ປະທານາທິບໍດີ ແຫ່ງ ສາທາລະນະລັດ ເກົາຫຼີ ຈະຢ້ຽມຢາມລັດຖະກິດ ສປປ ລາວ

ໂດຍຕອບສະໜອງຕາມຄຳເຊີນຂອງ ພະນະທ່ານ ບຸນຍັງ ວໍລະຈິດ, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ພະນະທ່ານ ມູນ ແຈ ອິນ, ປະທານາທິບໍດີ ແຫ່ງ ສາທາລະນະລັດ ເກົາຫຼີ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ຈະເດີນທາງມາຢ້ຽມຢາມລັດຖະກິດຢູ່ ສາທາລະນະລັດ ປະຊາທິປະໄຕ ປະຊາຊົນລາວ ໃນລະຫວ່າງວັນທີ 5-6 ກັນຍາ 2019 ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີ ລະຫວ່າງ ສປປ ລາວ ແລະ ສ. ເກົາຫຼີ ໃຫ້ນັບມື້ແໜ້ນແຟ້ນຍິ່ງຂຶ້ນ.

-------------------------------------------------------------

ຊີວະປະຫວັດຫຍໍ້

ມູນ ແຈ ອິນ (Moon Jae-In)

ປະທານາທິບໍດີ ແຫ່ງ ສາທາລະນະລັດ ເກົາຫຼີ

* ປະຫວັດການສຶກສາ:

1980   ຈົບປະລິນຍາຕີ ສາຂາ ກົດໝາຍ, ມະຫາວິທະຍາໄລ ກຽງ ຮີ, ນະຄອນຫຼວງເຊອູນ, ສາທາລະນະລັດ ເກົາຫຼີ (ສ.ເກົາຫຼີ).

1971    ຈົບໂຮງຮຽນມັດທະຍົມຕອນປາຍ ກຽງນໍາ, ນະຄອນປູຊານ, ສ.ເກົາຫຼີ.

* ປະຫວັດການເຮັດວຽກ:

2017   ປະທານາທິບໍດີ ແຫ່ງ ສາທາລະນະລັດ ເກົາຫຼີ.

2015   ປະທານພັກປະຊາທິປະໄຕ.

2014   ສະມາຊິກຂອງຄະນະກໍາມະການຊົ່ວຄາວພັນທະມິດໃໝ່ດ້ານການເມືອງເພື່ອປະຊາທິປະໄຕ,

ປະທານຄະນະກໍາມະການພິເສດເພື່ອຄວບຄຸມໂຮງງານພະລັງງານນິວເຄລຍ.

2013   ທີ່ປຶກສາຜູ້ປະຈໍາການຂອງພັກຮ່ວມປະຊາທິປະໄຕ.

2012   ຜູ້ສະໝັກເລືອກຕັ້ງປະທານາທິບໍດີ ຄັ້ງທີ 18 ຈາກພັກຮ່ວມປະຊາທິປະໄຕ,

ສະມາຊິກສະພາແຫ່ງຊາດ ປະຈໍາເຂດເລືອກຕັ້ງເມືອງຊາຊັງກູ, ນະຄອນປູຊານ ສະໄໝທີ 19 ຈາກນະຄອນປູຊານ.

2011    ຜູ້ປະຈຳການຂອງຄະນະກຳມະການຮ່ວມດ້ານນະວັດຕະກຳ ແລະ ການເຊື່ອມໂຍງ.

2010   ປະທານມູນນິທິ ໂນ ມູ ຮອນ.

2007  ຫົວໜ້າຫ້ອງວ່າການປະຈໍາທໍານຽບປະທານາທິບໍດີ (Blue House),

         ປະທານຄະນະກໍາມະການສົ່ງເສີມ ກອງປະຊຸມສຸດຍອດ ສ.ເກົາຫຼີ-ສປປ ເກົາຫຼີ ຄັ້ງທີ 2.

2005  ເລຂາອາວຸໂສຂອງປະທານາທິບໍດີ ຮັບຜິດຊອບກິດຈະການພົນລະເຮືອນ.

2004  ເລຂາອາວຸໂສຂອງປະທານາທິບໍດີ ຮັບຜິດຊອບກິດຈະການພາກປະຊາສັງຄົມ.

2003  ເລຂາອາວຸໂສປະຈໍາປະທານາທິບໍດີ ຮັບຜິດຊອບກິດຈະການພົນລະເຮືອນ.

1982   ເປັນຜູ້ສ້າງຕັ້ງຫ້ອງການກົດໝາຍດ້ານສິດມະນຸດ ແລະ ສັງຄົມພົນລະເຮືອນ ຮ່ວມກັບ ທ່ານ ໂນມູຮອນ (ປະທານາທິບໍດີ ສ.ເກົາຫລີ ຄົນທີ 16)

* ຂໍ້ມູນສ່ວນຕົວ

ຊື່ ແລະ ນາມສະກຸນ:      ມູນ ແຈ ອິນ

ວັນເດືອນປີເກີດ:           ວັນທີ 24 ມັງກອນ 1953

ຄອບຄົວ:                   ແຕ່ງງານກັບ ທ່ານ ນາງ ຄິມ ຈອງ ສຸກ, ມີລູກ 2 ຄົນ (ຊາຍ 1 ຄົນ, ຍິງ 1 ຄົນ) ແລະ ຫຼານຊາຍ 2 ຄົນ.

ສາດສະໜາ:                ກາໂຕລິກ.