ແຈ້ງການກະຊວງການຕ່າງປະເທດ
ຕອບສະໜອງຕາມຄຳເຊີນຂອງ ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານ ສູນກາງພັກ ປະຊາຊົນ ປະຕິວັດລາວ, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ສະຫາຍ ຫງວຽນ ຊວັນ ຟຸກ, ກໍາມະການກົມການເມືອງສູນກາງພັກຄອມມູນິດຫວຽດນາມ, ປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ຈະເດີນທາງມາຢ້ຽມຢາມສັນຖະວະໄມຕີຢ່າງເປັນທາງການ ຢູ່ ສາທາລະນະລັດ ປະຊາທິປະໄຕ ປະຊາຊົນລາວ ແຕ່ວັນທີ 09-10 ສິງຫາ 2021 ເພື່ອເພີ່ມທະວີ ແລະ ເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງປະເທດ ລາວ ແລະ ຫວຽດນາມ.
1. ຊື່ແລະນາມສະກຸນ: ຫງວຽນ ຊວັນ ຟຸກ
2. ວັນເດືອນປີເກີດ: 20/7/1954
3. ສະຖານທີ່ເກີດ: ຕະແສງ: ເກ໋ຟູ້, ເມືອງ: ເກ໋ເຊີນ, ແຂວງ: ກວາງນາມ
4. ຊົນເຜົ່າ: ກິງ
5. ວຸດທິການສຶກສາ:
- ວິຊາສະເພາະ: ປະລິນຍາຕີ, ມະຫາວິທະຍາໄລເສດຖະກິດແຫ່ງຊາດຮ່າໂນ້ຍ (ປີ 1978)
- ພາສາຕ່າງປະເທດ: ພາສາອັງກິດ B ແລະ ພາສາຣັດເຊຍ B
6. ບ່ອນປະຈຳການ: ຫ້ອງວ່າການສໍານັກງານປະທານປະເທດ
7. ວັນເດືອນປີເຂົ້າພັກ: ສົມບູນ 12/11/1983
8. ຕໍາແໜ່ງພັກ: ກຳມະການສູນກາງພັກຊຸດທີ X, XI, XII ແລະ ກຳມະການກົມການເມືອງຊຸດທີ XI, XII,VIII
9. ເປັນສະມາຊິກສະພາແຫ່ງຊາດຊຸດທີ:XI, XIII ແລະ XIV
ປະຫວັດການເຄື່ອນໄຫວ ແລະ ເຮັດວຽກ
1966-1968: ເປັນນັກຮົບ ແລະ ຖືກພັກແຕ່ງຕັ້ງໄປຮຽນບໍາລູງກໍ່ສ້າງຢູ່ພາກເໜືອ
1968-1972: ເປັນເລຂາຊາວໜຸ່ມມັດທະຍົມຕອນປາຍ
1973-1978: ເປັນນັກສຶກສາມະຫາວິທະຍາໄລເສດຖະກິດແຫ່ງຊາດ, ເປັນເລຂາໜ່ວຍຊາວໜຸ່ມ.
1978-1979: ພະນັກງານຄະນະຄຸ້ມຄອງເສດຖະກິດ ແຂວງກວາງນາມ-ດານັ້ງ
1979-1993: ວິຊາການ, ຮອງຫົວໜ້າຫ້ອງການ, ຫົວໜ້າຫ້ອງວ່າການສະພາປະຊາຊົນແຂວງກວາງນາມ-ດານັ້ງ, ເລຂາຄະນະພັກອົງການ, ກຳມະການພັກ ແຂວງກວາງນາມ-ດານັ້ງ ຊຸດທີ 1 ແລະ 2, ປະທານສະມາຄົມວິທະຍາສາດເສດຖະກິດ ກວາງ ນາມ-ດານັ້ງ.
