະວັດ, ພ້ອມກັນນັ້ນກອງທັບປົດປ່ອຍປະຊາຊົນຈີນໄດ້ສືບຕໍ່ຍົກສູງນໍ້າໃຈສາກົນກຳມະຊີບ ໃຫ້ການສະໜັບສະໜູນຂະບວນການປະຕິວັດຊາດປະຊາທິປະໄຕ ຢູ່ຫລາຍປະເທດໃນໂລກ ລວມທັງ ສປປ ລາວ ທີ່ຕໍ່ສູ້ເພື່ອເອກະລາດ ຕ້ານຈັກກະພັດຜູ້ຮຸກຮານ ຢ່າງອົງອາດກ້າຫານ ແລະ ໄດ້ຮັບໄຊຊະນະເລື້ອຍໆມາ.

ໃນໄລຍະທີ່ປະເທດຊາດມີສັນຕິພາບ ກອງທັບປົດປ່ອຍປະຊາຊົນຈີນ ນອກຈາກສືບຕໍ່ປະຕິບັດໜ້າທີ່ໃນການປົກປັກຮັກສາຄວາມໝັ້ນຄົງຂອງຊາດເພື່ອ ສ້າງເງື່ອນໄຂອຳນວຍຄວາມສະດວກໃຫ້ແກ່ການສ້າງສາພັດທະນາປະເທດຊາດແລ້ວ, ຍັງໄດ້ປະກອບສ່ວນເຂົ້າໃນການພັດທະນາເສດຖະກິດ - ສັງຄົມຂອງ ສປ ຈີນ, ສ້າງຄວາມເຂັ້ມແຂງ, ເພີ່ງຕົນເອງ, ກຸ້ມຕົນເອງ, ບ່ອນໃດທີ່ປະເທດຊາດ ແລະ ປະຊາຊົນຕ້ອງການ ບ່ອນນັ້ນກອງທັບປົດປ່ອຍປະຊາຊົນຈີນມີຫນ້າ ໂດຍສະເພາະການຮັບມືກັບພະຍາດລະບາດ, ການກອບກູ້ໄພພິບັດທາງທຳມະຊາດ, ການຕ້ານການກໍ່ການຮ້າຍ ແລະ ອື່ນໆ. ກອງທັບປົດປ່ອຍປະຊາຊົນຈີນ ເປັນນັກຮົບທີ່ຈົງຮັກພັກດີຕໍ່ປະເທດຊາດ ແລະ ປະຊາຊົນ, ເປັນກຳລັງອັນສຳຄັນໃນການສ້າງສັງຄົມນິຍົມທີ່ມີສີສັນພິເສດຂອງຈີນ, ເປັນກຳແພງທີ່ແຂງແກ່ນໃນການປົກປ້ອງອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຈີນ. ປະຈຸບັນ, ພາຍໃຕ້ການຊີ້ນຳ - ນໍາພາ ຂອງພັກກອມມູນິດຈີນ ໂດຍມີເລຂາທິການໃຫຍ່ ສີ ຈິ້ນຜິງ ເປັນການນໍາ, ກອງທັບປົດປ່ອຍປະຊາຊົນຈີນ ໄດ້ຮັບການປັບປຸງໃຫ້ມີຄວາມໜັກແໜ້ນເຂັ້ມແຂງຂຶ້ນຢ່າງບໍ່ຢຸດຢັ້ງ ແລະມີຄວາມກຽມພ້ອມຮັບໃຊ້ຊາດ ຮັບໃຊ້ປະຊາຊົນທຸກເວລາ.

