ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ບົດຄວາມ ການພົວພັນລະຫວ່າງການນຳຂັ້ນສູງ ສອງພັກ ສອງລັດ ລາວ-ຈີນ ຈີນ-ລາວ

 

 

ລົງເລິກຜັນຂະຫຍາຍແນວຄິດການຕ່າງປະເທດ ສີ ຈິ້ນຜິງ,

ຮັບໃຊ້ການພົວພັນລະຫວ່າງການນຳສູງສຸດ ສອງພັກ ສອງລັດ ລາວ-ຈີນ ຈີນ-ລາວ ຢ່າງສຸດອົກສຸດໃຈ

ບົດຄວາມສະຫຼອງວັນສ້າງຕັ້ງສາຍພົວພັນການທູດ ລາວ-ຈີນ ຈີນ-ລາວ ຄົບຮອບ 61 ປີ ບົດທີ 1

 

ເນື່ອງໃນໂອກາດປະຊາຊົນລາວສະເຫຼີມສະຫຼອງປີໃໝ່ລາວ ດ້ວຍບັນຍາກາດເບີກບານມ່ວນຊື່ນ, ປະເທດຈີນກັບປະເທດລາວໄດ້ສ້າງຕັ້ງສາຍພົວພັນການທູດຄົບຮອບ 61 ປີ. ໃນປີທີ່ຜ່ານມາ, ສອງຝ່າຍໄດ້ສະເຫຼີມສະຫຼອງການສ້າງຕັ້ງສາຍພົວພັນການທູດ ຄົບຮອບ 60 ປີ ແລະ ປີມິດຕະພາບ ຈີນ-ລາວ ລາວ-ຈີນ ຢ່າງຟົດຟື້ນ, ການສ້າງຄູ່ຮ່ວມຊາຕາກຳ ຈີນ-ລາວ ລາວ-ຈີນ ມີຄວາມຄືບໜ້າຢ່າງຮອບດ້ານ, ທາງລົດໄຟ ຈີນ-ລາວ ລາວ-ຈີນ ໄດ້ເປີດນຳໃຊ້ຢ່າງເປັນທາງການ. ໂດຍສະເພາະແມ່ນ ສະຫາຍ ສີຈິ້ນຜິງ ເລຂາທິການໃຫຍ່ ປະທານປະເທດ ແຫ່ງ ສປ ຈີນ ກັບ ສະຫາຍ ທອງລຸນ ສີສຸລິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ໄດ້ເຂົ້າຮ່ວມພິທີເປີດນຳໃຊ້ທາງລົດໄຟ ຈີນ-ລາວ ລາວ-ຈີນ ແລະ ຈັດການພົບປະແບບທາງໄກ ແລະ ຊີ້ອອກວ່າ, ສາຍພົວພັນ ຈີນ-ລາວ ລາວ-ຈີນ ສາມາດຜ່ານຜ່າການທົດສອບແຫ່ງການປ່ຽນແປງຢ່າງສັບສົນຂອງສະຖານະການສາກົນ,ແລະ ຍິ່ງດົນຍິ່ງແໜ້ນແຟ້ນ, ຍິ່ງດົນຍິ່ງມີຜົນປະໂຫຍດໃໝ່, ເນື່ອງຈາກວ່າ ສອງຝ່າຍ ຍຶດໝັ້ນອຸດົມການອັນດຽວກັນ, ໄວ້ເນື້ອເຊື່ອໃຈເຊິ່ງກັນ ແລະ ກັນ, ຊ່ວຍເຫຼືອອູ້ມຊູເຊິ່ງກັນ ແລະ ກັນ ແລະ ຮ່ວມຊາຕາກຳ; ສະຫາຍເລຂາທິການໃຫຍ່ສອງປະເທດ ຍັງເນັ້ນໜັກວ່າ, ປະເທດຈີນ ກັບ ປະເທດລາວ ຕ່າງກໍຍຶດໝັ້ນການນຳພາຂອງພັກກອມມູນິດ ແລະ ທິດທາງສັງຄົມນິຍົມ, ເຊິ່ງເປັນເອກະລັກພື້ນຖານຂອງສາຍພົວພັນ ຈີນ-ລາວ ລາວ-ຈີນ, ສອງຝ່າຍ ຕ້ອງຍຶດໝັ້ນຮ່ວມກັນຮັກສາພາລະກິດສັງຄົມນິຍົມ ແລະ ເລີ່ມຈາກຈຸດສູງທາງການເມືອງ ແລະ ຍຸດທະສາດດັ່ງກ່າວນີ້, ຊຸກຍູ້ສາຍພົວພັນສອງພັກສອງລັດ ກ້າວເຂົ້າສູ່ລະດັບໃໝ່ ແລະ ສ້າງຄູ່ຮ່ວມຊາຕາກຳທີ່ແໜ້ນແຟ້ນຢ່າງຕໍ່ເນື່ອງ. ການນຳສູງສຸດສອງພັກສອງລັດ ຍັງມີຄວາມຮັບຮູ້ເປັນເອກະພາບກັນທາງດ້ານການຮັກສາຄວາມໝັ້ນຄົງທາງການເມືອງ ແລະ ລະບອບ, ລົງເລິກການແລກປ່ຽນເຊິ່ງກັນ ແລະ ກັນທາງດ້ານການຄຸ້ມຄອງພັກ ແລະ ບໍລິຫານລັດ, ຊຸກຍູ້ການຮ່ວມມືຮອບດ້ານ ແລະ ສ້າງຜົນປະໂຫຍດໃຫ້ແກ່ປະຊາຊົນສອງຊາດ, ເຊິ່ງເປັນຫຼັກການພື້ນຖານ ແລະ ກຳລັງແຮງໃຫ້ແກ່ການສ້າງຄູ່ຮ່ວມຊາຕາກຳຈີນ-ລາວ ລາວ-ຈີນ ແລະ ສະແດງໃຫ້ເຫັນການພົວພັນລະຫວ່າງການນຳສູງສຸດສອງພັກສອງລັດ ໄດ້ເສີມຂະຫຍາຍບົດບາດຊີ້ນຳນຳພາຕໍ່ການພັດທະນາສາຍພົວພັນຈີນ-ລາວ ລາວ-ຈີນ ຢ່າງບໍ່ມີສິ່ງໃດປ່ຽນແທນໄດ້.

