ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ຖະແຫລງຂ່າວຮ່ວມ ລະຫວ່າງ ລັດຖະມົນຕີກະຊວງການຕ່າງປະເທດ ລາວ-ຣັດເຊຍ

 

PressConferrence

 

ບົດຖະແຫລງຂ່າວ

ພະນະທ່ານ ສະເຫຼີມໄຊ ກົມມະສິດລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ

ຮ່ວມກັບ ພະນະທ່ານ ເຊຣເກ ລາວະຣົບລັດຖະມົນຕີກະຊວງການຕ່າງປະເທດ ແຫ່ງ ສະຫະພັນ ຣັດເຊຍ

ນະຄອນຫລວງວຽງຈັນວັນທີ 7 ກໍລະກົດ 2021

  • ຮຽນ ພະນະທ່ານ ເຊຣເກ ລາວະຣົບລັດຖະມົນຕີກະຊວງການຕ່າງປະເທດ ແຫ່ງ ສະຫະພັນ ຣັດເຊຍ!
  • ບັນດາທ່ານຍິງ ແລະ ທ່ານຊາຍ!

ຂ້າພະເຈົ້າ ຂໍຖືເປັນກຽດຢ່າງສູງ ສະແດງຄວາມຍິນດີຕ້ອນຮັບຢ່າງອົບອຸ່ນ​ ຕໍ່ການມາຢ້ຽມຢາມເຮັດວຽກ ຢູ່ ສປປ ລາວ ​ຂອງ ​ພະນະທ່ານ ເຊຣເກ ລາວະຣົບລັດຖະມົນຕີກະຊວງການຕ່າງປະເທດ ແຫ່ງ ສ.ຣັດເຊຍ ພ້ອມດ້ວຍຄະນະ.

ການຢ້ຽມຢາມຄັ້ງນີ້ ຂອງ ພະນະທ່ານຖືວ່າເປັນນິມິດໝາຍທີ່ສຳຄັນ ໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມື ທີ່ເປັນມູນເຊື້ອອັນດີງາມມາແຕ່ດົນນານ ລວມທັງການເປັນຄູ່ຮ່ວມມືຍຸດທະສາດນໍາກັນລະຫວ່າງ ສປປ ລາວ ແລະ ສ.ຣັດເຊຍ ໄດ້ຮັບການຮັດແໜ້ນຍິ່ງຂຶ້ນ ບົນພື້ນຖານຄວາມເຊື່ອໝັ້ນຄວາມເຂົ້າອົກເຂົ້າໃຈ ແລະ ຕ່າງຝ່າຍຕ່າງໄດ້ຮັບຜົນປະໂຫຍດ.

ການພົບປະຫາລື ລະຫວ່າງ ທ່ານ ເຊຣເກ ລາວະຣົບລັດຖະມົນຕີກະຊວງການຕ່າງປະເທດ ແຫ່ງ ສະຫະພັນ ຣັດເຊຍ ກັບ ຂ້າພະເຈົ້າໃນຕອນເຊົ້າມື້ນີ້ ດຳເນີນໄປດ້ວຍບັນຍາກາດ ແຫ່ງມິດຕະພາບຄວາມເຂົ້າອົກເຂົ້າໃຈ ແລະ ກົງໄປກົງມາຊຶ່ງພວກຂ້າພະເຈົ້າ ໄດ້ເຫັນດີເປັນເອກະພາບກັນ ໃນຫລາຍບັນຫາ ກ່ຽວກັບການພົວພັນຮ່ວມມືສອງຝ່າຍດັ່ງນີ້:

  1. ສອງຝ່າຍ ໄດ້ທົບທວນ ແລະ ຕີລາຄາຄືນການພົວພັນຮ່ວມມື ລາວ-ຣັດເຊຍ ໃນໄລຍະຜ່ານມາຊຶ່ງເຫັນວ່າຜົນສຳເລັດທີ່ສຳຄັນຫຼາຍດ້ານບົນພື້ນຖານການພົວພັນແຫ່ງມິດຕະພາບ ແລະ ການຮ່ວມມື ທີ່ມີມູນເຊື້ອມາແຕ່ດົນນານ ທັງເປັນຄູ່ຮ່ວມມືຍຸດທະສາດດ້ານຄວາມໝັ້ນຄົງໃນພາກພື້ນອາຊີ-ປາຊີຟິກສອງປະເທດ ໄດ້ໃຫ້ການສະໜັບສະໜູນຊ່ວຍເຫລືອເຊິ່ງກັນແລະກັນ ໃນເວທີພາກພື້ນ ແລະ ສາກົນໂດຍສະເພາະການຊ່ວຍເຫຼືອອັນໃຫຍ່ຫລວງ ຂອງລັດຖະບານ ແລະ ປະຊາຊົນ ຣັດເຊຍ ຕໍ່ ສປປ ລາວ;
  2. ສະແດງຄວາມຊົມເຊີຍ ແລະ ຕີລາຄາສູງ ຕໍ່ສາຍພົວພັນ ແລະ ການຮ່ວມມື ອັນເປັນມູນເຊື້ອມາແຕ່ຍາວນານຊຶ່ງປີນີ້ແມ່ນປີພິເສດ ສຳລັບສາຍພົວພັນ ລາວ-ຣັດເຊຍ ຄົບຮອບ 10 ປີ (13/10/2011-13/10/2021) ແຫ່ງ ການເປັນຄູ່ຮ່ວມມືຍຸດທະສາດດ້ານຄວາມໝັ້ນຄົງໃນພາກພື້ນພາກອາຊີ-ອາຊີຟິກ. ຝ່າຍລາວ ຕີລາຄາສູງຕໍ່ບົດບາດ ຂອງຣັດເຊຍ ທີ່ໄດ້ປະກອບສ່ວນຢ່າງຕັ້ງໜ້າໃນພາກພື້ນດັ່ງກ່າວ;
  3. ສອງຝ່າຍ ເປັນເອກະພາບວ່າ ໃນອະນາຄົດສອງປະເທດຕ້ອງການເພີ່ມທະວີການພົວພັນຮ່ວມມືທີ່ດີແລ້ວນັ້ນ ໃຫ້ດີຂຶ້ນ ແລະ ມີໝາກຜົນຫຼາຍກວ່າເກົ່າ ເພື່ອຍົກລະດັບການພົວພັນສອງຝ່າຍຂຶ້ນສູ່ລະດັບໃໝ່;
  4. ສອງຝ່າຍ ໄດ້ຕົກລົງສີືບຕໍ່ຊຸກຍູ້ ແລະ ເສີມຂະຫຍາຍການພົວພັນຮ່ວມມືໃນຂົງເຂດເສດຖະກິດ-ການຄ້າການລົງທຶນພະລັງງານການສຶກສາການທະຫານວິທະຍາສາດ-ເຕັກໂນໂລຊີການທ່ອງທ່ຽວ ແລະ ຂະແໜງ ການອື່ນໆ ທີ່ສອງຝ່າຍມີຜົນປະໂຫຍດຮ່ວມກັນ;
  5. ສອງຝ່າຍ ໄດ້ສະແດງຄວາມຊົມເຊີຍ ໃນໂອກາດ ປີ 2021 ເປັນປີພິເສດ ຄົບຮອບ 30 ປີ ແຫ່ງສາຍພົວພັນ ອາຊຽນ-ຣັດເຊຍ ແລະ 25 ປີ ແຫ່ງການເປັນຄູ່ຮ່ວມເຈລະຈາ ອາຊຽນ-ຣັດເຊຍເຊິ່ງເປັນຂີດໝາຍສໍາຄັນແຫ່ງການສືບຕໍ່ເສີມຂະຫຍາຍການພົວພັນຮ່ວມມື ຢ່າງຕັ້ງໜ້າໃນຂອບອາຊຽນ ເຊັ່ນ: ດ້ານການເມືອງ-ຄວາມໝັ້ນຄົງເສດຖະກິດ ແລະ ວັັດທະນະທໍາ-ສັງຄົມ.
  6. ຕາງໜ້າໃຫ້ລັດຖະບານ ແຫ່ງ ສປປ ລາວ ສະແດງຄວາມຂອບໃຈຢ່າງຈິງໃຈ ຕໍ່ການຊ່ວຍເຫລືອຂອງລັດຖະບານຣັດເຊຍ ໃນການຊ່ວຍສ້າງຊັບພະຍາກອນມະນຸດ ໃຫ້ແກ່ ສປປ ລາວ ໃນໄລຍະຜ່ານມາ ກໍຄື ປະຈຸບັນ ລວມທັງການຊ່ວຍ ເຫຼືອດ້ານທະຫານດ້ານສາທາລະນະສຸກ (ການຊ່ວຍເຫລືອຢາວັກແຊັງນໍ້າຢາກວດຫາເຊື້ອພະຍາດໂຄວິດ-ການເກັບກູ້ລະເບີດບໍ່ທັນແຕກ ແລະ ຊ່ວຍເຫລືອດ້ານມະນຸດສະທໍາຕ່າງໆ;
  7. ດ້ານການຕ່າງປະເທດ ສອງຝ່າຍເຫັນດີສືບຕໍ່ຈັດກອງປະຊຸມປຶກສາຫາລືດ້ານການເມືອງ ລະຫວ່າງ ສອງກະຊວງການຕ່າງປະເທດ ລາວ-ຣັດເຊຍ ໃນລະດັບຮອງລັດຖະມົນຕີກະຊວງການຕ່າງປະເທດ ໂດຍປ່ຽນຜຽນກັນເປັນເຈົ້າພາບ;
  8. ສືບຕໍ່ແລກປ່ຽນການຢ້ຽມຢາມເຊິ່ງກັນ ແລະ ກັນ ໃນລະດັບສູງ ຕະຫລອດຮອດລະດັບວິຊາການຂອງຂະແໜງການທີ່ກ່ຽວຂ້ອງຂອງສອງປະເທດ ເພື່ອຜັນຂະຫຍາຍຜົນການຢ້ຽມຢາມ ແລະ ຊູກຍູ້ບັນດາສັນຍາຮ່ວມມືສອງຝ່າຍ ໃຫ້ໄດ້ຮັບການຈັດ ຕັ້ງປະຕິບັດ ແລະ ເປັນຮູບປະທຳ;
  9. ສອງຝ່າຍ ຊຸກຍູ້ບັນດາໂຄງການລົງທຶນຂອງຣັດເຊຍ ທີ່ກໍາລັງດໍາເນີນ ຢູ່ ສປປ ລາວ ເພື່ອໃຫ້ສາມາດປະຕິບັດສໍາເລັດຕາມລະດັບຄາດໝາຍທີ່ໄດ້ວາງໄວ້;