ການເຕີບໃຫຍ່ເຂັ້ມແຂງຂອງກອງທັບປົດປ່ອຍປະຊາຊົນຈີນ ໄດ້ປະກອບສ່ວນອັນສຳຄັນໃນການຮັກສາສັນຕິພາບ ແລະ ຄວາມໝັ້ນຄົງຢູ່ພາກພື້ນ ກໍຄືຢູ່ໃນໂລກ, ຍາມໃດ ສປ ຈີນ ກໍປະຕິບັດນະໂຍບາຍ ເດີນຕາມເສັ້ນທາງພັດທະນາຢ່າງສັນຕິ ໂດຍບໍ່ປ່ຽນແປງ, ຍຶດໝັ້ນປະຕິບັດນະໂຍບາຍປ້ອງກັນຊາດ ລັກສະນະປ້ອງກັນ ແລະ ບໍ່ເປັນເຈົ້າມະຫາອຳນາດ. ນອກຈາກພະລາກິດປົກປັກຮັກສາປະເທດຊາດ, ກອງທັບປົດປ່ອຍປະຊາຊົນຈີນຍັງໄດ້ປະກອບສ່ວນໃນການສ້າງສັນຕິພາບໂລກ ພາຍໃຕ້ການຮ່ວມມືກັບອົງການສະຫະປະຊາຊາດ, ເຊິ່ງ ສປ ຈີນ ແມ່ນຢູ່ໃນແຖວໜ້າຂອງບັນດາປະເທດທີ່ປະກອບສ່ວນໃນພາລະກິດຮັກສາສັນຕິພາບຂອງອົງການສະຫະປະຊາຊາດ. ໃນໄລຍະ 30 ປີຜ່ານມາ, ກອງກໍາລັງຂອງ ສປ ຈີນໄດ້ປະຕິບັດຕາມຈຸດປະສົງ ແລະ ຂໍ້ກໍານົດຂອງກົດບັດສະຫະປະຊາຊາດຢ່າງຫ້າວຫັນ. ກອງທັບ ສປ ຈີນ ໄດ້ສົ່ງກອງກໍາລັງ ທັງໝົດ 40.000 ຄົນ ເຂົ້າຮ່ວມກອງກໍາລັງຮັກສາສັນຕິພາບຂອງອົງການສະຫະປະຊາຊາດ, ໄດ້ແລກປ່ຽນຮ່ວມມືກັບ 90 ກວ່າປະເທດ ແລະ 10 ກວ່າອົງການຈັດຕັ້ງຂອງພາກພື້ນ ແລະ ສາກົນ, ເປັນປະເທດທີ່ປະກອບທຶນເຂົ້າໃນຂະບວນການຮັກສາສັນຕິພາບຂອງອົງການສະຫະປະຊາຊາດຫຼາຍເປັນອັນດັບ 2, ເຊິ່ງສະແດງໃຫ້ເຫັນເຖິງຄວາມເປັນເຈົ້າການໃນການປະກອບສ່ວນ ປົກປັກຮັກສາສັນຕິພາບ ແລະ ຄວາມໝັ້ນຄົງຢູ່ພາກພື້ນ ແລະ ສາກົນ.

       ສຳລັບການພົວພັນລະຫວ່າງ ສອງກອງທັບ ລາວ-ຈີນ, ໃນໄລຍະທີ່ຜ່ານມາທັງສອງຝ່າຍ ແມ່ນມີມູນເຊື້ອແຫ່ງການພົວພັນ ແລະ ຮ່ວມມືອັນດີງາມມາເປັນເວລາດົນນານ, ກອງທັບປົດປ່ອຍປະຊາຊົນຈີນ ໄດ້ປະກອບສ່ວນອັນສຳຄັນເຂົ້າໃນພາລະກິດການປະຕິວັດປົດປ່ອຍຊາດຂອງ ສປປ ລາວ ດັ່ງທີ່ ປະທານ ໄກສອນ ພົມວິຫານ ໄດ້ກ່າວຢູ່ໃນງານລ້ຽງຕ້ອນຮັບໃນໂອກາດຢ້ຽມຢາມ ສປ ຈີນ ຄັ້ງວັນທີ 18 ມີນາ 1976 ທີ່ ນະຄອນຫຼວງປັກກິ່ງ ວ່າ: ...ບໍ່ມີອັນໃດຈະສົງໄສໄປອີກແລ້ວ ມິດຕະພາບສະຖານອ້າຍນ້ອງ ແລະ ຄວາມສາມັກຄີແບບສູ້ຮົບ ລະຫວ່າງ ພັກປະຊາຊົນປະຕິວັດລາວ ແລະ ພັກກອມມູນິດຈີນ, ລະຫວ່າງ ປະຊາຊົນລາວ ກັບ ປະຊາຊົນຈີນ ໄດ້ມີການຈະເລີນງອກງາມ. ປະຊາຊົນລາວ ຈະອອກແຮງປົກປັກຮັກສາ ແລະ ເສີມສ້າງມິດຕະພາບ ແລະ ຄວາມສາມັກຄີນັ້ນໃຫ້ຈະເລີນງອກງາມຂຶ້ນໄປເລື້ອຍໆ. ໃນໄລຍະປະເທດຊາດມີສັນຕິພາບ ສອງກອງທັບ ລາວ-ຈີນ ໄດ້ສືບຕໍ່ມູນເຊື້ອອັນດີງາມ ເພີ່ມທະວີການພົວພັນຮ່ວມມືໃນຫລາຍຂົງເຂດວຽກງານ ເປັນຕົ້ນແມ່ນກໍ່ສ້າງນາຍ ແລະ ພົນທະຫານ, ການຮັບມືກັບການແຜ່ລະບາດຂອງເຊື້ອພະຍາດ, ການກອບກູ້ຈາກໄພທໍາມະຊາດ, ການຮ່ວມກັນລາດຕະເວນຕາມລໍາແມ່ນໍ້າຂອງ, ການຮັກສາຄວາມເປັນລະບຽບຮຽບຮ້ອຍຕາມບໍລິເວນຊາຍແດນ ແລະ ອື່ນໆ ຢ່າງເປັນຮູບປະທຳ ເຊິ່ງໄດ້ປະກອບສ່ວນເຂົ້າໃນການສ້າງຄວາມເຂັ້ມແຂງໃຫ້ແກ່ກອງທັບປະຊາຊົນລາວ ເພື່ອພ້ອມກັນອອກແຮງຮັກສັນຕິພາບ ແລະ ຄວາມໝັ້ນຄົງຢູ່ໃນພາກພື້ນ.