 

ເນື່ອງຈາກວ່າການພົວພັນລະຫວ່າງການນຳສູງສຸດມີບົດບາດສຳຄັນໃນການຊີ້ນຳນຳພາ ແລະ ໃຫ້ກຳລັງແຮງຕໍ່ການພົວພັນສອງຝ່າຍ, ຝ່າຍຈີນ ຍາມໃດກໍຖືການຮັບໃຊ້ ແລະ ຮັບປະກັນການພົວພັນລະຫວ່າງການນຳສູງສຸດສອງພັກສອງລັດ ເປັນວຽກງານສຳຄັນທີ່ສຸດໃນການພົວພັນສອງຝ່າຍ ແລະ ເປັນມາດຕະການສຳຄັນ ເພື່ອຈັດຕັ້ງປະຕິບັດແນວຄິດການຕ່າງປະເທດສີຈິ້ນຜິງ. ເພາະສະນັ້ນ, ໃນປີມິດຕະພາບ ຈີນ-ລາວ ລາວ-ຈີນ, ສອງຝ່າຍ ໄດ້ຈັດ “ກອງປະຊຸມສຳມະນາກ່ຽວກັບຄວາມໝາຍຕໍ່ໂລກຂອງແນວຄິດການຕ່າງປະເທດ ສີຈິ້ນຜິງ”. ໃນກອງປະຊຸມດັ່ງກ່າວ, ຝ່າຍຈີນ ໄດ້ບັນລະຍາຍຄວາມໝາຍສຳຄັນ, ຈິດໃຈພື້ນຖານ ແລະ ເນື້ອໃນທີ່ອຸດົມສົມບູນຂອງແນວຄິດການຕ່າງປະເທດສີຈິ້ນຜິງ ແລະ ສະແດງວ່າ ເລຂາທິການໃຫຍ່ ສີຈິິ້ນຜິງ ໃນຖານະເປັນນັກການເມືອງ, ນັກແນວຄິດ ແລະ ນັກຍຸດທະສາດລັດທິມາກ, ເພິ່ນໄດ້ນຳໃຊ້ສະຕິປັນຍາທາງດ້ານການເມືອງທີ່ດີເລີດ, ຄວາມກ້າຫານທາງດ້ານທິດສະດີທີ່ພົ້ນເດັ່ນ ແລະ ນ້ຳໃຈຮັບຜິດຊອບຕໍ່ທົ່ວໂລກ, ຄຳນຶງເຖິງສະພາບການຍຸດທະສາດຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນ ແລະ ສະຖານະການປ່ຽນແປງຂອງໂລກທີ່ບໍ່ເຄີຍມີໃນຮອບຮ້ອຍປີ, ໄດ້ນຳພາພຶດຕິກຳ ການຕ່າງປະເທດທີ່ມີສີສັນພິເສດຂອງຈີນ ໃນຖານະເປັນມະຫາປະເທດ ແລະ ໄດ້ສະເໜີແນວຄິດໃໝ່, ທັດສະນະໃໝ່ ແລະ ຂໍ້ລິເລີ່ມໃໝ່ທາງດ້ານການຕ່າງປະເທດຈຳນວນຫຼວງຫຼາຍທີ່ມີຫົວຄິດປະດິດສ້າງແລະ ມີບົດບາດຊີ້ນຳນຳພາ, ເຊິ່ງເປັນຫຼັກການພື້ນຖານ ແລະ ທິດທາງຊີ້ນຳຕໍ່ພຶດຕິກຳການຕ່າງປະເທດ ທີ່ມີສີສັນພິເສດຂອງຈີນ ແລະ ສະໜອງສະຕິປັນຍາ ແລະ ບົດຮຽນຂອງຈີນ ຕໍ່ການແກ້ໄຂຄວາມຫຍຸ້ງຍາກຂອງທົ່ວໂລກ.ໂດຍສະເພາະຕໍ່ກັບຄຳຖາມ “ໂລກເປັນແນວໃດແລ້ວ, ພວກເຮົາຈະເຮັດແນວໃດ”, ເລຂາທິການໃຫຍ່ ສີຈິ້ນຜິງ ຮຽກຮ້ອງໃຫ້ສ້າງປະຊາຄົມຮ່ວມຊາຕາກຳຂອງມວນມະນຸດດ້ວຍສາຍຕາເບິ່ງກວ້າງມອງໄກ, ຊຸກຍູ້ສ້າງໂລກທີ່ມີສັນຕິພາບຍາວນານ, ມີຄວາມໝັ້ນຄົງທົ່ວໄປ, ມີຄວາມຈະເລີນຮຸ່ງເຮືອງຮ່ວມກັນ, ມີຄວາມເປີດກວ້າງ ແລະ ໂອບເອື້ອອາລີ ແລະ ມີຄວາມສະອາດສວຍງາມ, ຊຸກຍູ້ສ້າງສາຍພົວພັນສາກົນແບບໃໝ່ທີ່ເຄົາລົບເຊິ່ງກັນ ແລະ ກັນ, ມີຍຸດຕິທຳ ແລະ ຄວາມເປັນທຳ ແລະ ຮ່ວມມືຢ່າງຮັບຊະນະພ້ອມກັນ, ເສີມຂະຫຍາຍຄຸນຄ່າຮ່ວມຂອງມວນມະນຸດທີ່ມີສັນຕິພາບ, ການພັດທະນາ, ຍຸດຕິທຳ, ຄວາມເປັນທຳ, ປະຊາທິປະໄຕ ແລະ ເສລີພາບ, ໄດ້ຮັບຄວາມເຂົ້າໃຈ ແລະ ການສະໜັບສະໜູນຢ່າງກວ້າງຂວາງຈາກປະຊາຄົມໂລກ, ເປັນກຳລັງທາງບວກໃຫ້ແກ່ໂລກທີ່ມີປັດໄຈບໍ່ໝັ້ນຄົງ ແລະ ບໍ່ແນ່ນອນ, ແລະ ຊີ້ນຳທິດທາງໃຫ້ແກ່ການພັດທະນາກ້າວໜ້າຂອງປະຊາຄົມມວນມະນຸດ.