ສຳຄັນ ມື້ນີ້ ສອງຝ່າຍພວກເຮົາ ໄດ້ຮ່ວມລົງນາມໃນເອກະສານ ວ່າດ້ວຍ ແຜນການປຶກສາຫາລືທາງການເມືອງເພື່ອເປັນພື້ນຖານໃນການຊຸກຍູ້ ແລະ ສົ່ງເສີມການຮ່ວມມື ລະຫວ່າງ ສອງກະຊວງການຕ່າງປະເທດ ລາວ-ຣັດເຊຍ.

ໂດຍລວມແລ້ວຂ້າພະເຈົ້າ ມີຄວາມປິຕິຍິນດີ ແລະ ເພິ່ງພໍໃຈເປັນຢ່າງສູງຕໍ່ຜົນໄດ້ຮັບຂອງການປຶກສາຫາລືໃນມື້ນີ້. ຂ້າພະເຈົ້າຂໍສະແດງຄວາມຂອບໃຈມາຍັງ ພະນະທ່ານ ລັດຖະມົນຕີລາວະຣົບທີ່ໄດ້ນຳພາຄະນຜູ້ແທນຣັດເຊຍ ມາຢ້ຽມຢາມ ສປປ ລາວ ອີກຄັ້ງ ແລະ ຫວັງຢ່າງຍິ່ງວ່າ ພວກເຮົາຈະສືບຕໍ່ປຶກສາຫາລືກັນຢ່າງປົກກະຕິ.

ແຈ້ງການ

* (ໃໝ່) ສປປ ລາວ ຈະເຂົ້າຮ່ວມກອງປະຊຸມສຸດຍອດຜູ້ນຳອະນຸພາກພື້ນແມ່ນ້ຳຂອງ ຄັ້ງທີ 7 ຜ່ານລະບົບທາງໄກ.

* (ໃໝ່) ສານອວຍພອນຂອງ ລັດຖະມົນຕີກະຊວງການຕ່າງປະເທດ, ໃນໂອກາດ ວັນຄົບຮອບ 54 ປີ ແຫ່ງ ການສ້າງຕັ້ງອາຊຽນ ແລະ ຄົບຮອບ 24 ປີ ສປປ ລາວ ເຂົ້າເປັນສະມາຊິກອາຊຽນ.

* (ໃໝ່) ມາດຕະການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດ Covid-19 ໃນໄລຍະວັນທີ 20 ກໍລະກົດ - 03 ສິງຫາ 2021.


#ຄຳສັ່ງ ວ່າດ້ວຍ ການເພີ່ມທະວີມາດຕະການສະກັດກັ້ນ, ຄວບຄູມ ແລະ ກຽມຄວາມພ້ອມຮອບດ້ານ ເພື່ອຕ້ານໂຄວິດ-19 (ວັນທີ 21 ເມສາ 2021)

#ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

#ຄຳແນະນຳສຳລັບຜູ້ທີ່ຈະເດີນທາງເຂົ້າ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ Covid-19 (ວັນທີ 26 ກຸມພາ 2021)

#ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

#ປະກາດ ຄັດເລືອກບຸກຄົນ ຫຼື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2021.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19.

*ສະຖານເອກອັກຄະລັດຖະທູດ ແຫ່ງ ສະຫະລັດ ອາເມຣິກາ ປະຈຳ ສປປ ລາວ ງົດການອອກວີຊາບາງປະເພດ ໃຫ້ແກ່ພົນລະເມືອງລາວ.

*ຄໍາແນະນໍາ ກ່ຽວກັບ ຂັ້ນຕອນລະອຽດໃນການປະກອບເອກະສານ ຂໍອະນຸຍາດ ເຂົ້າ-ອອກ ສປປ ລາວ, ວັນທີ 31 ກໍລະກົດ 2020.

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການສືບຕໍ່ໂຈະການອອກວີຊາທຸກປະເພດ ເຖິງວັນທີ 3 ພຶດສະພາ 2020.

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດ Covid-19.

* ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
297613
ມື້ນີ້110
ມື້ວານ95
ອາທິດນີ້370
ເດືອນນີ້11786