ແຈ້ງການ

*(ໃຫມ່) ບົດຄວາມ  ສະເຫຼີມສະຫຼອງວັນສ້າງຕັ້ງສາຍພົວພັນການທູດ ລາວ-ຈີນ ຈີນ-ລາວ ຄົບຮອບ 61 ປີ ບົດທີ 1 (ການພົວພັນ ລະຫວ່າງ ການນຳຂັ້ນສູງ ສອງພັກ ສອງລັດ ລາວ-ຈີນ ຈີນ-ລາວ)

 

*(ໃຫມ່) ບົດຄວາມ ສະເຫຼີມສະຫຼອງວັນສ້າງຕັ້ງສາຍພົວພັນການທູດ ລາວ-ຈີນ ຈີນ-ລາວ ບົດທີ 2 (ຄູ່ຮ່ວມຊາຕາກຳ ລາວ-ຈີນ ຈີນ-ລາວ)

 

*(ໃຫມ່) ບົດຄວາມ ສະເຫຼີມສະຫຼອງວັນສ້າງຕັ້ງສາຍພົວພັນການທູດ ລາວ-ຈີນ ຈີນ-ລາວ ບົດທີ 3 (ສ້າງຄວາມຜາສຸກໃຫ້ແກ່ປະຊາຊົນ ລາວ-ຈີນ ຈີນ-ລາວ)

 

*(ໃໝ່) ລັດຖະມົນຕີກະຊວງການຕ່າງປະເທດ ແຫ່ງ ສສ ຫວຽດນາມ ຈະເດີນທາງຢ້ຽມຢາມ ສປປ ລາວ ຢ່າງເປັນທາງການ

 

*(ໃໝ່) ປະກາດຮັບສະໝັກພະນັກງານ ຂອງກະຊວງການຕ່າງປະເທດ ປະຈຳປີ 2022

 

* (ໃໝ່) ບົດຄວາມໂດຍ ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ເນື່ອງໃນໂອກາດວັນສ້າງຕັ້ງ ຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ຄົບຮອບ 6 ປີ 23 ມີນາ 2016 - 23 ມີນາ 2022

 

* (ໃໝ່) ຖະແຫຼງຂ່າວຂອງ ໂຄສົກກະຊວງການຕ່າງປະເທດ ແຫ່ງ ສປປ ລາວ ປະຈຳວັນທີ 26 ກຸມພາ 2022

 

*ຖະແຫຼງຂ່າວ ຂອງໂຄສົກກະຊວງການຕ່າງປະເທດ ແຫ່ງ ສປປ ລາວ ປະຈຳວັນທີ 11 ມັງກອນ 2022

 

*ຄຳແນະນຳ ກ່ຽວກັບ ຂັ້ນຕອນໃນການປະກອບເອກະສານ ຂໍອະນຸຍາດ ເຂົ້າ-ອອກ ສປປ ລາວ

* ບົດຄວາມ: ສືບທອດມູນເຊື້ອການເຄື່ອນໄຫວການທູດອັນດີເລີດຂອງ ປະທານ ໄກສອນ ພົມວິຫານ ແລະ ປະທານ ສຸພານຸວົງ

* ບົດຄວາມ: ການເຄື່ອນໄຫວວຽກງານການທູດ ໄດ້ມີບົດບາດສຳຄັນໃນການປະກອບສ່ວນ ໃນການຂົນຂວາຍການຊ່ວຍເຫຼືອຈາກສາກົນ ໃນວຽກງານປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19

* ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ

#ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

#ຄຳແນະນຳສຳລັບຜູ້ທີ່ຈະເດີນທາງເຂົ້າ ສປປ ລາວ ໃນໄລຍະດຳເນີນມາດຕະການປ້ອງກັນ,ຄວບຄຸມ ແລະ ແກ້ໄຂການລະບາດຂອງພະຍາດCovid-19 (ວັນທີ 26 ກຸມພາ 2021)

#ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

#ປະກາດ ຄັດເລືອກບຸກຄົນ ຫຼື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2021.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19.

*ສະຖານເອກອັກຄະລັດຖະທູດ ແຫ່ງ ສະຫະລັດ ອາເມຣິກາ ປະຈຳ ສປປ ລາວ ງົດການອອກວີຊາບາງປະເພດ ໃຫ້ແກ່ພົນລະເມືອງລາວ.

*ຄໍາແນະນໍາ ກ່ຽວກັບ ຂັ້ນຕອນລະອຽດໃນການປະກອບເອກະສານ ຂໍອະນຸຍາດ ເຂົ້າ-ອອກ ສປປ ລາວ, ວັນທີ 31 ກໍລະກົດ 2020.

*ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການສືບຕໍ່ໂຈະການອອກວີຊາທຸກປະເພດ ເຖິງວັນທີ 3 ພຶດສະພາ 2020.

*ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ.

*ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດ Covid-19.

*ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
324653
ມື້ນີ້89
ມື້ວານ175
ອາທິດນີ້405
ເດືອນນີ້6176