 

ຝ່າຍລາວ ໄດ້ໃຫ້ຕອບ​ໂຕ້​ຢ່າງຕັ້ງໜ້າຕໍ່ຂໍ້ລິເລີ່ມດັ່ງກ່າວ ແລະ ໄດ້ກ່າວວ່າ, ເລຂາທິຫານໃຫຍ່ ສີຈິ້ນຜິງ ໄດ້ສະເໜີຂໍ້ລິເລີ່ມ "ໜຶ່ງແລວໜຶ່ງເສັ້ນທາງ" ແລະ ທັດສະນະກ່ຽວກັບການສ້າງປະຊາຄົມຮ່ວມຊາຕາກຳຂອງມວນມະນຸດຢ່າງມີຫົວຄິດປະດິດສ້າງ ເຊິ່ງເປັນການປະກອບສ່ວນອັນພົ້ນເດັ່ນໃຫ້ແກ່ປະຊາຄົມສາກົນ, ສປປ ລາວ ກໍໄດ້ຮັບຜົນປະໂຫຍດຢ່າງຫຼວງຫຼາຍ. ປະເທດຈີນກັບປະເທດລາວ ຕ່າງກໍເປັນປະເທດສັງຄົມນິຍົມ ແລະ ເປັນບ້ານໃກ້ເຮືອນຄຽງທີ່ດີ, ມີອຸດົມການອັນດຽວກັນ, ສະນັ້ນການດຳເນີນການແລກປ່ຽນ ແລະ ຄົ້ນຄວ້າກ່ຽວກັບແນວຄິດການຕ່າງປະເທດ ສີຈິ້ນຜິງ ແມ່ນມີຄວາມໝາຍສຳຄັນພິເສດ,ຈະຊ່ວຍພວກເຮົາຮັບຮູ້ທ່າອ່ຽງ ແລະ ທິດທາງຢ່າງຈະແຈ້ງໃນສະຖານະການສາກົນ ແລະ ພາກພື້ນທີ່ສັບສົນໃນປະຈຸບັນ, ເພື່ອຮ່ວມກັນກຳແໜ້ນກາລະໂອກາດການພັດທະນາ, ຮັບມືກັບຄວາມສ່ຽງ ແລະ ສິ່ງທ້າທາຍ ແລະ ສ້າງອະນາຄົດທີ່ສົດໃສ. ພວກເຮົາ​ດີໃຈ​ທີ່​ໄດ້​ເຫັນ​ວ່າ,​ທັດສະນະຫຼັກ​ຂອງ​ແນວຄິດການຕ່າງປະເທດ ສີຈິ້ນຜິງ ​ໄດ້​ຫັນ​ເປັນ​ການ​ປະຕິບັດຕົວຈິງ​ຢ່າງ​ມີຊີວິດຊີວາຂອງ​ການ​ຮ່ວມ​ມື​ຍຸດ​ທະ​ສາດ​ຮອບດ້ານ​ ຈີນ-ລາວ ລາວ-ຈີນ. ສອງ​ປະ​ເທດ ຈີນ​-ລາວ ຍຶດໝັ້ນ​ການ​ນຳພາ​ລວມສູນເປັນເອກະພາບຂອງພັກ​ຕໍ່ກັບ​ວຽກ​ງານ​ການ​ຕ່າງປະ​ເທດ, ​ຍຶດໝັ້ນ​​ສູນ​ກາງ​ພັກ​ມີອຳນາດຕັດສິນນະໂຍບາຍການຕ່າງປະເທດ, ອັນນີ້​ໄດ້​ກາຍ​ເປັນ​ການ​ຮັບປະກັນ​ອັນກົກຮາກທີ່​ວຽກ​ງານ​ການ​ຕ່າງປະເທດ ສາມາດ​ຜ່ານ​ຜ່າ​​ຄວາມ​ຫຍຸ້ງຍາກ ​ແລະ ​ບັນລຸ​ໄຊຊະນະທຸກຢ່າງໄດ້. ການນຳສູງສຸດຂອງສອງຝ່າຍ ໄດ້ລົງນາມແຜນແມ່ບົດ ວ່າດ້ວຍ ການສ້າງຄູ່ຮ່ວມຊາຕາກຳ ຈີນ-ລາວ ລາວ-ຈີນ ເພື່ອສະແຫວງຫາ ແລະ ສ້າງສາຍພົວພັນລະຫວ່າງປະເທດສັງຄົມນິຍົມແບບໃໝ່ບົນພື້ນຖານສາຍພົວພັນສາກົນແບບໃໝ່, ອັນນີ້ເປັນການກະທຳຢ່າງປະດິດສ້າງອັນສຳຄັນໃນປະຫວັດສາດທາງການທູດຂອງສອງປະເທດ. ພວກເຮົາຢູ່ແຖວ​ໜ້າ​ຂອງ​ການ​ຮ່ວມ​ກັນສ້າງ "ໜຶ່ງ​ແລວ​​ໜຶ່ງ​ເສັ້ນ​ທາງ", ແລວ​ທາງ​ເສດ​ຖະ​ກິດ​ ຈີນ-ລາວ ລາວ-ຈີນ ໄດ້​ປ່ຽນ​ຈາກ​ແຜນແມ່ບົດ​ກາຍ​ເປັນ​ຄວາມ​ຈິງ, ທາງ​ລົດ​ໄຟ ​ຈີນ-ລາວ ລາວ-ຈີນ ແລະ ​ທາງ​ດ່ວນ​ວຽງຈັນ ຫາ ວັງວຽງ ​ກໍ​ໄດ້​ເປີດນຳໃຊ້​ຢ່າງ​ສຳ​ເລັດ​ຜົນ. ການຮ່ວມມືສອງຝ່າຍໄດ້ສ້າງເປັນຮູບແບບໃໝ່ໂດຍ​ມີຄວາມຮັບຮູ້ເປັນເອກະພາບກັນອັນສຳຄັນຂອງ​ ສະຫາຍເລຂາທິການ​ໃຫຍ່​ສອງພັກ ​ເປັນ​ທິດ​ຊີ້​ນຳ, ຖືການຈັດ​ຕັ້ງ​ປະຕິບັດ​ແຜນແມ່ບົດ ວ່າດ້ວຍ ການສ້າງຄູ່ຮ່ວມຊາຕາກຳ ຈີນ-ລາວ ລາວ-ຈີນ ເປັນ​ສາຍຫຼັກ​ ແລະ ​ຖືການ​ຮ່ວມ​ມື​ສ້າງ "ໜຶ່ງ​ແລວ​​ໜຶ່ງ​ເສັ້ນທາງ" ​ເປັນ​ເວທີ.