1993-1996: ຫົວໜ້າພະແນກທ່ອງທ່ຽວ ທັງເປັນປະທານສະພາຄຸ້ມຄອງເຂດທ່ອງທ່ຽວ ຟູຮາມາ ດານັ້ງ; ຫົວໜ້າພະແນກແຜນການ ແລະ ການລົງທຶນ ແຂວງກວາງນາມ-ດານັ້ງ; ກຳມະການພັກແຂວງກວາງນາມ-ດານັ້ງ ຊຸດທີ 15 ແລະ 16.
1997-2001: ຄະນະກໍາມະການພັກແຂວງກວາງນາມ ຊຸດທີ 17 ແລະ 18; ຮອງປະທານຄະນະປະຈໍາສະພາປະຊາຊົນແຂວງ ທັງເປັນຫົວໜ້າຄະນະຄຸ້ມຄອງເຂດອຸດສາຫະກຳ ແຂວງກວາງນາມ; ສະມາຊິກສະພາປະຊາຊົນ ແຂວງກວາງນາມ ຊຸດທີ 6 ແລະ ເປັນປະທານພັນທະມິດການຮ່ວມມືຊຸມຊົນແຂວງກວາງນາມ.
2001-2004: ຮອງເລຂາພັກແຂວງກວາງນາມ ຊຸດທີ 18; ປະທານສະພາປະຊາຊົນແຂວງ; ເລຂາຄະນະພັກຮັບຜິດຊອບ ພະນັກງານພັກສະພາປະຊາຊົນ ແຂວງກວາງນາມ ຊຸດທີ 6; ສະມາຊິກສະພາແຫ່ງຊາດ ຊຸດທີ 11; ຫົວໜ້າຄະນະຜູ້ແທນສະມາຊິກ ສະພາແຫ່ງຊາດແຂວງກວາງນາມ; ຄະນະກຳມະທິການເສດຖະກິດ-ງົບປະມານສະພາແຫ່ງຊາດ ຊຸດທີ 11, ທັງເປັນປະທານ ສະມາຄົມຂອງບັນດາສະມາຄົມ ວິທະຍາສາດເຕັກນິກແຂວງກວາງນາມ.
2004-2006: ຮອງເລຂາພັກແຂວງກວາງນາມ ຊຸດທີ 19; ປະທານສະພາປະຊາຊົນແຂວງ; ເລຂາຄະນະພັກຮັບຜິດຊອບ ພະນັກງານພັກສະພາປະຊາຊົນ ແຂວງກວາງນາມ ຊຸດທີ 7; ຄະນະຜູ້ແທນສະພາປະຊາຊົນ ແຂວງກວາງນາມຊຸດທີ 7; ສະມາຊິກສະພາແຫ່ງຊາດ; ຄະນະກຳມະທິການເສດຖະກິດ-ງົບປະມານ ສະພາແຫ່ງຊາດ ຊຸດທີ 11.
3/2006-5/2006: ຮອງປະທານຄະນະກວດກາລັດຖະບານ. ໃນກອງປະຊຸມທົ່ວປະເທດຂອງພັກ ສະໄໝທີ 10 ທ່ານໄດ້ຮັບເລືອກຕັ້ງເຂົ້າໃນຄະນະບໍລິຫານງານສູນກາງພັກ.
6/2006-8/2007:ກໍາມະການຄະນະບໍລິຫານງານສູນກາງພັກ ສະໄໝທີ 10; ຮອງຄະນະປະຈໍາຫ້ອງວ່າການ ລັດຖະບານ, ຮອງເລຂາຄະນະພັກຫ້ອງວ່າການ ລັດຖະບານ; ຄະນະກຳມະທິການ ເສດຖະກິດ-ງົບປະມານ ສະພາແຫ່ງຊາດ ຊຸດທີ 11.
