ໂດຍຕອບ​ສະ​ໜອງ​ຕາມ​ຄຳ​ເຊີນ​ຂອງ ສະ​ຫາຍ ສະເຫຼີມໄຊ ກົມມະສິດ, ​ລັດຖະມົນຕີກະຊວງການຕ່າງປະເທດ ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ, ສະ​ຫາຍ ບຸຍ ແທັງ ເຊີນ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ພ້ອມດ້ວຍ​​ຄະ​ນະ​ ຈະເດີນ​ທາງ​​ຢ້ຽມ​ຢາມ ສາທາລະນະລັດ ປະຊາທິປະໄຕ ປະຊາຊົນລາວ ​ຢ່າ​ງ​ເປັນ​ທາງ​ການ​ ແລະ ເຂົ້າຮ່ວມກອງປະຊຸມປຶກສາຫາລືດ້ານການເມືອງຂັ້ນລັດຖະມົນຕີ ຄັ້ງທີ 9 ແຕ່​ວັນ​ທີ 27-29 ເມສາ 2022, ເພື່ອເສີມຂະຫຍາຍສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງປະເທດ ກໍ່ຄືລະຫວ່າງສອງກະຊວງການຕ່າງປະເທດ ລາວ ແລະ ຫວຽດນາມ.

ນະຄອນຫຼວງວຽງຈັນ,ວັນທີ 25 ເມສາ 2022

-------------------------------------------------------------------------------------------------------------

ຊີວະປະຫວັດຫຍໍ້

1. ຊື່ແລະນາມສະກຸນ: ບຸຍ ແທັງ ເຊິນ
2. ວັນເດືອນປີເກີດ: 1962
3. ສະຖານທີ່ເກີດ: ນະຄອນຫຼວງຮ່າໂນ້ຍ
4. ສະຖານະ: ແຕ່ງງານ, ລຸກ 1 ຄົນ
5. ຊົນເຜົ່າ: ກິງ
6. ວຸດທິການສຶກສາ:

ວິຊາສະເພາະ:

• ປະລິນຍາຕີ: ສະຖາບັນການຕ່າງປະເທດ ສສ ຫວຽດນາມ (ປີ 1984)
• ປະລິນຍາໂທ: ສາຄາພົວພັນສາກົນ, ມະຫາວິທະຍາໄລ ໂຄລຳເບຍ, ສະຫະລັດອາເມລິກາ (ປີ 1993)

ພາສາຕ່າງປະເທດ: ພາສາອັງກິດ ແລະ ພາສາຍີ່ປຸ່ນ

ປະຫວັດການເຄື່ອນໄຫວ ແລະ ເຮັດວຽກ

1987-1993: ເປັນນັກວິໄຈ, ວິທະຍາຄານພົວພັນສາກົນ, ກະຊວງການຕ່າງເທດ

1993-1996: ເປັນຫົວໜ້າພາກວິຊາ ເອີລົບ-ອາເມລິກາ, ຫົວໜ້າຫ້ອງການ, ວິທະຍາຄານພົວພັນສາກົນ, ກະຊວງການຕ່າງປະເທດ

1996-2000: ເປັນຮອງອໍານວຍການວິທະຍາຄານພົວພັນສາກົນ, ກະຊວງການຕ່າງປະເທດ

2000-2003: ເປັນອັກຄະລັກຖະທູດທີ່ປຶກສາ, ສະຖານທູດ ຫວຽດນາມ ປະຈຳ ສິງກະໂປ

2004-2008: ເປັນຮອງຫົວໜ້າກົມນະໂຍບາຍການຕ່າງປະເທດ

2008-2009: ເປັນຫົວໜ້າກົມນະໂຍບາຍການຕ່າງປະເທດ, ຜູ້ຊ່ວຍລັດຖະມົນຕີ, ເປັນຫົວໜ້າຄະນະເຈລະຈາສົນທິສັນຍາການຄ້າເສລີ ຫວຽດນາມ-ອີຍູ (2008-2012).

2009:         ເປັນຮອງລັດຖະມົນຕີກະຊວງການຕ່າງປະເທດ

2016:          ເປັນຮອງລັດຖະມົນຕີກະຊວງການຕ່າງປະເທດ (ລຳດັບທີ 1), ເປັນກຳມະການສູນກາງພັກກອທມູນິດຫວຽດນາມ.

ວັນທີ 8 ເມສາ 2021: ຖືກແຕ່ງຕັ້ງເປັນລັດຖະມົນຕີກະຊວງການຕ່າງປະເທດ

ຍ້ອງຍໍ:

2011: ຫຼຽນໄຊແຮງງານຊັ້ນ III,

2016 ແລະ 2018: ຫຼຽນໄຊແຮງງານຊັ້ນ II ແລະ ຍ້ອງຍໍຂອງນາຍົກລັດຖະມົນຕີ ໃນການປະກອບສ່ວນອັນພົ້ນເດັ່ນໃນຂົງເຂດວຽກງານການຕ່າງປະເທດ ແລະ ປະກອບສ່ວນເຂົ້າໃນນະໂຍບາຍການຕ່າງປະເທດ