 

​ເນື່ອງ​ໃນ​ໂອກາດ​ສະເຫຼີມສະຫຼອງການສ້າງຕັ້ງສາຍພົວພັນທາງການທູດ ລະຫວ່າງ ສປ ຈີນ - ສປປ ລາວຄົບຮອບ 61 ປີ, ພວກເຮົາຮູ້ສຶກຕື່ນເຕັ້ນໃຈຍ້ອນວ່າສາຍພົວພັນສອງຝ່າຍ ໄດ້ຮັບການຂະຫຍາຍຕົວອັນຍາວໄກພາຍໃຕ້ການນຳພາຂອງການນຳສູງສຸດສອງພັກສອງລັດ, ພ້ອມ​ກັນ​ນັ້ນ, ກໍ​ໄດ້​ເພີ່ມ​ຄວາມ​ຮັບຜິດຊອບ​ໃນ​ການ​ປະຕິບັດຄວາມຮັບຮູ້ເປັນເອກະພາບກັນອັນສຳຄັນຂອງການນຳສູງສຸດສອງພັກສອງ​ລັດ. ສະນັ້ນ, ໃນວັນດຽວກັນທີ່ ສະຫາຍເລຂາທິການໃຫຍ່ ສີຈິ້ນຜິງ ພົບປະແບບທາງໄກກັບ ສະຫາຍເລຂາທິການໃຫຍ່ ທອງລຸນ ສີສຸລິດ, ສະຫາຍ ຫວັງອີ້ ທີ່​ປຶກສາ​ແຫ່ງ​ລັດ​, ​ລັດ​ຖະ​ມົນ​ຕີ​ກະຊວງການ​ຕ່າງ​ປະ​ເທດ ແຫ່ງ ສປ ຈີນ ກັບ ສະຫາຍ ສະເຫຼີມໄຊ ກົມມະສິດ, ລັດ​ຖະ​ມົນ​ຕີກະຊວງການ​ຕ່າງ​ປະ​ເທດ ແຫ່ງ ສປປ ລາວ ໄດ້​ແລກ​ປ່ຽນ​ຄວາມ​ເຫັນ​ຢ່າງຮອບດ້ານ ແລະ ​​ຈັດ​​ການວຽກງານເປັນສັງ​ລວມ. ໃນຕໍ່ໜ້າ, ພວກເຮົາຈະສືບຕໍ່ຮ່ວມກັບຝ່າຍລາວ ຊຸກຍູ້ປະຕິບັດຄວາມຮັບຮູ້ເປັນເອກະພາບກັນອັນສຳຄັນດັ່ງກ່າວຢ່າງສຸດຄວາມແຮງ ພາຍໃຕ້ການຊີ້ນຳນຳພາຂອງ​ແນວຄິດການຕ່າງປະເທດ ສີຈິ້ນຜິງ: ​ເພີ່ມ​ທະວີ​ການ​ແລກປ່ຽນ​ຖອດຖອນບົດຮຽນ​ດ້ານ​ການ​ຄຸ້ມຄອງພັກບໍລິຫານລັດ, ຮ່ວມ​ກັນ​ຍຶດໝັ້ນ​ເສັ້ນທາງ​ສັງຄົມ​ນິຍົມໃຫ້ດີ, ຮັດ​ແໜ້ນ​ລະບອບ​ສັງຄົມ​ນິຍົມໃຫ້ດີ, ພັດທະນາ​ພາລະກິດສັງຄົມ​ນິຍົມໃຫ້ດີ, ລົງ​ເລິກ​ການ​ຮ່ວມ​ມື​ຍຸດ​ທະ​ສາດ​ຮອບດ້ານ, ຊຸກຍູ້​ການ​ຮ່ວມ​ມື​ກໍ່​ສ້າງ "ໜຶ່ງ​ແລວ​​ໜຶ່ງ​ເສັ້ນທາງ" ໃຫ້ມີ​ຄຸນ​ນະພາ​ບສູງ​ໂດຍຜ່ານການພັດທະນາທາງລົດ​ໄຟ​ ຈີນ-ລາວ ລາວ-ຈີນ, ​ເລັ່ງລັດ​ການ​ສ້າງ​ແລວ​ທາງ​ເສດຖະກິດ​ ຈີນ-ລາວ ລາວ-ຈີນ ແລະ ​ຍົກ​ລະດັບ​ການ​ຮ່ວມ​ມື​ເປັນຮູບປະທຳ ລະຫວ່າງ ​ຈີນ-ລາວ; ​ເນັ້ນ​ໜັກ​ເຖິງ​ທັດສະນະທີ່ຖື​ປະຊາຊົນເປັນຫຼັກ, ​ເພີ່ມ​ທະວີ​ການ​ຮ່ວມ​ມື​ຕ້ານການ​ແຜ່​ລະບາດ​ຂອງ​ພະຍາດໂຄວິດ-19,​ ເພີ່ມ​ການ​ຊ່ວຍ​ເຫຼືອ​ດ້ານວັກ​ແຊງ,​ ເລັ່ງລັດສ້າງ​ໂຮງໝໍ​ແລະ ມອບ-ຮັບໂຮງຮຽນທີ່ສ້າງຂຶ້ນໂດຍບໍລິຈາກ; ປະສານ​ສົມທົບດ້ານຫຼາຍ​ຝ່າຍ​ໃຫ້​ແໜ້ນ​ແຟ້ນກວ່າເກົ່າ, ຮ່ວມ​ກັນ​ປະຕິບັດ​ຂໍ້​ລິ​ເລີ່​ມການພັດທະນາ​ທົ່ວ​ໂລກ, ​ຮັກສາ​ລັດທິ​ຫຼາຍ​ຝ່າຍ​ທີ່​ແທ້​ຈິງ, ຊຸກຍູ້​ການ​ສ້າງ​ປະຊາ​ຄົມຮ່ວມຊາຕາກຳຂອງ​ມວນ​ມະນຸດ. ພວກ​ເຮົາ​ເຊື່ອໝັ້ນ​ວ່າ, ພາຍໃຕ້ການນໍາພາຮ່ວມກັນຂອງ ສະຫາຍເລຂາທິການໃຫຍ່ ສີຈິ້ນຜິງ ແລະ ສະຫາຍເລຂາທິການໃຫຍ່ ທອງລຸນ ສີສຸລິດ, ພາຍໃຕ້ຄວາມພະຍາຍາມຮ່ວມກັນຂອງທຸກພາກສ່ວນ ແລະ ທ້ອງຖິ່ນຂອງສອງຝ່າຍ, ສາຍພົວພັນ ຈີນ-ລາວ ລາວ-ຈີນ ທີ່ໄດ້ກ້າວເຂົ້າສູ່ໄລຍະອີກ 60 ປີ ຕ້ອງບຸກເບີນສ້າງສະພາບການໃໝ່ ແລະ ເປີດສັງກາດໃໝ່ຢ່າງບໍ່ຢຸດຢັ້ງ.