8/2007-1/2011:ກໍາມະການຄະນະບໍລິຫານງານສູນກາງພັກ ສະໄໝທີ 10; ເລຂາຄະນະພັກຫ້ອງວ່າການລັດຖະບານ; ລັດຖະມົນຕີປະຈຳຫ້ອງວ່າການລັດຖະບານ; ຄະນະກຳມະການຮັບຜິດຊອບ ພະນັກງານພັກຂອງລັດຖະບານ; ກຳມະການຄະນະບໍລິຫານງານສູນກາງພັກບັນດາອົງການຂັ້ນສູນກາງ; ຫົວໜ້າໜ່ວຍປະຕິບັດວຽກງານການປະຕິຮູບ ຂັ້ນຕອນການບໍລິຫານລັດ ຂອງນາຍົກ ລັດຖະມົນຕີ.
01/2011-7/2011:ກົມການເມືອງສູນກາງພັກ ສະໄໝທີ 11; ຄະນະກໍາມະການຮັບຜິດຊອບພະນັກງານພັກຂອງລັດຖະບານ; ເລຂາຄະນະພັກ; ລັດຖະມົນຕີປະຈຳຫ້ອງວ່າການລັດຖະບານ.
8/2011-4/2016: ກົມການເມືອງສູນກາງພັກ ສະໄໝທີ 11; ຮອງເລຂາຄະນະຮັບຜິດຊອບ ພະນັກງານພັກຂອງລັດຖະບານ; ຮອງນາຍົກລັດຖະມົນຕີ; ປະທານ ຄະນະກຳມະການຮ່ວມມື ຫວຽດນາມ-ລາວ; ຫົວໜ້າຄະນະຊີ້ນຳ ເຂດຕາເວັນຕົກສຽງເໜືອ; ຫົວໜ້າຄະນະຊີ້ນຳຕ້ານອະຊະຍາກຳຂອງລັດຖະບານ; ຫົວໜ້າຄະນະຊີ້ນຳລະດັບຊາດ ກ່ຽວກັບການຕ້ານການຄ້າຂາຍເຖື່ອນ-ສໍ້ໂກງການຄ້າ; ຫົວໜ້າຄະນະຊີ້ນຳການປະຕິຮູບວຽກງານບໍລິຫານລັດ; ປະທານຄະນະກຳມະການຄວາມປອດໄພທາງທ້ອງທະໜົນແຫ່ງຊາດ; ຫົວໜ້າຄະນະກຳມະການຕໍ່ຕ້ານພະຍາດ AIDS; ປາບປາມຢາເສບຕິດ ແລະ ການຄ້າປະເວນີ; ຮອງຄະນະກໍາມະການຊີ້ນໍາຂັ້ນສູນກາງວ່າດ້ວຍການຕໍ່ຕ້ານການຊໍ້ລາດບັງຫຼວງ; ຮອງຄະນະກໍາມາການຊີ້ນໍາປັບປຸງຂະແໜງການຍຸຕິທໍາຂັ້ນສູນກາງ;ຫົວໜ້າຄະນະກໍາມະການຊີ້ນໍາຂອງລັດຖະບານວ່າດ້ວຍການສະຫຼຸບການຈັດຕັ້ງປະຕິບັດລັດຖະທຳມະນູນ ປີ 1992; ຫົວໜ້າຂະແໜງຂອງອະນຸກຳມະການເສດຖະກິດ-ສັງຄົມ ໃນການກະກຽມກອງປະຊຸມໃຫຍ່ຂອງພັກຄັ້ງທີ XII; ເຂົ້າຮ່ວມໂຄງການການນຳບໍລິຫານຂັ້ນສູງ ຫວຽດນາມ ທີ່ ມະຫາວິທະຍາໄລ Harvard. ທີ່ກອງປະຊຸມໃຫ່ຍຄັ້ງທີ XII, ໄດ້ຮັບການເລືອກຕັ້ງໃຫ້ເປັນຄະນະບໍລິຫານງານສູນກາງພັກ.
