ໂດຍຕອບສະໜອງຕາມຄຳເຊີນຂອງ ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ທ່ານ ປຣາກ ໂຊຄົນ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແລະ ຮ່ວມມືສາກົນ ແຫ່ງ ຣາຊະອານາຈັກ ກຳປູເຈຍ, ປະທານຄະນະກຳມາທິການຮ່ວມ ວ່າດ້ວຍການຮ່ວມມືສອງຝ່າຍ ກຳປູເຈຍ-ລາວ ພ້ອມດ້ວຍຄະນະ ຈະໄດ້ເດີນທາງຢ້ຽມຢາມ ສປປ ລາວ ຢ່າງເປັນທາງການ ແລະ ເຂົ້າຮ່ວມກອງປະຊຸມຄະນະກຳມາທິການຮ່ວມ ວ່າດ້ວຍການຮ່ວມມືສອງຝ່າຍ ລາວ-ກຳປູເຈຍ (JC) ຄັ້ງທີ 13, ທີ່ ນະຄອນຫຼວງວຽງຈັນ, ແຕ່ວັນທີ 21-22 ກຸມພາ 2019, ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ລາວ-ກຳປູເຈຍ.
-------------------------------------------------------
ຊີວະປະຫວັດຫຍໍ້
ຊື່ ແລະ ນາມສະກຸນ : ທ່ານ ປຣາກ ໂຊຄົນ(PRAK Sokhonn)
ວັນ, ເດືອນ, ປີເກີດ : 03 ພຶດສະພາ 1954
ສະພາບຄອບຄົວ : ແຕ່ງງານ, ມີລູກ 3 ຄົນ.
ສະຖານທີ່ເກີດ : ນະຄອນຫຼວງພະນົມເປັນ, ຣາຊະອານາຈັກ ກຳປູເຈຍ.
ຕຳແໜ່ງໃນກອງທັບ : ພົນເອກ.
ລະດັບພາສາ : ຂະແມ, ຝຣັ່ງ, ອັງກິດ.
ຫຼຽນທີ່ໄດ້ຮັບ
- ຫຼຽນກຽດຕິຄຸນ ໂມຫາເສໄຣວັດ ແຫ່ງ ຣາຊາອານາຈັກ ກຳປູເຈຍ
- ຫຼຽນກ້າຫານປ້ອງກັນປະເທດ ແລະ ປົກປ້ອງປິຕຸພູມ
- ຫຼຽນກຽດຕິຄຸນແຫ່ງຊາດ ຈາກລັດຖະບານຝຣັ່ງ
ລະດັບການສຶກສາ
2001: - ຈົບການສຶກສາທີ່ ສູນຄົ້ນຄ້ວາຍຸດທະສາດ ແລະ ການທູດ ທີ່ ນະຄອນຫຼວງ ປາຣີ.
1993: - ຈົບການສຶກສາທີ່ ສະຖາບັນລັດຖະສາດສາກົນ ທີ່ ນະຄອນຫຼວງ ປາຣີ (ສາຍພົວພັນຕ່າງປະເທດ).
1989: - ຈົບການສຶກສາທີ່ ສະຖາບັນຝຶກອົບຮົມ ນັກຂ່າວສາກົນ ທີ່ ນະຄອນຫຼວງ ບູດາເປັດ, ປະເທດ ຮົງກາລີ.
1972-1975: - ຈົບການສຶກສາທາງດ້ານກົດໝາຍ ທີ່ ນະຄອນຫຼວງ ພະນົມເປັນ.
ປະສົບການເຮັດວຽກ
ກັນຍາ 2018-ປະຈຸບັນ: - ເປັນຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແລະ ການຮ່ວມມືສາກົນ.
ເມສາ 2016- ກັນຍາ 2018:- ເປັນລັດຖະມົນຕີອາວຸໂສ, ລັດຖະມົນຕີກະຊວງການຕ່າງປະເທດ ແລະ ການຮ່ວມມືສາກົນ.
- ເປັນປະທານຄະນະກຳມາທິການປະສານງານແຫ່ງຊາດ ດ້ານວຽກງານຮັກສາສັນຕິພາບຂອງ ອົງການ ສປຊ.
- ເປັນປະທານຄົ້ນຄ້ວາຂໍ້ມູນ ແລະ ໜ່ວຍງານວິເຄາະ ຂອງຫ້ອງການສະພາລັດຖະມົນຕີ.
ກັນຍາ 2013- ເມສາ 2016: - ເປັນລັດຖະມົນຕີກະຊວງໄປສະນີ ແລະ ໂທລະຄົມມະນາຄົມ.
- ເປັນຮອງປະທານອົງການເກັບກູ້ ແລະ ຊ່ວຍເຫຼືອຜູ້ປະສົບເຄາະຮ້າຍຈາກລະເບີດຝັງດິນ.
- ເປັນປະທານຄະນະກຳມະການປະສານງານແຫ່ງຊາດ ດ້ານວຽກງານຮັກສາສັນຕິພາບຂອງອົງ ການ ສປຊ.
- ເປັນປະທານານຄົ້ນຄ້ວາຂໍ້ມູນ ແລະ ໜ່ວຍງານວິເຄາະ ຂອງຫ້ອງການສະພາລັດຖະມົນຕີ.
ທັນວາ 2011-2012: - ເປັນປະທານກອງປະຊຸມ ຄັ້ງທີ 11 ຂອງບັນດາລັດພາຄີສົນທິສັນຍາເກືອດຫ້າມການນຳໃຊ້ ກັບລະເບີດ.
2009-2013: - ເປັນລັດຖະມົນຕີ ປະຈໍາສໍານັກງານນາຍົກລັດຖະມົນຕີ.
-ເປັນທີ່ປຶກສານາຍົກລັດຖະມົນຕີ.
-ເປັນລັດຖະມົນຕີ ປະຈຳຫ້ອງການ ສະພາລັດຖະມົນຕີ.
-ເປັນຮອງປະທານໜ່ວຍງານເກັບກູ້ ແລະ ຊ່ວຍເຫຼືອຜູ້ປະສົບເຄາະຮ້າຍຈາກກັບລະເບີດ.
-ເປັນປະທານຄະນະກຳມະການປະສານງານແຫ່ງຊາດ ສໍາລັບໜ່ວຍງານຮັກສາສັນຕິພາບຂອງອົງການ ສປຊ.
2004: - ເປັນທີ່ປຶກສານາຍົກລັດຖະມົນຕີ.
-ເປັນລັດຖະມົນຕີ ປະຈຳຫ້ອງການສະພາລັດຖະມົນຕີ.
-ເປັນຮອງປະທານຜູ້ທີສອງ ຂອງໜ່ວຍງານເກັບກູ້ ແລະ ຊ່ວຍເຫຼືອຜູ້ປະສົບເຄາະຮ້າຍຈາກກັບລະເບີດ.
-ເປັນປະທານຄະນະກຳມະການປະສານງານແຫ່ງຊາດ ສໍາລັບໜ່ວຍງານຮັກສາສັນຕິພາບຂອງອົງການ ສປຊ.
2003: - ເປັນທີ່ປຶກສານາຍົກລັດຖະມົນຕີ.
-ເປັນຮອງຫົວໜ້າຫ້ອງວ່າການລັດຖະບານ ແຫ່ງ ຣາຊາອານາຈັກ ກຳປູເຈຍ.
1999: - ເປັນເອກອັກຄະຣາຊະທູດກຳປູເຈຍ ປະຈຳຝຣັ່ງ, ແບນຊິກ, ຮອນລັງ, ໂອຕຣິສ, ເດັນມາກ,ສະວີເດັນ, ຟິນແລນ, ສະຫະພາບ ເອີລົບ ແລະ ຫ້ອງການ ສປຊ ທີ່ ເຊີແນວ.
1993-1998: - ເປັນທີ່ປຶກສາ ນາຍົກລັດຖະມົນຕີ.
1993: - ເປັນໂຄສົກປະຈຳກອງທັບ ແຫ່ງ ຣາຊາອານາຈັກ ກຳປູເຈຍ.
-ເປັນຫົວໜ້າປະຕິບັດງານຂໍ້ມູນຂ່າວສານກອງທັບ.
1986-1992: - ເປັນຮອງບັນນາທິການໜັງສືພິມກອງທັບ.
1979-1986: - ເປັນຫົວໜ້າໜ່ວຍງານຂໍ້ມູນຂ່າວສານກອງທັບ.
1979: - ເຂົ້າເປັນທະຫານ.
ຫຼຽນທີ່ໄດ້ຮັບ
- ຫຼຽນກຽດຕິຄຸນ ໂມຫາເສໄຣວັດ ແຫ່ງ ຣາຊາອານາຈັກ ກຳປູເຈຍ
- ຫຼຽນກ້າຫານປ້ອງກັນປະເທດ ແລະ ປົກປ້ອງປິຕຸພູມ
ຫຼຽນກຽດຕິຄຸນແຫ່ງຊາດ ຈາກລັດຖະບານຝຣັ່ງ