ແຈ້ງການກະຊວງການຕ່າງປະເທດ:
ໂດຍຕອບສະໜອງຕາມຄຳເຊີນຂອງ ສະຫາຍ ຫວໍ ທິ ແອັງ ຊັວນ, ກໍາມະການສູນກາງພັກ, ຮອງປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ, ສະຫາຍ ບຸນທອງ ຈິດມະນີ, ກໍາມະການກົມການເມືອງສູນກາງພັກ, ຜູ້ປະຈໍາການຄະນະເລຂາທິການສູນກາງພັກ, ຮອງປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍຄະນະຜູ້ແທນຂັ້ນສູງ ຈະເດີນທາງໄປຢ້ຽມຢາມ ສາທາລະນະລັດ ສັງຄົມນິຍົມ ຫວຽດນາມ ຢ່າງເປັນທາງການ ແຕ່ວັນທີ 17 – 19 ກໍລະກົດ 2022, ເພື່ອຮັດແໜ້ນ ແລະ ເສີມຂະຫຍາຍສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງປະເທດ ລາວ ແລະ ຫວຽດນາມ. ພ້ອມທັງ ຕາງໜ້າ ພັກ-ລັດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ເຂົ້າຮ່ວມພິທີສະເຫຼີມສະຫຼອງປີສາມັກຄີມິດຕະພາບ ລາວ-ຫວຽດນາມ ເນື່ອງໃນໂອກາດ ວັນສ້າງຕັ້ງສາຍພົວພັນທາງການທູດ ລາວ-ຫວຽດນາມ ຄົບຮອບ 60 ປີ ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມື ລາວ-ຫວຽດນາມ ຄົບຮອບ 45 ປີ ທີ່ຈະຈັດຂຶ້ນທີ່ນະຄອນຫຼວງຮ່າໂນ້ຍ.
ບົດແຈ້ງຂ່າວ
ໃນລະຫວ່າງ ວັນທີ 3-5 ກໍລະກົດ 2022, ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຈະນໍາພາຄະນະຜູ້ແທນລາວ ເດີນທາງເຂົ້າຮ່ວມກອງປະຊຸມລັດຖະມົນຕີຕ່າງປະເທດຂອບການຮ່ວມມືແມ່ນ້ຳຂອງ-ແມ່ນໍ້າລ້ານຊ້າງ ຄັ້ງທີ 7, ທີ່ ເມືອງ ບາກັນ, ສສ ມຽນມາ ພາຍໃຕ້ການເປັນປະທານຮ່ວມຂອງ ສສ ມຽນມາ ແລະ ສປ ຈີນ.
- ອີງຕາມຈົດໝາຍທາງການທູດ ຈາກ ສະຖານເອກອັກຄະລັດຖະທູດ ແຫ່ງ ສາທາລະນະລັດ ຕວັກກີ, ສະບັບເລກທີ Z-2022/99614231/34508590, ລົງວັນທີ 02 ມິຖຸນາ 2022.
- ລັດຖະບານ ແຫ່ງ ສາທາລະນະລັດ ຕວັກກີ ຂໍແຈ້ງໃຫ້ຊາບວ່າ ປະຈຸບັນ ລັດຖະບານ ຕວັກກີ ໄດ້ອອກແຈ້ງ ກ່ຽວກັບ ການປັບປ່ຽນຊື່ປະເທດ ຄືນໃຫມ່ ຈາກເດີມ “Republic of Turkey” ປ່ຽນໃຫມ່ ໂດຍນຳໃຊ້ຢ່າງເປັນທາງການແມ່ນ “Republic of Türkiye”.
- ສຳລັບການນຳໃຊ້ຊື່ປະເທດ ໃນຮູບແບບຫຍໍ້ ແມ່ນ "Türkiye"