4/2016-7/2016: ກົມການເມືອງສູນກາງພັກ ສະໄໝທີ XII; ເລຂາຄະນະພັກຂອງລັດຖະບານ; ນາຍົກລັດຖະມົນຕີ; ຮອງປະທານສະພາ ປ້ອງກັນຊາດ-ປ້ອງກັນຄວາມສະຫງົບ; ຄະນະກຳມະການກອງຮ້ອຍສູນກາງ; ກຳມະການຄະນະປະຈໍາພັກຕຳຫຼວດສູນກາງ; ປະທານຄະນະຊີ້ນຳ ລັດກ່ຽວກັບທະເລຕາເວັນອອກ ແລະ ໝູ່ເກາະ; ຫົວໜ້າຄະນະຊີ້ນຳລະດັບຊາດ ກ່ຽວກັບການເຊື່ອມໂຍງສາກົນ; ປະທານສະພາການແຂ່ງຂັນ-ຍ້ອງຍໍສູນກາງ; ປະທານສະພາແຫ່ງຊາດການສຶກສາ ແລະ ການພັດທະນາຊັບພະຍາກອນມະນຸດ; ສະມາຊິກສະພາແຫ່ງຊາດ ຊຸດທີ 14.
- ວັນທີ 206/07/2016, ທີ່ກອງປະຊຸມຄັ້ງປະຖົມມະເລິກ ສະພາແຫ່ງຊາດ ຊຸດທີ XIV, ໄດ້ຮັບການຮັບການແຕ່ງຕັ້ງໃຫ້ເປັນນາຍົກລັດຖະມົນຕີ.
07/2016-04/2021:ກຳມະການກົມການເມືອງສູນກາງພັກ;ເລຂາຄະນະພັກຂອງລັດຖະບານ, ນາຍົກລັດຖະມົນຕີ; ຮອງປະທານສະພາປ້ອງກັນຊາດ-ປ້ອງກັນຄວາມສະຫງົບ; ຄະນະປະຈຳພັກການທະຫານສູນກາງ; ກຳມະການຄະນະປະຈຳພັກຕຳຫຼວດສູນກາງ; ປະທານຄະນະຊີ້ນຳ ລັດກ່ຽວກັບທະເລຕະເວັນອອກ ແລະ ໝູ່ເກາະ; ຫົວໜ້າຄະນະຊີ້ນຳລະດັບຊາດ ກ່ຽວກັບການເຊື່ອມໂຍງສາກົນ; ປະທານສະພາການແຂ່ງຂັນ-ຍ້ອງຍໍສູນກາງ; ປະທານສະພາແຫ່ງຊາດການສຶກສາ ແລະ ການພັດທະນາຊັບພະຍາກອນມະນຸດ, ປະທານກໍາມະທິການລະດັບຊາດວຽກງານ e-government; ຫົວໜ້າຄະນະກໍາມະການຊີ້ນໍາວຽກງານຄວາມໝັ້ນຄົງທາງອິນເຕີເນັດແຫ່ງຊາດ; ຫົວໜ້າຂະແໜງການເສດຖະກິດ-ສັງຄົມ ກະກຽມໃຫ້ແກ່ກອງປະຊຸມໃຫຍ່ຂອງພັກຄັ້ງທີ XIII; ໃນກອງປະຊຸມໃຫຍ່ຂອງພັກຄອມມູນິດ ຫວຽດນາມ ຄັ້ງທີ XIII ໄດ້ຮັບການເລືອກຕັ້ງເຂົ້າໃນຄະນະບໍລິຫານງານສູນກາງພັກ ແລະ ຕັ້ງໃຫ້ດໍາລົງຕໍາແໜ່ງກໍາມະການກົມການເມືອງສູນກາງພັກອີກສະໄໝ.
05/04/2021-ປະຈຸບັນ:
ກອງປະຊຸມສະໄໝສາມັນຄັ້ງທີ່ 11 ຂອງ ສະພາແຫ່ງຊາດຊຸດທີ XIV; ໄດ້ຮັບເລືອກໃຫ້ດຳລົງຕຳແໜ່ງເປັນປະທານປະເທດ ແຫ່ງ ສສ ຫວຽດນາມ.
ນະຄອນຫຼວງວຽງຈັນ, ວັນທີ 05 ສິງຫາ 2021.