ແຈ້ງການ

* (ໃໝ່) ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ຈະເດີນທາງເຂົ້າຮ່ວມ ກອງປະຊຸມລັດຖະມົນຕີຕ່າງປະເທດ ຂອບການຮ່ວມມືແມ່ນ້ຳຂອງ-ແມ່ນ້ຳລ້ານຊ້າງ ຄັ້ງທີ 7 ທີ່ ສສ ມຽນມາ.

 

* (ໃໝ່) ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໃຫ້ສຳພາດຕໍ່ບັນດາສື່ມວນຊົນລາວ ກ່ຽວກັບ ປີສາມັກຄີມິດຕະພາບ ລາວ-ຫວຽດນາມ 2022.

 

* (ໃໝ່) ແຈ້ງການ ກ່ຽວກັບ ການປ່ຽນຊື່ປະເທດ ຕວັກກີ.

 

* (ໃໝ່) ຮ່າງກົດໝາຍ ວ່າດ້ວຍໜັງສືຜ່ານແດນ ແລະ ຮ່າງດຳລັດ ວ່າດ້ວຍການເຄື່ອນໄຫວຂອງສຳນັກງານຜູ້ຕາງໜ້າ ແຫ່ງ ສປປ ລາວ ປະຈຳຢູ່ຕ່າງປະເທດ ເພື່ອຮັບໃຊ້ການພັດທະນາເສດຖະກິດແຫ່ງຊາດ.

 

* (ໃໝ່) ຖະແຫຼງຂ່າວຂອງ ໂຄສົກກະຊວງການຕ່າງປະເທດ ແຫ່ງ ສປປ ລາວ ປະຈຳວັນທີ 26 ກຸມພາ 2022.

 

*ຄຳແນະນຳ ກ່ຽວກັບ ຂັ້ນຕອນໃນການປະກອບເອກະສານ ຂໍອະນຸຍາດ ເຂົ້າ-ອອກ ສປປ ລາວ

* ບົດຄວາມ: ສືບທອດມູນເຊື້ອການເຄື່ອນໄຫວການທູດອັນດີເລີດຂອງ ປະທານ ໄກສອນ ພົມວິຫານ ແລະ ປະທານ ສຸພານຸວົງ

* ບົດຄວາມ: ການເຄື່ອນໄຫວວຽກງານການທູດ ໄດ້ມີບົດບາດສຳຄັນໃນການປະກອບສ່ວນ ໃນການຂົນຂວາຍການຊ່ວຍເຫຼືອຈາກສາກົນ ໃນວຽກງານປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19

* ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ

#ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

#ຄຳແນະນຳສຳລັບຜູ້ທີ່ຈະເດີນທາງເຂົ້າ ສປປ ລາວ ໃນໄລຍະດຳເນີນມາດຕະການປ້ອງກັນ,ຄວບຄຸມ ແລະ ແກ້ໄຂການລະບາດຂອງພະຍາດCovid-19 (ວັນທີ 26 ກຸມພາ 2021)

#ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

#ປະກາດ ຄັດເລືອກບຸກຄົນ ຫຼື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2021.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19.

*ສະຖານເອກອັກຄະລັດຖະທູດ ແຫ່ງ ສະຫະລັດ ອາເມຣິກາ ປະຈຳ ສປປ ລາວ ງົດການອອກວີຊາບາງປະເພດ ໃຫ້ແກ່ພົນລະເມືອງລາວ.

*ຄໍາແນະນໍາ ກ່ຽວກັບ ຂັ້ນຕອນລະອຽດໃນການປະກອບເອກະສານ ຂໍອະນຸຍາດ ເຂົ້າ-ອອກ ສປປ ລາວ, ວັນທີ 31 ກໍລະກົດ 2020.

*ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການສືບຕໍ່ໂຈະການອອກວີຊາທຸກປະເພດ ເຖິງວັນທີ 3 ພຶດສະພາ 2020.

*ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ.

*ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດ Covid-19.

*ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
335092
ມື້ນີ້365
ມື້ວານ204
ອາທິດນີ້1728
ເດືອນນີ້970