ແຈ້ງການຂອງກະຊວງການຕ່າງປະເທດ
ໂດຍຕອບສະໜອງຕາມຄຳເຊີນຂອງ ສະຫາຍ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ສະຫາຍ ຫວັງ ອີ້, ທີ່ປຶກສາແຫ່ງລັດ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາຊົນຈີນ ພ້ອມດ້ວຍຄະນະ ຈະໄດ້ເດີນທາງມາຢ້ຽມຢາມ ສປປ ລາວ ຢ່າງເປັນທາງການ ໃນວັນທີ 16 ທັນວາ 2018.
ພ້ອມດຽວກັນນັ້ນ, ສະຫາຍ ຫວັງ ອີ້ ຈະໄດ້ເດີນທາງເຂົ້າຮ່ວມ ກອງປະຊຸມລັດຖະມົນຕີຕ່າງປະເທດ ຂອບການຮ່ວມມືແມ່ນ້ຳຂອງ-ແມ່ນ້ຳລ້ານຊ້າງ ຄັ້ງທີ 4, ຊຶ່ງຈະຈັດຂຶ້ນໃນວັນທີ 17 ທັນວາ 2018, ທີ່ ແຂວງຫຼວງພະບາງ.
****************************
ຊີວະປະຫວັດຫຍໍ້
ຊື່ ແລະ ນາມສະກຸນ: Wang Yi, ທີ່ປຶກສາແຫ່ງລັດ, ລັດຖະມົນຕີກະຊວງການຕ່າງປະເທດ ແຫ່ງ ສປ ຈີນ
ເກີດເມື່ອ : ເດືອນ ຕຸລາ 1953 , ທີ່ ນະຄອນຫຼວງປັກກິ່ງ
ປະຫວັດການສຶກສາ : ປະລິນຍາໂທດ້ານເສດຖະກິດ
ປະຫວັດການເຮັດວຽກ:
- 1969-1977 ຊາວໜຸ່ມລົງກໍ່ສ້າງຮາກຖານ ແລະ ການຜະລິດຢູ່ແຂວງ Heilongjiang
- 1977-1978 ພະນັກງານຢູ່ສະຖາບັນການຄົ້ນຄວ້າຂໍ້ມູນຂ່າວສານ, ກະຊວງໄປສະນີ ແລະ ໂທລະຄົມມະນາຄົມ
- 1978-1982 ນັກສຶກສາຢູ່ພາກວິຊາພາສາສາດຂອງອາຊີ ແລະ ອາຟຣິກກາທີ່ສະຖາບັນ Beijing Second Foreign Language Institute
- 1982-1989 ພະນັກງານວິຊາການ, ຊັ້ນອະນຸເລຂາ, ຮອງຫົວໜ້າພະແນກ ແລະ ຫົວໜ້າພະແນກ, ກົມອາຊີ, ກະຊວງການຕ່າງປະເທດ
- 1989-1994 ທີ່ປຶກສາ, ອັກຄະລັດຖະທູດທີ່ປຶກສາ, ສະຖານເອກອັກຄະລັດຖະທູດ ສປ ຈີນ ທີ່ ຍີ່ປຸ່ນ
- 1994-1995 ຮອງຫົວໜ້າກົມອາຊີ, ກະຊວງການຕ່າງປະເທດ
- 1995-1998 ຫົວໜ້າກົມອາຊີ, ກະຊວງການຕ່າງປະເທດ
- 1998-2001 ຜູ້ຊ່ວຍລັດຖະມົນຕີກະຊວງການຕ່າງປະເທດ ແລະ ຫົວໜ້າກົມຄົ້ນຄວ້ານະໂຍບາຍ
- 2001-2004 ຮອງລັດຖະມົນຕີການກະຊວງການຕ່າງປະເທດ
- 2004-2007 ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປ ຈີນ ປະຈຳ ຍີ່ປຸ່ນ
- 2007-2008 ລັດຖະມົນຕີກະຊວງການຕ່າງປະເທດ, ຜູ້ປະຈໍາການ
- 2008-2013 ຫົວໜ້າຫ້ອງການວຽກງານໄຕ້ຫວັນຂອງຄະນະກຳມະການສູນກາງພັກກອມມູນິດຈີນ ແລະ ລັດຖະມົນຕີປະຈຳ ຮັບຜິດຊອບວຽກງານໄຕ້ຫວັນຂອງຫ້ອງວ່າການລັດຖະບານ ແຫ່ງ ສປ ຈີນ
- 2013-3.2018 ລັດຖະມົນຕີກະຊວງການຕ່າງປະເທດ
- 3.2018 ທີ່ປຶກສາແຫ່ງລັດ, ລັດຖະມົນຕີກະຊວງການຕ່າງປະເທດ
ເປັນກຳມະການສູນກາງພັກກອມມູນິດຈີນ ໃນສະໄໝທີ 17, 18 ແລະ 19.
ຖານະຄອບຄົວ : ແຕ່ງງານແລ້ວ,ມີລູກສາວ 1 ຄົນ